النفس تَعْبـت .. والعطا خابره زود

النفس تَعْبـت .. والعطا خابره زود

قبل ابدا بالابيات ..
تطرق الشعراء للترميز .. واعرف ان اغلبكم خصوصا المتمكنين فاهمين معناه .. وعشان توضح الصورة لشعراء المستقبل اللي يتابعون بضرب لكم مثال واسهل من التعريف :
الشاعر محمد ابن فطيس رمز البيرق في بنت يتغزل فيها والمتلقي يسمعها قصيدة غزل عادية ولكن هو قصد البيرق في شاعر المليون .. والخطّابه هم الشعار المتنافسين
اللي يكتبه الشاعر مرات يكون له معنى قريب وواضح لكن هو يقصد معنى ابعد وهالشي يسمى في الادب " التوريه " ما اطول عليكم واتمنى تنال استحسانكم

.................................................. ..

جُودك مجاهيمـن جِـزن راعي الذود = وانا عجزت ابـ ردّهـن يا ضنيـني

النّـفس تَعْبت .. والعـطا خابـره زود = والصّبر خـلّص .. من سوايـاك فيني

لا تعـتذر .. مـا للـمعـاذير مـن فـود = والعـذر اقبح .. دام فـعـلـه مـشـيني

ما وسّــع فتوقي .. ولا ضامني كود = يسْـراك تـجْـحد ما خَـذَتْـه اليمـيني

هذي مغاتيـري تُعُـوُض ابلك السود = تضـوي دجاك وكـل نوضـن يبيني

والعُوُد كانك تجهله ، فاحرق العُوُد = يختم بـ طِـيبه رحـلته مـن سنيني

وابيـك تـذكـر عـد مـا هبّـت الـنّـود = طيبـي تجمّل .. قبْـل يلْحَقْك شـيني


.................................................. ......

الله يهديج يا نويّر رديتي وانا للحين اعدل في التنسيق ولا مره ضبط

عالعموم اللي ما يفهمها خصوصا شعراء المستقبل يقدر يسالني .. واي كلمه تبون معناها انا حاظر

المصدر: الملتقى الجماهيري للشاعر محمد بن فطيس المري