ҳҲҳ دفْتَرّ أَيّامِيِ الضَايِعْ ҳҲҳ

كلٍّ تحاكي نظرته إهتمامه
وكلٍّ على مبداه يظهر شعوره

اللّيل لوّ ما اقبل علينا ظلامه !
الصبح ما نفهم سبايب حضوره

عبد العزيز عبد الله الهزاع
♔♔♔

ما عاد عندي للمعاني معاني
وما عاد عندي للشعر قوّة عزوم
♔♔♔
لا قلت ما احبّك تراني اعاني
ولا قلت ابي قربك ترا المقصد اليوم
♔♔♔
اليوم ابي شمسك تعانق كياني
واليوم ابي انسا عليّ كثرة اللّوم
♔♔♔
لا عاد تبطي وانت تدري بزماني
ما يرحم اللّي صار وحده عن القوم
♔♔♔
انت المكان اللّي اشوفه مكاني
وانت الزمان اللّي نصر فيه مظلوم


عبد العزيز الهزّاع

ترى ما يهمّ اللّي حلاله يرزّه
انا ما عليّ منّه ولا من حلاله

من لا يعزّ النّفس ماني بعزّه
ولاني برفيقٍ له ولا راس ماله

عبد العزيز عبد الله الهزّاع

يا ربّ وان ضاقت علينا الوسيعه
هوّن على قلوبٍ تخافك وترجاك

وارفع بنا عن كلّ دنياً وضِيعه
وارفع لنا حِسْن العمل يوم نلقاك

عبد العزيز الهزاع

لا تزعج إحساسك وقلبك بالأوهام
ولا تنشغل في قُرب من لا يودّك

خلّك قريب الواقع و جار الأحلام
لو تفقد إحداهن بتبقى لوحدك

عبد العزيز الهزاع

السؤال :

ما حكم الحلف على القرآن كذبا؟


الجواب :
الحلف على القرآن كذبًا يمين غموس يغمس صاحبه في النار، ومن وقع منه مثل ذلك فعليه بالمبادرة إلى التوبة والاستغفار وإعادة الحقوق إلى أهلها وأداء كفارة يمين.

منقول من دار الافتآء

كذبه وثارت بينهم وأصوات كذابه

عبد العزيز الهزاع

كوبليه غنائي

ما انتظرتك لي زمان .. ومن زمااان
وكان ودّك تفتكر.. يوم وعدك ليّه كان
ما انتظرتك ..
بس من يوم افترقنا
وآنا في نفس المكان !؟

مثل حالي لا تسمّيه انتظار
لانّي فعلاً ما انتظرتك
ولان وعدك راح وقته .. وآنا
في نفس المكان .. ما انتظرتك

عبدالعزيز عبد الله الهزاع

الحِزن يقرب..الى منّي كتبت
وان كتبت الحزن قالوا فارقه

ما عرفت أكذب..ولوّ انّي كذبت
ما تِبَيّن بي ملامح صادقه

يظهر انّي يا بو حمدان إنّكبت
مثلي يبحث عن مغارب شارقه

خايف من اللّيل يسأل. ليه غبت؟!
وخايف ان النوم ياتي سارقه

عبد العزيز الهزاع

قالوا: وشهو أجمل إحساسٍ يجيك
قلت : ابتسامه ما وراها أيّ شيء

ابتسامةْ قلب طاهر تشتريك
وما تبيعك لجل حاجه وانت حيّ

عبد العزيز الهزاع