أب ٍعليه الشعـب سايـق سلامـه

أب ٍعليه الشعـب سايـق سلامـه

بسم الله الرحمن الرحيم

((أصدق ملك))

أبٍ عليه الشعـب سايـق سلامـه=سَوق الهبايب للنوي عامٍ بعام
استبشروا شاكين شـحّ الغمامـه=بشوفة كبيرٍ غيـث بـرّاق رزّام
أخضر وطن وابيض زهر والحمامه=تسجع على لاغصان له حبّ وهيام
في مكه وطيبـه مبـادى اهتمامـه=أوسع حدود احرامها واسعد انسام
واسقى بماء زمزم يمانه وشامـه=وبين المشاعر وصّل وريّح اقـدام
مسح على روس اليتامى رحامـه=وابتلّوا بدمعه وسِليـوا مـن آلام
لاطفاله المرضان مشفى الفخامـه=بامره بني وابرع لاطباء على الزام
أسرج حصان العلم واعطى لجامـه=لكلّ فـارس مقبـل يرفـع اقـلام
جامع بكفّيـه الكـرم والصرامـه=أوّل وفى .. العادل بتوزيع الاقسام
بشته ظلالٍ فـي هجيـر العدامـه=وعصاته تسنــّد مجاليـس وقيـام
والله ولو يجزى الشهم بالشهامـه=فانها لابو متعب قصيرة كما ابهـام
حقّ الوطن واهله أمانـة زعامـه=فمن هو يباري سيّدى ان قام مادام
قرمٍ نسـل قـرمٍ مـن الله كرامـه=كلّ السعوديّـة ولاء لـه ولا تـلام
أصدق ملك صدقه وحنّا حزامـه=عبدالله ونفديه بـارواح الاجسـام
واللهِ مـا ينسـى ليـوم القيامـه=جعله يجاور لانبياء فخر الاسـلام

محسن ظافر سبعان آل حارث اليامي

المصدر: الملتقى الجماهيري للشاعر محمد بن فطيس المري

الله يطول بعمر ابو متعب سبحان الله له محبه عند الشعب
وصح لسانك شاعرنا القدير محسن سبعان
تحياتي

صح لسانك شاعرنا القدير محسن سبعان

صح لسان شاعرنا القدير محسن سبعان


تحيتي وتقديري

وداعاً سيّدي.