لاحظ قبل لاتشتري طيرك....

لاحظ قبل لاتشتري طيرك....

السلام عليكم ورحمته الله وبركاته

يجب على من اراد ان يشترى طير ان يلاحظ الاتى :

1- نظرة شاملة للطير من الامام والخلف وهو على وكرة

2-حمل الطير على يدك وملاحظة وزنة وهو على يدك

3-فحص كف الطير من الخارج الا تكون فية جدرة وملاحظة الصوايد مافيها كسر او قطع اى يكون الصايد مقطوع

4-فحص كف الطير من بطن الكف من داخل والتاكد انها سليمه ولافيها أحمرار أو سواد اى مسمار او سده

5-فحص ساق الطير من الاعلى الى الاسفل للتاكد من ساق الطير مافيها كسر جابر

6-التاكد من ريش الطير من الكسر أو التوسير او التدعيم او الطعج

7-تكفيخ الطير وملاحظة سرعة الجناحين وحركتهم متساوية مع بعضهما او لا قد يكون فيه ملوع او كسر

8-تكفيخ الطير وهو على يدك فترة وبعدها لاحظ تنفسة ولاحظ اجفون الطير تنتفخ ولا لا اى لافية انهيتة او ارداد

9-مسح نحر الطير ولمس العظم الى فى نص النحر الا يكون فيه ضربه

10-مسح نحر الطير وفحصه واذا كان الطير ضعيف ممكن مريض او من قلت اعلافه من الصيادين قبل دخوله للبلاد يعنى رحلة تبهذل فيها الطير من أصتياده لين وصل البلاد

11
-فك برقع الطير وحرك يدك قرب عين الطير ولاحظ انتباهه ونظره والعين الاخرى كذالك يعنى الطير يشوف او فى نظره شئ
12-فحص العظمتين اللى فى منتصف الظهر للطير ان لايكون فيهن تفخ أو خرزة
وكل
هذا ياخوان توافيق وسبق شرينا وحوش فيها جدرة وطابت وطيور ضعويفة وزانة تالى يعنى هى مغامرة بس اللى مايحب يغامر خله بالسليم وسبق شريت طيور ضعيفة وماتت وراعى الطير لازم يغامر من وجهته نظرى الشخصية وكلن له اسلوبه وطريقة .

وهاذي فيديو لطيرهداد كروين

وسلامتكم

المصدر: الملتقى الجماهيري للشاعر محمد بن فطيس المري

ماشاء الله اخوي معلوماااات مفييييييده

الله يقويك ي الشيخ ...

اذا بغيت اشتري طير آخذك معي

واذا بغيت تشتري حمام خذني معك ههههههههه

موضوع جميل ومفيد وهذا وقته بالفعل

مجمل يامحمد لاخلا منك

عوافي يالغلا..

لكن ,, الله يرزقنااا..

ولو بصقر مريض..

^^

ههههههههه


تحياتي

اقتباس المشاركة الأصلية كتبت بواسطة المالكي عوافي يالغلا.. لكن ,, الله يرزقنااا.. ولو بصقر مريض.. ^^ ههههههههه تحياتي

ههههههههههههههههههههه الله يرزقك احسن من اللي تمنيته يالمالكي


محمد بيض الهل وجهك على هالطرح القيييم


احيي فيك اجتهادك

وليكون الموضوع مرجع لكل قناااص

لاخلا ولا عدم

اخوك

ابو مشاري

ههههههههههههه
فله
محمد ماشاء الله
معلومات واسعه
يارب يحفظك

مالنا بـ هالامور والله
بس من كثر ماشوف مواضيعك عنها
نفسي اعرف اكثر من كذا

معلومات راائعه جدا

وموضوع رااائع

يعطيك العافيه يامحمد

اقتباس المشاركة الأصلية كتبت بواسطة مسافر في سما النسيان ماشاء الله اخوي معلوماااات مفييييييده الله يقويك ي الشيخ ...

قواك الله ومرحبابك

اقتباس المشاركة الأصلية كتبت بواسطة قـاصد كـريم اذا بغيت اشتري طير آخذك معي واذا بغيت تشتري حمام خذني معك ههههههههه موضوع جميل ومفيد وهذا وقته بالفعل مجمل يامحمد لاخلا منك

تم يالغالي وابشر بعزك تشرفت بحظورك يالخوي

اقتباس المشاركة الأصلية كتبت بواسطة المالكي عوافي يالغلا.. لكن ,, الله يرزقنااا.. ولو بصقر مريض.. ^^ ههههههههه تحياتي

هههههههههههههههههه

هلا بالغالي نورت ويارب يرزقك بحر قرناس