رجل (ن) شجاع والهزيمه تقهره

رجل (ن) شجاع والهزيمه تقهره

صباح الخير جميعا


عادي تروح ما دام أني نستيك
صعب اللي نساني أتذكره

في عز ما أحتجت لك مالقيتك
وانا اللي وقت ( العوايز ) تذكره

وأنا لولا ( الغلا ) كان ماجيتك
كل الدروب اللي مشيت مسكره

ما أبيك تشكرني لامن عطيتك !
واجب الله على العطايا ( تشكره)

من يقول الله يحييك في بيتك !
لو أنك تحبه صدق ( ماتهجره )

أنا اللي .. هذاك اليوم وآسيتك
جيت لي ضايق و ( دمعك تنثره )

ماقلت لك امسح دموعك ‏?فديتك
وماقلت لك اللي تحبه لا تخسره !

لو هي بكيفي ما كان خليتك !
الخطا وراد ( والعفو عند المقدره )

لكن كرهتك .. كثر ما أغليتك
هذا الشعور اللي اتجاهك أشعره

وأبيك تعذرني .. ليا من تعديتك
رجل (ن) شجاع والهزيمه تقهره

لـ عمار الدليجان

المصدر: الملتقى الجماهيري للشاعر محمد بن فطيس المري

صح لسانك اخوي
افضل بمراحل عن الأولى
احييك

صح لسانك ولا هنت قصيد معبره


تحيتي وتقديري