خطو الولد عند الشدايد تمناه

خطو الولد عند الشدايد تمناه

.


أبوك وأمك فضلهم حذر تنساه
من شانك أمك تسهر الليل ياشعيل
.
لا تزعل أمك وأنت للأم مذراه
أمك تشوفك يا فتى فارس الخيل
.
وأبوك حذار لا تراكيه مركاه
خلك يمنه وأنت يا الحر يمناه
.
أبوك عزه لا يجي جالك الميل
أبوك وأن جت بالمخايير تفداه
.
تفداه لو صكت عليك المحابيل
أبوك عزه شوف طرياك طرياه
.
لايا صلك فعل الردا والمخاذيل
أبوك لا تجيب لأبوك مزراه
.
لا تجالس الأنذال روس المهابيل
أبوك عزه لا تعيبه وتبلاه
.
خلك يمينه عند جال المعاميل
وخطو الولد حملا على أبوه مذاه
.
وأليا حسبته من حساب البراميل
وخطو الولد قلبه على أبوه مقواه
.
بطنه كبيره منتفخ كنه الفيل
وخطو الولد عند الشدايد تمناه
.
يسعفك وإن عميت عليك المراحيل
وخطو الولد ما فاد ما جاه ينخاه
.
خابت عليه أم العيون المظاليل
لا فايداً أمه ولا فاد عذراه
.
تلقاه ما بين الصوع والنعاصيل
وخطو الولد حراً الياجيت تنصاه
.
علمه ثمين وافي الوزن والكيل
وخطو الولد الناس يابون فرقاه
.
مجلاسه الشارع عيونه مهاديل
وخطو الولد عند المعاميل تلقاه
.
يدور بالدله اليا بهرت هيل
والفضل لأمك يا فتى حذر تنساه
.
كم ليلةٍ منك تذوق البهاذيل
كم ليلةٍ ترضعك من در محلاه
.
تبيك نجماً يرتفع كنه سهيل
تسهر عليك الليل لو طال مسراه
.
كم ليلةٍ تسهر على شانك الليل
أمك كبيره وانت بالعطف ترعاه
.
وأحرص عن يوم القلوب المذاهيل
من غاضب الوالدين بقعا تعشاه

يجيه من عمله حساب ومراسيل !
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
......

عبيدالله بن دخيل الله البلوي

.
.

المصدر: الملتقى الجماهيري للشاعر محمد بن فطيس المري

تسلم رشيد . . قصيدهـ رآئعه
والله يحفظ لنآ وآلدينآ ويرزقنآ برهم يآارب

لا تجالس الأنذال روس المهابيل
أبوك عزه لا تعيبه وتبلاه
.
خلك يمينه عند جال المعاميل
وخطو الولد حملا على أبوه مذاه

لاهنت وبيض الله وجهك على النقل المميز