خالد العبيريد+سنجار المري

هلابك يالمـــــــسلم والمعاني كرتها مختوم ** على وضح النقى ونار شبت لا تطفيها
توكلنا على الله والهدف ياصاحبي مرسوم ** وانا ذلليل حاميها وانا خابرك قاضيها

ارحب ياسنجار العذر من الله ثم منك امس صار لي ظرف وطلعت ,,

الشرف لعبي معك وسسلمت واسستلم ,,

يدوم ابك البقى والله يجملنا مع المقسوم=ليا شفتك قوي عزوم تعزم ماتباريها
انا قلت الخبر والناس باليها كثير النوم=تراها سلة ً مابين بايعها وشاريها

مرحبا ومسهلا بالجميع حياكم الله وكل عام وانت بصحه وسلامه يارب وتقبل الله منا ومنكم صالح الاعمال ,,

العذر من الجميع على التأخير الذي لم يكن من رايي .

انا من قوم وانته ياوسيع المعرفه من قوم ** انا ماني بمنها وانت تعرف ويش اساميها

ترا لوم العرب ياصـــــحابنا لل لي عليه اللوم ** تراها خيمتا مابين هادمـــــــــــها وبانيها

مرحبا بالجميع وكل واحد بسمه تراحيب المطر

وكل عام وانتكم ابخير وبصحه وسلامه

انا من قوم وانته ياوسيع المعرفه من قوم ** انا ماني بمنها وانت تعرف ويش اساميها
ترا لوم العرب ياصـــــحابنا لل لي عليه اللوم ** تراها خيمتا مابين هادمـــــــــــها وبانيها

طيب ياطيب ,,

سسلمت واسستلم ,,

انا ماقول فيك اقصور ياحر ٍ شهر بالحوم=على هونك نبيها فالفقاره كب رجليها
اقدم لك عسل وتقول خايف يجي مسموم=وربك يعلم بنيك يلي كنت مخفيها

جعل سالم يابواسهيل ومابه لا الخير طال عمرك

الليله اول الليله من الشهر الفضيل خف علينا الرمي جزاك الله خير

وكل عام وانت طيب وبخير وجعله يعود علينا بصحه والسلامه

هههههههه باررك الله فيك الرمي هون بهون ,,

بارك الله فيك وكل عاام وانت سعيد يارب .

تقوله وانت سباحا وماهر فالبحر وتعوم ** ونارا ولعت ونار تحرق رجل واطيها

تقدم لي عسل والمشكله حنا بشهر الصوم ** حراميها ماحاميها ماحاميها حراميها

تقوله وانت سباحا وماهر فالبحر وتعوم ** ونارا ولعت والنار تحرق رجل واطيها
تقدم لي عسل والمشكله حنا بشهر الصوم ** حراميها ماحاميها ماحاميها حراميها

هالله هالله ياسنجار فديتك قلبك ههههه ,,

اسسستلم يالقرم ,,

انا السابح وانا الماهر وانا الفارس عدو القوم=ولا دقت طبول الحرب ماغيري يلاقيها
تقوله وانت لاظالم بقصتهم ولامظلوم=عسى باقي رجاء ربعك يساندها مساعيها

انا سيف العرب يوم المعارك بين فرس وروم ** ولا دقت طبول الحرب تبشر من يلبيها

انا خابرك لا معـــــــــــطا ولاكن منته ابمحروم ** وانا ربعي جبال ثابته تكــــسر معاديها