الفكر شاااااااااااااارد

الفكر شاااااااااااااارد

‏?‎?‏?‏?‏?‏?‏?‏?‏?الفكـر شـارد وانـا ودي ولا ودي
والعمر محدود والانفـاس محسوبـه

وأنا من العقـل متعشـي ومتغـدي
والحمدلله أعـرف الـدهر ودروبـه

والله فلا أطمع بثوب مايجـي قـدي
يوم أكثر الناس دايـم مسبـل ن ثوبـه

وشلي على اللقمه اللي في طرف يدي
ما أقدر عليها وهي ما هيب مكتوبـه

كم واحد يحسـب إن اللـوم متعـدي
واللوم غآشيه مـن راسـه لعرقوبـه

نتبع ظروف الزمن ونجيب ونـودي
ونقوم ونطيـح كـل دون ماجوبـه

ما بين موج البحر والجزر والمـدي
تبقى الثقة حاجة في النفس مطلوبـه

حتى لو إن الظروف تسير في ضدي
لابد ترجع ظروف الوقـت مغلوبـه

ورث ورثته ورثه أبوي عن جـدي
ماهين نفسي ورى اللي ينفخ أجنوبـه

أعز نفسـي وأنـا مانيـب منحـدي
الأمر لله وباب الرزق مـن صوبـه

إخوان يوسف من أصل الأب والجدي
خذوه مره وراحـو بـه ولا جوبـه

يبقى الردى في عيون الناس متردي
متوقي فـي لحـاف ن يستـر عيوبـه

هذا وانا طول عمري مانكشف سدي
عالي النظر والقلوب السود مقلوبـه

أساير الوقت واثر الوقـت متحـدي
يطرح ويجرح ونار الموت مشبوبـه

لا..واعساها سحابة صيف وتعـدي
الهاجس اللي يلوف القلـب ويلوبـه

أموت وارحل ودمعي ماوطى خـدي
حتى لو الروح مسلوبـه ومنهوبـه


لشاعر/ سلطان بن سعيد

المصدر: الملتقى الجماهيري للشاعر محمد بن فطيس المري

تسلم ايدك على الطرح الرائع
يعطيكـ الف عافية
ننتظر المزيد منك
تحياتى

منور بــــردكـــ