& طريق ٍ لأينتهـئ &

ابيات بيني وبين شاعرنا عامر صالح على الفيس بوك ,,

خالد ,,

سلام ردية وفاء وأهل الوفاء من طيبها=ياصاحبي عامر ولد صالح ليا قلت السلام
الدار دار العيربي والموت عاوي ذيبها=والله على كل الخلايق يارفيقي بالتمام

عامر ,,

يا مرحبا والطيب حاصل والعرب تدريبها=يا ابن العتيبي يا وريث المجد يا راس وسنام
الدار دار ابن السعود واللي بغى تخريبها=يلقا معادينه على مد البصر مثل الحسام

خالد ,,

دام البقى والملعبه واضح لكم ترتيبها=لو البقى تال الزمن ياصاحبي ماقلت دام
راعي تهامه لايفارق ياولد لاشعيبها=ماله ومال الطرقه الي تحرق اصدور النعام

عامر,,

الله على الأول وتال القوم من غاديبها=والوقت يفرض ملته والناس بيدها الخطام
هذا البلس راسه يعدي خيمتك وطنيبها=والصقر ما ياكر سوا متعلين فوق الغمام

خالد,,

وش فيك تخطي كلمتي ياصاحبي وتصيبها=دونك حلال السوق جنب لاتجي سوق الحرام
دنياك ماندري وش الي تحضنه في غيبها=مير الله الي يعلم الخافي ولله المقام

عامر ,,

منك الخطا بادي ولكن جنب الله عيبها=والغاليه كسابتي لو كان تاتي بالخصام
ما تحت ربي عالم ن والنفس من تهذيبها=والصاحي اللي يدرك الزله ويلجمها اللجام

سوالم يالغوالي .

على الهون تكفى ياطبيب القلوب إصبر=خل الجماعه يبعدون وتقدم لي
معاك الاشاعه صورت القلب لاتظهر=أخاف ان فيها من بحبه ترنم لي
غرام الفواد الي عليه الزمن يقصر=ظروفه وانا شوقه بنومي تنهم لي

فقط غياب بسيط بأذن الله وأعود من جديد ,,

أستأّذنكم جميعا ً بأني مسافر بأذن الله يوم الثلاثاء 23\10\2012 مـ 7 \12\ذو الحجه,,

وأن شاء الله ماراح نطول وارجي منكم جميعا ً خالص الدعاء وأعلموبأني معكم والله ان بالي معكم وكل الامل عودتي وانتم بخير والي غايب راجع أن شاء الله ,,

تقديري وأسمى تحياتي لكم جميعا ً دون أستثناء .

يانسيم الليل وأن حركٌت في قلبي شعوره=مايثير أحساسي الي مات من بين الضلوع
والسبب علم ٍ عليه نار في ساعة نشوره=شب في قلب ٍ على عهد الهوى دايم خضوع
قلب عاشق تحمله نفس ٍ على اللوعه صبوره=مير في تالي زمانه صار من حاله جزوع
عقب مات الي يحبه كل كونه ضاع نوره=صار ينعى للنصايب ويتهشم بالدموع

والحمد لله والشكر نعود والكل بخير وأحسن حال ,,

من العااااااااااايدين وعسااكم من عواده جميعا ً والف مبروك لحجاج بيت الله الحرام ,,

على نجاح الحج في هذى العام الحمد ولله الحمد والشكرر .

اسمع صدى صوتي المبحوح واسمعني=كثر النياحه تراها من ورى نحبي
ما فالهوى غير جمر ٍ فيك ولعني=لو كان كل المشاعر بابها رحبي
الله عطاك الغلا والشوق يدفعني=يشرح لك الخاطر ومعناك يشرحبي

العشق والشوق نار ولابقى منـه باقـي=في قمة العشق شبت يالعشاشيـق نـارا
ابديت عن مايكنه خاطـري لأ أشتياقـي=وشفت الامل عقب حل العشق عني توارا
لاواه ياطول صبر الي من الوقت ذاقـي=سم الفراق وطواه اليأس طًوي الفقـارى

اخذ السرور الي يحيط بحياتـي=وهات الفراق الي كواني بنـاره
واترك فواد ٍ خلف الاسراب باتي=عايش على ذكرى زمانه وساره

وش حيلة الي فالهوى ماله اسنـاع=يلي فوادي مـن سبايبـك ينخـاك
ان جيت اعذل القلب عيا ولاطـاع=وان جيت ابنسى فز قلبي ونـاداك
تكفى تعالج قلبي الـي لـه انـزاع=جرح ٍ صطى به والسبب رمح يمناك
اليـا تعلـى للمعاليـق وانـصـاع=ناداك مـن نزفـه وخـاوا وحيـاك
اخفيك ياجرح الهوى بين الاضـلاع=والناس في حالي من الهـم تقـراك

مبارك عليكم الشهر الفضيل,,
وكل عام وانتم بأتم الصحه والعافيه,,
تقبل الله منا ومنكم كل عمل وقول صالح,,