( شبل العبادين + ناصر الشريف )

خايف يسبب كلامي في دماغك نزيف=ياللي مرابيعكم من هو لفا حافها

يا كيف عبد الحميد وكيف عبد اللطيف=ان بينت طاقة العبد الذي لافها

الكف ماهو ملي والقلب ماهو نظيف... هرجت خلا حدت الضايق بمحرافها

هذا سؤالك لنفسك يوم جاله وحيف... متلزمٍ في دروب الناس وخلافها

يكفي شريف النسب لا جا مقامه منيف=والا انت ربعك تنشد من هم اسلافها

جدي رسول وهلي من حول ظهري لفيف=يا حيف كيف العرب تتجاهل اعرافها

قد قلت ماشفت في تال الليالي شريف... الاسم الاشراف والشرفه لشرافها

أنت اعربيٍ بلاه الله وعود ضعيف... ضاعت معان البيوت وضاع خطافها

انا اشهد انك سخيف وساس عرقك سخيف=يوم القبايل على اصلك ضاع مجدافها

واسمك معى تالي الدنيا بيقلب جوزيف=ما دام عمك اوباما طوع الافها

كفوو ياناصر والنعم ؤالله ..
ؤلا تهون ياشبل

هوجاس ما عليك زود والله لا يهينك على المرور

تحيتي لك

حياك الله ياشبل المعادين .. أرحب بعد الغيبه .. صح الله الأسن وبيض الله وجيهكم ..
ولو اني زعلان شوي من ناصر على الطمره الغريبه ..
ياناصر الرجال دعاني بإسمي ماهو بحق انك تدخل معه حتى لو انك عزيز وغالي ومثل النفس ..
لكن فاهنه ماهنا خلاف الجايات اكثر ياشبل المعادين ..

هلا ومرحبا بالجميع...
ومثل هذي المحاورات هي ما نرغب فيه...
المحاورة الحقيقية هي حاضر بحاضر ...
شكرا لا عدمنا تواجدكم...
وحياك يا شبل من جديد منور دائما

حياك الله يا امير والزعل ماله داعي وانا اخوك ولو ما كنت امون ما دخلت

بعدين انا تقمصت الشخصيه ما فيها شي هههههههههههه

ومثل ما قلت الجايات اكثر تحياتي وخالص تقديري لك يا امير