محاورة الشاعر ة ريم الفلا والشاعر عبدالله السفياني

محاورة الشاعر ة ريم الفلا والشاعر عبدالله السفياني

ريم الفلا
سلامي عليكم من هواجيس من شاشه=تشوش الهواجس يوم تهذيب الالحاني

وبعد السلام اعلوم تكتب على الشاشه =وعبدالله المــقصود فالمــقطع الثاني
عبدالله السفياني
هلا مرحبا من شاعراًماركـد جاشـه=يغني مع الشعـار بشكـال واللوانـي

على الهون انا حاظر وكم ناس طراشه=تجيـب الخبـر وإلا توديـه يفلانـي
ريم الفلا
لعــله صحـــيح ولا نبـــا اقوال غــشاشه =على شان ترض الناس ماهو على شاني
وجعلــك تسد الديـــن ياحظرة البــاشه =واسميك بسمك وعتزيبك مع اخــواني
عبدالله السفياني
ونور القمر واضح ولا فيه مغواشه=يشوفه بصير العين ماهو بعميانـي

وكم ناس مديونه وياكود معتاشـه=ولاهو غريبه يُعكس الوضع بلعاني
ريم الفلا
ترى الناس عن قصاف الارواح منحاشه =وقلبك حجر متصـمصم الله لا يبــلاني
هدفنا مثبت زين والرمــــي ماناشــه =يارع الخديوي بيعها واشتر اكناني
عبدالله السفياني
وتاجر خسر وصبح يتاجر بفشفاشه=وشافوه كل الناس مسكين فقرانـي

وبعض العرب مازال يفخر برشاشه=ولا واكب التسليح في كل الازماني
ريم الفلا
تغض البصر والطرف مايرمش ارماشه =ياشاعر طراز الفين من دار سفياني
ماينقصك غير اعقال . وتحط دشداشه=وتحفظ مكان اقصور الافراح من داني
عبدالله السفياني
وكم حض محيت ثم يحمل بنعاشه=تفاوت حضوض الناس في كل الاحياني

ولو الادمي يسعى ويحرص بمغباشه=ولا ياخذ إلا اللي كتب له ولا هاني
ريم الفلا
ياعبدالله المرضان. مايترك فراشه =تروح سوات اخواتها .لاح ليحاني
يقود الخيال وسايق الخير فرشاشه =ويحيي الهشيم ويرتوي كل ضمياني
عبدالله السفياني
ومن لايميز بين دفترو كماشه=غسلنا يدينا بعد ما بان ماكاني

سكرتير دكتورة وفي الشكل فراشه=على شاكلتهاتعرض البيع مجاني

المصدر: الملتقى الجماهيري للشاعر محمد بن فطيس المري