يا ناصر بن حسين يا ليث يا داب

يا ناصر بن حسين يا ليث يا داب

قصيدة ارجوا ان تحوز على أعجابكم واريد النقد من الشعراء



البارحه سهران والدمع سكاب*
مثل السحاب اللي صبوبه حقاقي
من سبة الفرقا وتوديع الاحباب
اونس بكبدي مثل ضرب السناقي
ذي عادة الدنيا تجيلك بلا حساب
ياما اجعلت من عقب شمل فتراقي
مسكين من يفرح ليا عيشها طاب
خوانةً وان عاهدت بتفاقي
اسهومها ما اخطاك منها فلا صاب
واللي تصيبك مالها عنك واقي
يا مل قلبً من هوى البيض ما تاب
الا يزيده ذكرهم الاشتياقي
ياهيه يا زاهي على كفش خضاب
يا عود ريحانً على جال ساقي
اموت انا لا سلهمت لي بالاهداب
ويصيب قلبي من هواها انفتاقي
يا عين حرً معتلي له على هضاب
و الخد براقً سرى له اشعاقي
و النهد كالرمان لزين جذاب
و ريقه شبيهً للعسل فالمذاقي
يحلف على حبي و حالف على كتاب
ويقول لي ياسهيل وين التلاقي
وان احسبه صادق ولا هو بكذاب
واثره طلع رمز الغدر والنفاقي
شكواي انا تنصى على حصان الاطلاب
هو سيفي القاطع نهار الملاقي
يا ناصر بن حسين يا ليث يا داب
شيال حملً جايرً ما يطاقي
هاض الضمير وكل شيً له اسباب
و انا تراني قمة المجد راقي
وسلامتكم

المصدر: الملتقى الجماهيري للشاعر محمد بن فطيس المري

بيض الله وجهك ياسهيل
قصيده راااائعه

يامل قلبٍ من هوى البيض ماتاب..

ههههههه عزتي له ياسهيل

وجهك ابيض ياخوي حمد
مرورك يشرفني

ياسلامي عليييييك ياسهيل

ابدااااااااااااااااااااااااااع والله يعينك

وصح لسانك ملايين في ملايين

وناصر ابن حسين كفوووووو دائم تعجبني قصائده الحصان


اخوك فزاع العتيبي

قالو لي ان سهيل هاوي ومنصاب
بين الضلوع العوج جاه اختناقي

من سبت اللي حبها ما له اطباب
فيها بلوغ النفس حتى التراقي

يمشي هواها فالخلايا والاعصاب
طاق الهوى قلبه وهو ما يطاقي

يرمي تعابيره على متن الاجناب
ويحيطها بالحب جوف المآقي

القلب يقلى فوق صاجه ومشهاب
والراس متعدي سحايب نطاقي

يسند علي القول والهاجس ارتاب
يزفر لهيب الحال حال إحتراقي

ليث تعزوى في سنا المجد بعتاب
والمجد لبى قال حلو وثاقي

اشر عليها دون لا تطرق الباب
وازهل رضاهاوالعطايا بواقي

مادام لك من بين الاجواد منساب
تاتيك لو نطرح لاهلها الطواقي

وان ما رضو نهجم عليها بالاحزاب
ومنهم نسوق المهر لجلك غلاقي

هذا معى انك قلت لي داب يا غراب
والا تشوف اليوم كيف انبثاقي

اجلب عليك الخير في جوف الاطناب
واجعل عليك الكاس دايم دهاقي

واخيرك بين الهنى والتقلاب
والا تعيش بجوف سبع طباقي

ارضي هوا نفسك على كل الاداب
ما دمت فيني يا ابن الاجواد هاقي

اطلعك بالعز في راس مرقاب
ما دام خيري من عليكم غداقي

توك صبي للعنا دوم عباب
نظمك لفى راقي وله رد راقي

مادام ناصر للطواريق كتاب
الغير للجزلات ماهو بلاقي


ان جات لك بالويب والا على الواب
قولي ترا موثوق ليس اختلاقي

مادام لك من بين الاجواد منساب
تاتيك لو نطرح لاهلها الطواقي


صحت اللسنتكم وعساكم ع القوه

قالو لي ان سهيل هاوي ومنصاب
بين الضلوع العوج جاه اختناقي

من سبت اللي حبها ما له اطباب
فيها بلوغ النفس حتى التراقي

يمشي هواها فالخلايا والعصاب
طاق الهوى قلبه وهو ما يطاقي

يرمي تعابيره على متن الاجناب
ويحيطها بالحب جوف المآقي

القلب يقلى فوق صاجه ومشهاب
والراس متعدي سحايب نطاقي

يسند علي القول والهاجس ارتاب
يزفر لهيب الحال حال إحتراقي

ليث تعزوى في سنا المجد بعتاب
والمجد لبى قال حلو وثاقي

اشر عليها دون لا تطرق الباب
وازهل رضاهاوالعطايا بواقي

مادام لك من بين الاجواد منساب
تاتيك لو نطرح لاهلها الطواقي
وان ما رضو نهجم عليها بالاحزاب
ومنهم نسوق المهر لجلك غلاقي

هذا معى انك قلت لي داب يا غراب
والا تشوف اليوم كيف انبثاقي

اجلب عليك الخير في جوف الاطناب
واجعل عليك الكاس دايم دهاقي

واخيرك بين الهنى والتقلاب
والا تعيش بجوف سبع طباقي

ان جات لك بالويب والا على الواب
قولي ترا موثوق ليس اختلاقي

ههههههههههههههههههههههههههههههههه

صح لسااااااااااااانك ياناصر اشهد بالله انك كفوووووووووو

الله عليك ياسهيل ,,

صح الله لساانك وصح قلبك وكلك ولاهنت قصيده جزله مرفوعه لشاعر جزل ,,

وصح الله لساانك ياناصر رد في مكانه وكفو وماتترك شي هههههههه ,,

كل تحياتي وتقديري لكم .

..


صـــح اللهـ ألسنتكم يَ إثنين .. أمتعتونآ شع ـر و جزآله

دمتم بـ خيرـر


؛