قصة الشيخ مناحي بن جرمان مع الشيخ هذال بن فهيد

قصة الشيخ مناحي بن جرمان مع الشيخ هذال بن فهيد

كان الشيخ مناحي بن سعيدان بن جرمان إذ كانت القبيله في نجد وكانت مناطق نجد دهر عكس مناطق الجنوب التي يتكاثر بها الحيا وقال الشيخ مناحي هذي الابيات يستأذن من نجد وهذا من حبه لها:



يانجد سامحني ثلاث سنين=مدام تثليث زفا مرعاه
أمهل علينا دامنا مسنين=لين الحيا ينقاد من منشاه
ولابدنا عقب البطا منحين=وياويل من بنحورها تاطاه

وعندما سمع الشيخ هذال بن فهيد هذه الأبيات أرسل للشيخ مناحي قصيده لم يردنا منها الا هذه الأبيات:

ياراكب من عندنا ثنتين=صوب الجنوب مناحي تنصاه
يحرم عليه الحزم والضيرين=والهضب مايشرب برايد ماه

وعندما سمع الشيخ مناحي بن جرمان قصيدة الشيخ هذال بن فهيد رد عليه مناحي قائلا:


ياراكب اللي ماعسفها القين=ولادزها العمال فالمنحاه
تنصا لنا راع الجواب الزين=من عندنا وابو جهز ملفاه
أن كان يطري الحزم والضيرين= هذا وخام مانبي مرعاه
ترى الوعد خشم النفود الزين=جنوب صبحا يمة الحصاه
حتى ليا جوك النكيف بحين=تبكي على اللي ما تبي فرقاه
وحتى لكل من دعا له دين=الطيب اللي تظهره يمناه

المصدر: الملتقى الجماهيري للشاعر محمد بن فطيس المري