لو يسكن القلب

لو يسكن القلب

لو يسكن الهم في قمة جبل شاهق=يرقى له القلب حتى يجني غصونه
هذي معاناة طفل وكهل ومراهق=عاشت وسط قلبي وزادت به طعونه
صار الالم جوف صدري بالحزن ناهق=وانا من الضيق قمت اساجع لحونه
ما كني الا غرير بخوفه يفاهق=خايف من الناس لا فجئه يشوفونه
والا كما عود من طيش الزمن زاهق=يبكي على ما مضى ويمسح عيونه
ضيمه معى الهم لافراح العمر داهق=من كم سنه والسهر ما فارق جفونه
يرقب مجي الفرح والياس له فاهق=والنجم يرعى مساه ويرتعي نونه
نبضات قلبه رغت والحس متواهق=والبسمه مفارقه خديه وسنونه
حتى لو انه سكن قلبه جبل شاهق=يرقى له الهم حتى تكثر غبونه

المصدر: الملتقى الجماهيري للشاعر محمد بن فطيس المري

صح لسانك ياناصر
والله عيشتني في جو ثاني
كلمه مميز شوي عليك
تحياتي وتقييمي

ناصر الشريف
الله الله عليك وصح الله السانك وكما عودتنا ياناصر من ابداع الى ابداع قصيده رائعه كروعتك ومافيك حيله ياناصر
ودي وتقديري

الله الله ياناصر صح الله لسااانك وافيي

اختي العنيده

صح بدنك وتسلمين على الاطراءو التقييم والمرور

تقبلي تحياتي وخالص تقديري

انت ادخلتنا في جو من المتعه والخيال بروعه متناهيه تشكر عليها شاعرانت ياناصر بكل ماوتيت من شاعريه
وعذوبه وجمال جذاب وروعتك تتجلا في كثير من نصوصك الرائعه آقف امام هذة المعزوفه الراقيه
بكل تحيه واحترام لشاعريتك القمه
تقبل من هنا تصفحي
موسى ابومشهور

صح لسااانك


قصيده جميله


بأنتظار جديدك

اخي العزيز الصقر الجارح

صح بدنك والله لا يهنيك على المرور وشهادتك على راسي وعيني

تقبل تحياتي وخالص تقديري

صح لسانك

مبدع ياناصر وشهادتي فيك مجروحة

لاهنت

شاعر جزل ياناصر
ونص ولا اروع ومفردة اصيلة قليل من يطوعها ذات جرس نادر
تحياتي يالقرم