مالله عطاني مثل حنكة شكسبير * لكنه اعطاني قناة من الذات => عبدالله السناني

ابشرح اللي عندي بدون تأخير **
واصحح الجمله بوسط الملفات
الماضي اللي يعتبر فيه تذكير **
جثّه جسدها ينرسم لك بلوحات
ويطغى على كل الخطط والمعايير **
ويفتح عليك اصدق جروحه بهمسات
اليا متى نبقى على خير ياطير **
واليا متى طعم السعاده معانات
اليا سكبت الدمع ماعوضك خير **
وليا حبست الدمع لايمكن تبات
واليا متى نشكي بشعر التعابير **
واليا متى نزف المعاناة فـ/ابيات
ياكثر ماسأل نفسي بدون ماشير **
وياكثر ماردت على الصوت بسكات
ليت السعاده تنشى بالدنانير **
وليت السهر ياخذ من النوم لحظات
وليت الصباح يبين ويغرد الطير **
ويريح اللي ساهر الليل مابات



ماقدرت اقتبس منها بيت

الشاعر : عبد الله السناني

صح السانك مدد بلا عدد

مشاء الله كلمات وادآء جداً رائع

اصفق لك وبجداره ابيات عذبه لامست الاحساس

حفظك الله

لك خالص تقديري وتقييمي

الفلوه , بنت برقا ~>
يعطيكم العافيه على التعليقات اللي ترد الروح , لآهنتو
وصحت ابدانكم , والله لآيحرمنا منكم جميعاً

صح لسانك ياعبدالله

كتبت فأتقنت وابدعت

تشكر على جزالة القصيدة

منبعك الجزاله اخوي , وحياك الله وصح بدنك , الله لآيهينك على المرور العذب

صح لسانك يالسناني عاى هالابداع المتواصل

ابيات ولا اجمل والصوت والصدى ولا اروع

تسلم على الاختيار.نال اعجابي وزياده

صح بدنك أخوي التهامي , ولآهنت على المرور , واعجابك شرف طال عمرك , ولآ هنت على المرور العطر

مالله عطاني مثل حنّكة شكسبير **لكنه اعطاني قناعة من الذات
راضي بما عندي ولو عمري اصغير **سطح القمر راسي وفكري محطات

شاعر بكل ماتحمله هذه القصيده من العبر
قصيده محكمه السياق مترابطه الأفكار سلسه العبارات
صعبه التركيب لا تأتي الا من شاعر كبير
له تجربه شعر يفتخر بها
لاهنت على هذا الإبداع المتواصل والحظور المميز
راق لي هذا البيت الوجداني
اليا سكبت الدمع ماعوضك خير **
وليا حبست الدمع لايمكن تبات

صح لسانك وسلمت يمينك
تقديري+تقييييمي

حياك الله اختي سحابة الطايف , على الإطلآل الرائع , وشرف كبير اعجابك , ولآهنتي على المرور العذب

قصيده شامخه
بشموخ راعيها
صح السانك وارتفع شانك

الشاعر عبد الله السناني
صباح الخير ،، وصح لسانك مليون يا شاعرنا
كلام كبير ومتميّز بحظورك لا عدمناك أخوي
ولا عدمنا تواجدك الدايم
تقبل مروري المتواضع وموفور الاحترام
أخوكـ
عبد العزيز الهزاع