بعــض من ديوان شاعر منتدانا / خــالد العبيريد

بعــض من ديوان شاعر منتدانا / خــالد العبيريد

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بسم الله الرحمن الرحيم
السلام عليكم ورحمة الله وبركاته

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

مدخــــل *
الالف :
أولف ماطرالي من القيل
من خاطر ٍ سلواه بدع التماثيل
قصة غرام وسببة لي غرابيـل
والله ولي النفس عالم خفاها

أقدم لـــكم مجموعة من الـــ قصائد
شخصية تعودنا منه يرسـم الحرف بـــ ماء الـذهب ..
يرســـم .. فـــ يتقن .. فـــ يبدع ..فــ يتحفنا ..
مهما تكلمت عنه لن أوفية مقامة في الــ شعر ..
ولن أوفيه حقة في هذا الـــ منتدى ..
ولن أوفية حقه في الــ حرف..
عباراتة تحــوز عــ رضـا الجميـــع ..
فهو الاستاذ الشاعر / خالد العبيريد
مشرف قسم القلطة والمحاورة ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

"يــا برق المخيّل"
طـرف الليل وسرى والشـعر جاله مجـال .. والهـواجس في ضميري لها دبك وصـهيل
أحــتــزم يـاهـاجـسـي والله الله بـالجـزال .. طـب مـيـدان الـمعـانـي وزد فـالكـيـل كـيـل
قـالـو أهـل الـعرف مال الـزلال الاا زلال .. وانـت عد ٍ يـختـلط به شـهد مـع سـلسبيـل
وأحتـزم لـي هاجسي بـعد نـاديـته وقـال .. مـعك والله ماتراجـع عـن الـمعـنى وأميـل
وابتدى بـدع القـوافي جزال ٍ من جـزال .. ومن يجـمل خـاطـر الـقاف قـالو له جميـل
وأرفـع المظمـون للـي يعرفون المقـال .. كـاسبيـن النـعم يـوم الردي مـالـه حصـيل
شفتو وشفـنا مع الـوقـت برق ٍ فالخيـال .. والرجاء من دونـه اليأس يابرق المخيـل
صـار قلب اليـعربي في ميـوله وانعدال .. نوب في شمس القسى نوب في ضل ٍ ضليل
مـاعـرفـناهـا جـديـده جـواب بلا سؤال .. مابكـت عيـن القـزم غـير من فعل الطويـل
أن سكتنا راحت السالفـه روح وتـعال .. وان هرجنا مالقينى على الهرجه عـميـل
والـقـلـوب الـميـته يـاعـسـاها للـزوال .. مـايـقديـها بـصـرهـا عـلى عـرف ودلـيـل
من قديم الوقت نسمع بها في كل حال .. الأصيـله مالـهـا فـالـزمـن غـيـر الأصيـل
وأن تسـاوت ماكرالحرفي روس الطوال .. غايـته روس العلا مارضى عيـشة ذليل
وأن بلش راع الحرام اشبعو يأهل الحلال .. وافعلو ماتفعلونه عجب مع مستحيل
تمـت ونـور الفجـر مالـحق سـود الليـال .. والذكي مـايجـعـل الخبـل في دربـه زميل

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

" هـــب الهواء"
هب الهواء غربي بريح الخزامـا .. وزادت على قلبي كثير الهمومـي
وأخذت اداري خافـقي بـالكـلاما .. ريـٌح تـرا دنيـاك مـاهـي تـدومـي
وخلا معـاليـقي بصدري توامـا .. زاد الـعناد وعـافـت الـعين نومـي
بـهـذلـتـني يـاقـــلب والله حرامـا .. هاذي ثلاث سنـين وانـته ظلـومي

مـابالعـنى ياقـلب خير وسلامـا .. الله حـسيـبك يوم ذقـت السمـومـي
وأن كان تبغى من يحط اللاثاما.. هذاك مـقـفي كـف دونـه وشومـي
ولـو تتبع المقفي عليك الملاامـا .. كـبـه وحـذرا لاتـعـدا السـلـومـي
ثم قال حبه وسط صمي تمـاما .. منسـاه لين الميـت يحيى ويقومـي

وأن كان قفى رحت لجله عداما .. وقدامنا ضحـت قلوب القـرومـي
عرفت ماله طب شرق ٍ وشاما..غير الصـبر بأعلى سمايه يحومي
مشكاي رزاق الضعوف اليتاما .. رب الملا وحده مـقـيم ويدومـي
يـالله تعـيـن الـي نهاره ظلامـا .. مصادف الضيقات في كل يومـي

ينوح لاناحت حزين الحمـامـا .. وانصف بعمره من هناه محرومـي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

"فخــريّ وعزوتيّ"
يقـول منهو راس ماله كرامتـه .. أغلى من الحاكم وهيبة زعامـته
لو عشت عيشة فقر والله مذلها.. والرجل مايعرف يكود بشهامـته
ولـو اليالي عاندت مـاصـفتلي.. صابر على وقتي وانا ارجي سلامته

كم واحد ٍ قبلي شكى من لياليه .. صابر ويرجي بعد دارت وضامـته
ومايرخص النفس العزيزه وقدرها.. غير الضعيف الي تزايد رخامـتـه
ولاكل من يبغى المعالي يـنـولـهـا.. والرجل ماتقصر عن العز هامـته

والاأنـت [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]يبـارق ٍ خـلـته تـعـلى غـمامـته
انت الأمل وارضاك مطلب وغايـتي.. يابويه الي فـرحتي فأبتسامـته
عسى الله يحقق مرامي ومطلبي .. وأكسب لبرك وانتهض لحترامـته

يـامـن تـقـدينـي لسنة نـبـي الله .. وعلمتني بـه ليـن بـانـت عـلامـته
أسجد لربـي واطلـبـه وارتـجيـبـه .. في نصف ليل ٍ اكثر الخلق نـامـته
يكـفـيك من شـر اليـالي وكيـدها .. يـابـويه الي فرحتي فـأبـتسـامـته

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

"البـــارحة"
الـبارحه فزيت بالليل مرتاع .. فزت صغير السن يبكي ومفطوم
يبغى لذيذ الديد من بعد ماجاع .. يسكب دموع الحزن بالخد مرسوم
عمره ثمان شهور وابهم ووجاع .. وامه توفت والعنى صار مقسوم
وحيد ماله من مسلي ورضاع .. عزي لحاله شاف لوعـات وهموم
ابوه وسط السجن شايب بمركاع .. اربع سنين وستت اشهور محكوم
مظلوم في سجنه ولاجاه فزاع .. خذو عليه ديون والعود مظلوم
على الذي لهروج الانذال مطواع .. بعده مغير اطيح ياسعود واقوم
اقفى ومن دونه سرابن على قاع .. اقفى وقلبي بعد ماراح ماسوم
ابـو جـبـيـنن كـنه الـبرق لامـاع .. برقن يلوح ولاحصل دونه غيوم
لوهو يغطي صافي الخد بقناع .. ظني يشٌع بزود ماصار مكتوم
والعين عين الي على الصيد فراع .. عين اشقرن ماصار بالسبق محزوم
حرن وحش ماله على الوكر ميقاع .. ولاعلفه صقار ولاصار ملزوم
على اول الهدات بالعين شلاع .. ذاير ولوحى حس يكفخ على الحوم
وجدايله مقدار شبرين وذراع .. من سبته كني على الفرش مسموم
والعنق عنق الي على البيد قطاع .. من هجن بن تيمور لاباهت القوم
اقفى ومن همي تشاكيل وانواع .. ولاعاد لي بالزاد والشرب والنوم
كثرت بي السجات والناس هجاع .. ونومي دقايق به هواجيس وحلوم
واخذ مع الافكار ياسعود مذواع .. ولافقت عنيت القدم راس مزموم
ولالي مسلي غير قرطاس ويراع .. واكتب من الخاطر تعابير منظوم
وارجي عسى بعد المفارق بالاجماع .. ويطيب قلبن بالهوا صار مسقوم


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

"ينوح القــلب"
يـنـوح القلب وضلوعي تراجف منه لامن نـاح .. الا مني ذكرت الي مضى والحزن خانقـني
وجـفـى عـيـني منام الليل ودمـوع العنى فـواح .. واحث خطاي للفرحه ولين الحزن سابقـني

جزى [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]ذكـريـات ٍ بـاقـيه مـن وقتـنا الي راح .. تقول انا صديقت عمرك الي فات صادقـني
وانـا منها وعليها دمعي الي فوق خـدي سـاح .. ابرضيها وبرثي حظ عمـري يـوم فارقـني

لعـل النفس تدله فـي زمـانـي والحشى يرتـاح .. ويصبح همي الي عن منام الليل عاتقـني
حسبت ان السعد برقه على طول الزمن لواح .. واثر برق الشقى بأول شبابي صار شاعقـني

ورعى [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]خـوة الي طيبهم بين الـشـاما فـاح .. ويرحم من وقف سيره وعن سيري مفارقـني
ويرعى [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]هواجيس ٍ على بدع القصيد صحاح .. احقق مـابـغـيته لو خيـالـي عـنه يـسـرقـني

ورجـيـتـك يـاعظيم ويـاكريم ٍ بـالعـطى مـاشـاح .. تكافيني زمـان ٍ فـي صـواديـفه يصـافقـني
ليا من الـبخت عانق بـي الفرحه رجـع ثم طاح .. يعود به الزمـان الي على الحرمان سايقـني


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

"حبــل المواصيل"
يـاقلبي اصبر واليالي مقابـيل .. نـور الفرج لابد يقبل شعاعـه
ريـح عـسى تفداك كل المهابيل .. ريح تـرا دنياك لهـو ومتـاعـه
هاذي ثلاث اسنين مهموم واشيل .. ماعاد لي للهم زود استطاعـه

راحت حياتي بين هم وغرابيـل .. ان طعتني ياقلب كـب اللـكاعـه
والاانت ياراع الرموش المظاليل .. مركب هوانا مال جنبه شراعـه
مـثل الشعر [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]حبل المواصيـل .. وكثر التغلي ساعيه بأنقطاعـه

وان كان قصدك في هوايه تعاليل .. قلب الشقا وش لك تسبب ضياعه
لجلك تحمّلت العنا وأسهر الليل .. أدافـــع العــبرات ساعــه بساعه
حبك هدم حيلي ولاعاد بي حيل .. تصنع هروج الشوق عندي صناعه

كنت احسب انك ماتطيع العواذيل .. وأثرك للعذال سمع ٍ وطاعه
خلاص مايحتاج عرف وتحاليـل .. مادام جـمر الهجر زاد بولاعــه
روّح ولاترجي نديب المراسيل .. عندي من اللي مآيبيني مناعـه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

"خافيّ من اللــه"

خـافي من [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]وأرحـمي قـلب مغـليك .. ينزف صديد ومن وصـالك حرمتيـه
عـرق الغـلا ينـبض وبـسمـك يـناديـك .. وأنتي بحبك قاسيـه مارحمـتـيـه
يبسـت عـروق العين من كثر مبكيك .. وحـب الشـرف يابنت والله ضلمتـيه
جـيتك وفاء جيتك كرم في مباديـك .. ودرب الخـــيانـه جاز لك يوم همتيـه

شـلتي رمـاح الصـد مابـين ايـاديـك .. وبوسط صمـيم القـلب جرحي رسمتيـه
جرحي صعيب دواهـ ياكود الاقيـك .. وانتي حطـب صدك بكيفـك شعمتـيه
روحي والايـام المقـابيـل تنبيـك .. حبـ ن بنيـته بـالـوفـاء ثـم هـدمـتيــه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

قيـــل لــ خالد /
الــخيـل هجت وارثعت بك على الشـرق ... الله يـعينـك يـأبـن عـاضـي ويـهـديـك

فــــ رد الشاعر الفـذ خالد :
يـاعيـن لاتـبكـين لاغـررد الـورق .. ويـاورق لاتطـرب ترا الـعين تبكيـك
ويـاقصر يالي للهواء داخلك طرق .. من قـو مـدخـاله يــهـز الشبابيـك
وحده مـن الثـنتـين يـاصـلف ياحـرق .. وفـي ذيـك والا ذيـك كـثـرت بـلاويـك
أحدن لفاك بطيب واحدن دخل سرق.. وأحدن سعى لجلك وبالصوت يرثيـك
الـناس صـلت غرب ياراكـعن شـرق .. تـجـر صـوت الـديـك ويـجـاوبـك ديـك
من ينطح امواج البحر كافح الغـرق .. ومـن يعـقد العـقده يـحل الشـرابيـك
أهل الردى والطيب من بينهم فـرق .. ياجاهل الثنتيـن ضـاعت هقـاويـك
القـصر من ساسه وللزرع كم عرق .. أفهـم كلامـي لاسمـعته بأذانيـك
السـيف له مقضـاب والرمح له زرق .. ولاجيـت يوم الجد حيـلك بياديـك
أمـا تبيـن وتعتلي كنـك البــررق .. والا تـطيـح بطيـحتن مـاتنـجيــك

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

"شاب الظـلام"
شاب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]ونجمة الصبح بانت=وانا عزايه فالعيون وكراها
يابو فهد عيني من السهر عانت=الخوف كله لايسبب عماها
حال ٍ قضى صبره والاعصاب لانت=ونفس ٍ كواها اليأس وأخلف رجاها

لو الليال السود دارت وشانت=هقواتنا فالطيب نبعد مداها
انفوسنا بالجود والعز صانت=ورث الجدود الي كرام ٍ لحاها
في رفقة الطيب ولو مأستبانت=نرخص له الجزله ونعرف جزاها

وأهل الردى لو فالسلوم استهانت=ماهمنا جعل الزمان يحداها
ياخوة ً بالطيب والعرف كانت=مثل الجبال الي عوالي حجاها
خوه على التقدير كله ودانت=صوب الشهامه والمروه صخاها

اليوم فيها الميل واضح وطانت=بان الجفاء منها وفاخت وفاها
لاهان راسي كان الاصحاب هانت=يوم الزمان الشين بيح خفاها
يابو فهد لو قلت ماني بقانت=نعرف حقوق اصحابنا وانحماها

والي على ثنو المواقيف ثانت=يبقى على راسي وعيني غلاها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

*الألفــــــــــــــيه*
الالف أولف ماطرالي من القيل .. من خاطر ٍ سلواه بدع التماثيل .. قصة غرام وسببة لي غرابيـل

والله ولي النفس عالم خفاها

والبا بديت الحب مع داعج العين .. اوفيت من قلبي لكل القوانين .. حب وفاء وخلاص من بين قلبين

يشكر هوا نفسي ويشكر وفاها

والتا تبعت القلب في كل مشهاه .. يقودني واطيع من خاطر رضاه .. ولافكر بوقتي ولاعرف خفاياه

الا بـعـد نـفسي زماني وطـاهـا

والثا ثلاث شهور حاير ومحتار .. اسلي الخاطر بترديد الاشعار .. صد الحبيب وشب في خافقي نـار

ونفسي بلاها الشوق لاواعنـاها

والجيم جمر الشوق من زود في زود .. شفت العنى في كل الايام والسود .. اسلي الخافق تريح يبي يعود

والعين مـانـامـت تـزايد بـكـاهـا

والحا حرمني لذة الزاد والنوم .. من شاف حالي قال مرضان مسموم .. اضحك وجامل والحزن في مكتوم

اخاف من شر النفوس وغثاهـا

والخا خفق قلبي يبيه ويريده .. لاكن صد ولافتح لي بريده .. عذب فوادي بالطعون السديده

واقفى وداره ماعرفنا قـراهـا

والدا دوايه قرب خلي وشوفه .. لوكان مالمست كفوفي كفوفه .. ارسل ضروفي ماتجيني ضروفه

والنفس من صده تبيح عزاهـا

والذا ذهل فكري بوصفه حبيبي .. دايم وصوفه حاضره ماتغيبي .. الله عطاه الزين واصله عريبي

نسل الشيوخ الي تخوف عداها

والرا رماح الصد باقي اثرها .. داخل فوادي نور عيني حفرها .. احتار منها من بعينه نظرها

عجز طبيب القلب يعرف دواهـا

والزا زماني في حياتي يعاند .. حالي نحل مالي عوين ومساعد .. احسب ليال العمر وتمر وأعد

وسود الليالي كم مثلي شكاها

والسا سعيد الحظ من فارق الحب .. عايش حياته ماسعى يرجي الطب .. وانا على نار الغرام اتقلب

نـار ٍ حطبها جـل يـذهل سنـاهـا

والشين شاب الراس ماحان شيبي .. توي شباب وصرت بأمرن عجيبي .. لاكن صابر ماحصل من نصيبي

دنيا الشقى محد ٍ وصل منتهاهـا

والصا صبرت وقلت ماصار مكتوب .. ودرب الهواء قد قيل صايب ومصيوب .. يالله تصبرني بصبر ٍ كـما ايبـوب

يـقـابـل الـدعوه لمنهو دعـاهـا

والضا ضروفي ماتجيني على الكيف .. حتى سنعها يعترض لي صواديف .. والارض ضاقت بي من السيف للسيف

لاكن ضروف الوقت محد ٍ قواهـا

والطا طبلت الزين يرحم فوادي .. ينزف من الحرمان مالي جلادي .. لكن طبعه مايكب العنادي

حسبي عليه الله حياتي كواهـا

والظا ظلمني بالجروح العميقه .. وحمل محبه حمل ماهو يطيـقه .. اطرد سرابه لاتبين بريقه

والكبد لوعها ولاأروى ضماهـا

والعين عاجز لرفع الصوت للناس .. اخاف من هرج المعادين الانجاس .. مغير ادق الصدر واقول لاباس

وموق النواظر يحرق الخد مـاها

والغا غلبني بالهوا كامل الزين .. فجر عروق الدم وسط الشرايين .. ولاني بالاول خسر قبلي محبين

أكبر ضحيه قيس ليلى فداهـا

والفا فرح في حالتي كل عذال .. اهل الحسد ماشين في كل موال .. أهل القلوب السود شينين الافعال

متى يقولون الله الي فناها

والقاف قام الدمع يعمي عيوني .. والقلب يشكي من كثير الطعوني .. تكفون يأهل الطب ماتنقذوني

صرخة طعين الوجد باقي صداها

والكا كلام الناس عيا يفيدي .. سيف ٍ يحز الكبد ضمن الوريدي .. لاكن ابصبر لو زماني عنيدي

والنفس ابدل عن غضبها رضاهـا

واللام لولا الشوق ماكان غنيت .. الشوق يكويني وعلى الوصل حنيت .. عزالله اني بالمحبه تعنيت

والزين طب النفس وغاية مناها

والميم من جرب جروح المفارق .. يمسي بغبات الغرابيل غارق .. ماله دوا من بين كل المشارق

يموت وجروحه مضني نساهـا

والنون نامت عين خلي ثم ارتاح .. وانا اتقلب ماتهنيت بمراح .. والدمع في موق النظيرين فواح

وخاف من دمعي يسبب عماها

والها هويته مير صد ونساني .. ياقو بأسه كيف خان وكواني .. جعل فوادي من فراقه يعاني

والنفس عجزت لاتحصل هواها

والواو ولع خافقي سيد الاحباب .. وبين الرجاء واليأس واقف ومرتاب .. مغير اعض ابهام كفي بالانياب

ويالله نفسي لاتخيب رجـاهـا

واليا يقولون المحبه صعيبه .. والهجر جرح ٍ للحبيب وحبيبه .. انا اشهد ان الهجر هم ومصيبه

والوصل طب ٍ للجروح وشفاهـا

واختامها وعداد ماترزم رعود .. وعداد مانسنس وماهبة النود .. بذكر الله الوالي وهو خير معبود

وصلو على سيد المخاليق طاهـا

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

هذي بعض من قصائد الشاعر ..
اقتبست القصائد من منتديات أخر..
أتمنى انها نالت على الاستحسان ..
فــ تركيبي لها بسيط ومتواضع ..
واعتذر للشاعر خالد لان وضعت هذا الموضوع دون علمن له به..

فمان الله مــع شاعر أأخـــر فيما بعد ..
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

مخــــــرج /

اليــاء

واليا يقولون المحبه صعيبه ..
والهجر جرح ٍ للحبيب وحبيبه ..
انا اشهد ان الهجر هم ومصيبه..
والوصل طب ٍ للجروح وشفاهـا..

المصدر: الملتقى الجماهيري للشاعر محمد بن فطيس المري

بيض الله وجهك يافراشه وتسلم يمينك
مجهود تشكرين عليه يارااااائعه

وصح لسان ابن العم الشاعر الكبير خالد العبيريد
ديوان ملي بالقصاااائد الجزله والثمينه وهذا ماهو غريب على شاعرنا

فرااااشة
يا هلا وغلا وحي الله ما جبتي
ومشكورة كل الشكر على ما قدمتيه من ابداع خالج ابداعات شاعرنا الغااالي خالد العبيريد
صح الله السانه وعتلا شاانه وصحت ايدك
اعنف تقيييييييييييييييييييييييييييييييم لسموك

اشكرك من الاعماااق فراشه على وضع الموضوع اللذي حوى دررالشاعر /خالد العبيريد

وتنسيقك الراقي والرائع

ابدعت في قصاائدك شاعرنا
قصيدة (حبل المواصيل) رااقت لي كثيرااااا

تسلمين والله اخت فراشه على هذا الموضوع
الأخوي ولاهي غريبه منك لنك من بيوت اهل
الكرم والجودواخي خالد يستأهل اكثر بيض الله وجهك ي بنت المطاليق
تقبلي. تحيات وعجاب اخوك سعيد

وعليكم السلام ورحمة الله وبركاته ,,

ياهلا ويامرحبا يافراشتنا الغاليه ,,

صح الله قلبك لاهانت اناملك الوافيه وبيض الله وجهك وافيه والشك عنك زاايل طال عمررك ,,

القصايد وشاعرها فدااك وفداا من تبااااع واثنى على ماقدمتي بيض الله وجيهكم جميع ,,

كل شكري وتقديري لكم وخالص تحيااتي .

فــــــــرآشة ....تسلم يمناك عيوني وتقديري لهكذا موضوع لشعاعر عطرهـ تعدي الكون تقيم لحرفك

بيض الله وجهك يافراشه وتسلم يمينك
مجهود تشكرين عليه يارااااائعه

وصح لسان ابن العم الشاعر الكبير خالد العبيريد
ديوان ملي بالقصاااائد الجزله والثمينه وهذا ماهو غريب على شاعرنا

~
فزاع .. تسلم و وجهك أبيض ..نورت

فرااااشة
يا هلا وغلا وحي الله ما جبتي
ومشكورة كل الشكر على ما قدمتيه من ابداع خالج ابداعات شاعرنا الغااالي خالد العبيريد
صح الله السانه وعتلا شاانه وصحت ايدك
اعنف تقيييييييييييييييييييييييييييييييم لسموك

~
يحيي غاليك .. لاهنت .. وتسسسلم

اشكرك من الاعماااق فراشه على وضع الموضوع اللذي حوى دررالشاعر /خالد العبيريد

وتنسيقك الراقي والرائع

ابدعت في قصاائدك شاعرنا
قصيدة (حبل المواصيل) رااقت لي كثيرااااا

~
لاهنتيّ ..شاكرة لتس .. نورتي