أطيح طيحَة شيخ وارجع واقومي .!

أطيح طيحَة شيخ وارجع واقومي .!

شئٌ من الوآقع .، وفضفضةْ ..!
زحمة حكيْ بصدريْ !، فكتبتُ هنا :
تقبلوها كمَا هيَ /


من القديم جداً :

ياليت لي قدرة /// واعاند همومي
واكسر جدار الضيق وارتاح ياهم



بيني وبين [ الهم ] ثار معلومي
ماقد خبرت الناس تنسى لها دم



أطيح طيحة شيخ وارجع واقومي
لامسندي خالي ..! ولامسندي عم



مبطي وانا البحار دايم واعومي
اضيق وافرح ..! كل يومٍ على يم



مره يزين العلم ..! بس مايدومي
يحرق [ منارة صبحنا [ ليلٍ آظلم



حلو الليالي عن وصالي تصومي
{ ميت ظمـا } وعروق قلبي تألم



ماجيت بشكي ياسعد قوت يومي
ولاجيت بشكي قصة الحب ياعم



مليت من شوف القمر والنجومي
ومن قولة أصبر علّه الشمل يلتم



صبرت لين الصبر فارق عزومي
(ودموع عيني ) فوق خدي تزاحم



[ بعض الحلوم ] تشيليني للغيومي
ولاجيت للواقع .. الى الواقع اعتم



يطير من سبة دفــــا الحلم نومي
والصبح كّنه ياسعد جرعة السم



ياويل حالي كيف اصدق حلومي
وابسط حقوق الخلق ترقد وتحلم



[ الوضع مظلم ] في دهاليز يومي
ناسٍ تعااف الكيف ... وتقدر الكم



"توصلك" لو تبغى بقربك لزومي
تحرص على قربك ! وتسعا وتهتم



وان قل مابيدك تعـــاف وتشومي
ماكنها اللي قد روت صافي الجم



ناسٍ تـــجردني من أحلا هدومي
ناسٍ تبي قمة هل العز /// تهدم



أزرع محبة قلب وأحصد سمومي
الوقت مايرحم .. ولا الناس ترحم


اسكت واميّز خبلهم لو يحوومي
واتصنع اني ياسعد جاهل العلم



ماهو بضعفٍ يوم أهدي سهومي
لكّن من دافع رضا الناس مسهم



مندم على وقتٍ قصيت محرووومي
مانيب انا اللي في قفا الوقت يندم



لي من خَيار القوم "رجل"ٍ خدومي
هو مسندي وقت الشدايد ! ومحزم



الجا له إليا صآر "صدري" كتومي
مادام صدره [ بير سري ] ومنجم



ماهو "برجلٍ" لاسمعني يلووومي
كم واحدٍ عن ( حثلة ) الخلق يكرم



هاذي علومي ! كان تبغى علومي
الهم يذبح ....! من سكن قلبه الهم




أرق التحايا !
م ح م د



.
.
.
.

المصدر: الملتقى الجماهيري للشاعر محمد بن فطيس المري

الله الله

صح لساااااانك

مبدع


لاهنت

اقتباس المشاركة الأصلية كتبت بواسطة دلع العجمان الله الله صح لساااااانك مبدع لاهنت

يَ مرحبا يادلع العجمان
صح بدنك ولاهنتي

م ح م د

يامحمد بن صياح .. الله وكبر .. الله وكبر .. كلمات رااااااااااائعه

ترى ابي اكتب شي يليق في مقامك لكن مدري وش اكتب

بس ماقول الا الله يستر عليك كلمات ابداع يالمبدع

انتظر جديدك

اقتباس المشاركة الأصلية كتبت بواسطة مبارك الشمري يامحمد بن صياح .. الله وكبر .. الله وكبر .. كلمات رااااااااااائعه ترى ابي اكتب شي يليق في مقامك لكن مدري وش اكتب بس ماقول الا الله يستر عليك كلمات ابداع يالمبدع انتظر جديدك

أرحب يامبارك ويَ صباح السعد .!
حضورك هنا وتشريفك محل فخر واعتزاز
لاعدمتك

م ح م د

الله الله يا بو صياح


صح الله لساااانك مبـــدع وجزززل ومضرينا ع الجزاله دااائما


بأنتظار ما تقدم لنا اناملك

اقتباس المشاركة الأصلية كتبت بواسطة سمـ المراجل ـو الله الله يا بو صياح صح الله لساااانك مبـــدع وجزززل ومضرينا ع الجزاله دااائما بأنتظار ما تقدم لنا اناملك

يسعد صباحك يَ سمو المراجل
صح بدنك وألف شكر على حضورك وتشريفك

لاخلا ولا عدم

م ح م د

سلمت يمناك يامحمد
صراحه شي فوق الجمال قصيد روعه
وانت اروع
وتستاهل كل العلوم الطيبه
والله يبعد عنك الهم ويشرح صدرك

اقتباس المشاركة الأصلية كتبت بواسطة محمد الوريكي سلمت يمناك يامحمد صراحه شي فوق الجمال قصيد روعه وانت اروع وتستاهل كل العلوم الطيبه والله يبعد عنك الهم ويشرح صدرك

يَ هلابك يالسميّ .!
الأروع والأجمل والأمثل : حضورك عزيزي
تستاهل الطيب والخير

ألف شكر لك

م ح م د

صح السآنك
والله يفرجها علينا وعليك
وننتظر جديدك,,,,