مختارات مجازف &** النصيه **&%

• • •
صَبَاحَ الْخِيرْ وِإنْ غَرَّدْ عَلَى ذِيكَ السُّوَاقِي طِيرْ
صُبَاحَهْ وَالضُّمَا وَالْجُوعْ تِلاعِبْ غَفْلِة السَّاقِي

مَادَامِكْ مِلْهِمِي يِسْعِدْ صُبَاحْ ٍالصَّد وَالتَّقْصِيرْ
صِبَاح الْبُعْدْ وِإنْ حَرَّكْ حَنِينْ أَعْمَاقِكْ أَعْمَاقِيْ

صِبَاحٍ تِزْهِرْ أَوْرَاقَهْ عَلَى غِصْنَ الْعَتَبْ نُوِّيـرْ
يِبَللهَا نِدَى هَمْسْ الْقُلُوبْ وْطِيفِـكْ الْبَاقِـيْ

تمَرْ بْخِيرْ هَالضِّيقَهْ مِنَ الْخَاطِـر تِمَـرْ بْخِيـرْ
تِغِيبْ الشَّمْس وِيْغِيبَ الْحَنِينُ وْتَسْكِنَ أَوْرَاقِي

..

ذكرتك .. وانا مالى على الضيق وسعة بال
كتبتك قصيدة عشق معنى.. { وقافية }


يقولون وش اشد من دمعة الرجال
وانا اقول فرقا من تحبه على.. { نية }


يبي يطيح دمع وينهمر شعر واسترسال
تعيش العمر في غيبته تنطر.. { الجية }


وانا لي سنة وشوي وانا على ذاالحال
اعد القصيد العذب واسوق.. { رجلية }


مأمل وحال الحول الاول والاخر حال
ولاباقي الا ذكرياته .. { وطارية }


ياغصن الغرام الي سقاه القصيد ومال
مامرك سحاب الوصل في يوم.. { عصرية }


ولاذكرك طيبي معك والليالي هزال
ولاعلموك بغيبتك وش جرا.. { لي }


ولاحركك شعر بكالك على الاطلال
وانا خابرٍ دمعك على راحة.. { ايديا }


قسيت وقست الايام وتغيرت الاحوال
وانا كني الي واطي جمرة.. { حية }


وقف دونك الوقت الشقي والقدر والفال
واحسك بعد للهجر ناوي على.. { نية }


وانا مااعتبرها كبوت من يد الخيال
ولا اقول ان ظروف بعدك.. { طبيعية }



لكن طالبك لاتعتذر عذر ماينقال
ترا العذر ينفع بالصدور.. { الشمالية }


ترا الشمس ماتحجب عن الارض في غربال
ولازلت عندي بالصفوف.. { الامامية }


..


..


الشاعر محمد بن مريبد العازمي

ياسفينه..وانت (ياسورالمدينه) ,,


وانت يالبحار ياللي توّ وادع والدينه
الحزينه..
علموني ليش مانامت..حزينه.!
من جرحها..
من خنق ضحكه بصوت الفاتنه حتى ذبحها.؟
يافرحها
ليش غايب.؟


ليش عافوك الحبايب.؟
ليش صار الشوق ذايب.؟
وانت يا حزن المسافر..
انت لين الحين فاكر.؟
أو نسيت.؟


وانشغلت بشخص ثاني
غير ذاك الاولاني
وانتهيت..
كنت شمعه وانطفيت..
كنت دمعه وارتميت..
بصدر ظالم


صدر متمرّد وحالم..
له يجي مليون خادم..
ابتلى كل الاوادم..
ثم جاني


جا يردد آه ياصوت الاغاني..
صوت ناي وصوت عود وصوت قانون وكمنجه
ثم توجه لي ووجه..
اساله تبغى جواب..
وراح ليلي من كتاباً في كتاب
وطال عمر الاغتراب..
وغاب فجر الاقتراب..
وياعذاب.....
مرحبا بك يا عذاب..
اسكن بصدري وغرّد قبل صوتي..
خلهم يبكون موتي..
ياسكوتي..
لا تكلّم..


لاتوهّم..
لاتظن الخير حتى لو تبسّم..
لاتنادي..
خلني برحل واغنّي يابلادي..
واعتلي متن السفينه..
واحضن البحار وامسك في يدينه..
والحزينه..
كلها يومين ويقولون ذي (كانت) حزينه..


(شخص واحد) دوم يبقى للمسافر صوب عينه..
(شخص واحد) انت ياللي يحجبه (سور المدينه)..



بــوح
عـجـاج الـسّـنين

يعينـك الله ياقلبـي علـى احبابـك

اصبر على الظلم ليـن الله يسويهـا

ان جيت للي تحبه قـال(وش جابـك)

أبسط حقوقك ياقلبـي مـا يراعيهـا

ياعز هالناس قلبي ويش سـوى بـك

وش مكسبك من عيوني يوم تشقيهـا

عمر المطر يوم ما وقف علـى بابـك

لو هي بتمطر يبيّن مـن عصاريهـا

كنت احسب اني سكنت برعشة اهدابك

كنت احسب اني امانيهـا وماضيهـا

لاواحسافه على صـوت تغنـى بـك

كـم مـن مواويـل لعيونـك نغنيهـا

ياقلب ماني مصدق كيف يصخى بـك

يهدم حياتـك ياقلبـي وانـت تبنيهـا

معقول هذا يجي من اقرب اصحابك.؟

صحيح من قال (حاميهـا حراميهـا)

الشاعر
مساعد الشمراني

بشر اللي .. ينتظر يوم الفراق

قل تباعدنا .. ولايمكن نعود

بانت الصوره بقلبي يوم .. فاق

جرد الواقع .. سرابك يالجحود

كنت تزعلني .. وأنا أرجيك الوفاق

هاقي أن الحب في .. قلبك يزود

لك وفيت أبلا حدود ولا أتفاق

راحت أسنيني معك.. من غير فود

يوم قلبي عن هوى غيرك أمعاق

أخلص وصانك .. وجازيته لهود

خايني.. طعم الغدر مر المذاق

و عزتي ما شري بها .. كل الوجود

كانو أقرابي وغالين الرفاق

ضد حبك بس أنا طبعي صمود

وأنتهي المشوار وأعلنت أحتراق

حبنا اللي مات .. في عمر الورود

يالله ياخالـق اراضـيـن وابـحـار
الواحـد المعـبـود رازق عبـيـده

الخالـق الغفـار عـلام الاســرار
وفرق شعوب الارض فـي كـل يـده

وابدي واسولف من عذيبات الاشعـار
ابيـات شعـر والمعانـي وكـيـده

اشري وابيع واعـرف كيـف بختـار
واختار من جـزل البيـوت الفريـده

وذ كرتراث وعـز وامجـاد وافخـار
قبائـل تـومـن بـديـن وعقـيـده

وصلت حضارتنا على سطح الاقمـار
ابنـا الجزيـر والجزيـره مجـيـده

:في ظل حكـام لهـم فعـل واشـوار
ال السعـود اللـي تفـك الضهيـده

نسل الزعيم الحاكـم العـادل البـار
مجـدد امجـاد الجـزيـره بجـيـده

حتى اصبحت حره وحنا لـه انصـار
في ظل اخو نـوره هنـوف سعيـده

وصارت لابو تركي بطولـه وتذكـار
والفخـر والامجـاد تبقـى شهيـده

وخلف لنا املوك لهم فعـل واخبـار
الشعـب واحـد والقيـاده رشـيـده

والامن بانينه علـى سـاس وجـدار
وقرو على العابـث عقوبـه شديـده

وحنا حماة الـدار مـن كـل غـدار
وما همنـا بطشـه وخبثـه وكيـده

قبـائـل مالحقـنـاهـم اوعـــار
وعشنا بهذي الـدار عيشـه رغيـده

والحمـد لله نحمـده سـر واجهـار
شعب تكاتـف مـن سنيـن مديـده

ودون الوطن جيش على كـل معبـار
لارفـرف البيـرق ونـادى عقـيـده

بشرق البـلاد وغربهـا دوم حضـار
وارض الشمال اللـي نفـوده مديـده

وارض الجنوب اللي تخيضر بالاشجار
جزيـرة فيهـا القبـايـل عـديـده

ارض بها قحطـان وافيـن الاشبـار
وياعـز منهـم بالشدايـد بسـيـده

واذكر عتيبه يـوم للطيـب مغـوار
لا ثـارت الهيجـا وقـرب ضديـده

وشمر هل الطولات والجـود مقـدار
اهل الكرم واهـل الفعـول الحميـده

وقوم اعنزه مروين الاخصام الامـرار
اولاد وايـل مـن عصـور عهيـده

ومطير قوم تكـرم الضيـف لا زرار
وياويل خصم فـي حراهـم وعيـده

واذكر قبيلة حـرب يانعـم الاخيـار
وتاريخهـم يحكـي سطـور مجيـده

وسبيع نعم القوم ووجيـه الاسفـار
زبن الدخيل ليـا زبـن مـن طريـده

واذكر قبيلـة يـام والطيـب ينـدار
اهـل العلـوم الوافيـه والرشـيـده

ثم الرشيدي فـي الصعيبـات صبـار
علـى علـوم الطيـب فعلـه يزيـده

ثم الدواسر تجعـل الخصـم منهـار
عيـال زايـد عـز منهـم سنـيـده

ثم السهول اللي لها الطيـب مـدرار
وعن منهج العـادات ماهـي محيـده

ثم اذكـر العجمـان حمايـة الجـار
والمرجلـه والجـاه فيهـم عتـيـده

واذكر بني مـره طويليـن الاعمـار
مـا ينقـد المـري ولا لـه نقيـده

ثـم الهواجـر لابـة تقـدح النـار
اهل الركـاب اللـي خطاهـا بعيـده

واذكـر بنـي خالـد قبيلـة وامـار
قوم لهم في المجـد قـول ورصيـده

وبني تميم اللي لها الطيـب مصـدار
بنـي تميـم وكـل فعـل تجـيـده

ثم الزعوب اللي بها الخصـم يحتـار
شجعـان ماترضـى سـوا ماتريـده

العازمي وافي وفـي الطيـب بيطـار
روحه على كل المصاعـب صميـده

ثم الظفيري فـي المصاعيـب جبـار
والطيب والامـداح باصلـه وطيـده

ثم اذكـر الاشـراف بجـلال واكبـار
اهل الحجـاز اللـي تفـك الزهيـده

ثـم الهذيلـي لـه مواقـف ومنـدار
راعي الفخر راعي العلـوم السديـده

ثم البقوم اللي لهم جيـش وامهـار
ريف الضيـوف ليـا لفاهـم وليـده

واذكر ثقيف اللي لهـم مجـد وآثـار
ومهمـا حسبنـا مـن كـلام نعيـده

وبلحارث اهل العز بشهـود واقـرار
ا لحارثـي ياطيـب فعلـه وجـيـده

والمالكي معروف لا صار مـا صـار
في موقف اهل الطيب يبـذل جهيـده

واثني تحياتي عـدد وبـل الامطـار
علـى سليـم وكـل خصـم تكيـده

واذكر جهينـه هـل مواقيـف وادوار
تلقى الجهيني راسـم الطيـب بيـده

واذكر بلي والمجدله فعـل واظهـار
وتاريخهـم يحكـي فعـول فـريـده

وبني عطيه في المواجيـب حضـار
قـوم بوقـت الجـد قـوم عنـيـده

ثم الحويطي والكرامـه لـه اشعـار
ثـم الشـراري لـه فعـول مفيـده



وباقي جنوب الـدار والقـاف مـادار
باقـي علـى قلبـي كـلام واشيـده

زهران نعم القوم في وقت الاضـرار
والخصم عينه مـن لقاهـا سهيـده

والغامدي معروف له عـزم واصـرار
راعـي المراجـل والعلـوم المفيـده

وشمران قوم والجمايل لهـا اطـوار
وبلقـرن سـم للقـلـوب النكـيـده

والاكلبـي والمحلفـي مابعـد بـار
والحارثـي طيبـه وفعلـه يشـيـده

وبني شهر وبني عمر سيـف بتـار
قـوم علـى الاخصـام نـار وقيـده

والاسمري والاحمري صيتهـم سـار
بيـن القبايـل والمواقـف شهـيـده

واذكر عسير الهول ذربيـن الاذكـار
وابها احتموهـا فالسنيـن الشديـده

وادهم والصيعر علـى حـد الاقطـار
يحمون حد الدار مـن اللـي يريـده

وامشي مع الساحل مع جمله افكـار
رسمتهـا والطـيـر زان اتغـريـده

وانزل على جيـزان تاريـخ واديـار
ورجـال فيفـا والقبـايـل عـديـده

وارجوا العذر واهل المواجيب عـذار
الي نسيتـه مانذكـر فـي القصيـده

الواهبـي عـدد ابيوتـه بــالادوار
مـن شاعـر ماشـل قلبـه حقيـده

شهران ربعي هم هل المـدح والكـار
واهل الكند واهل السيـوف الجديـده

يـوم البلـد مايامـن الزنـد لاثـار
زيزومنا ابن مشيـط نعـم الوليـده

فالجهل شجعان وفـي السلـم تجـار

ان حكت غار السكوت من الحكي
وان بكت يحسد مدامعها الغرور

كنها والشمس خصم ومشتكي
وبين ذيك وذيك عذبت السطور

الثرى يا مايسه مغروركي
ومن يلومه ما يعرف سر الغرور

والجمال امرايته في وجهكي
والبها له في جفن عينك فتور

الحلا يا حلوتي شبه بكي
منهك حرفي ويشكي به قصور

والحروف اتهني احروف اسمكي
والاريج اختال في عرس العطور

يا غريره ياغرورى مسلكي
تهت والا تاه عن كفي العثور

في طريقي ضاعت الخطوه لكي
ماتميز بين نار وبين نور

اعراب معنى الشوق في وسط الاعماق ..!!!

فاااااااااااااااااااااااااااخره ...

لولا النـدى مبطـي يمـوتٍ الاوراق

ولولا المطر ماخضـر عشـبٍ نعرفـه

ولولا الفراق إنكـان ماتـن الاشـواق

ولولا القاء مبطي لقـا الحـب حتفـه

اشتاق لك با الله وشلون ماشتـاق؟!!

وانا الخفوق يعيد لـك همـس هتفـه

حطيت لـك بسويـدة القلـب مـدراق

مستيسرٍ وده1 وشوقـه2 وعطفـه3

يبايمـر العمـر والقـلـب مـافـاق

ياللي ودادك خاطـف القلـب خطفـه

خطفـت معلوقـه وسجلـت ميثـاق

وايد ودادك عقـل مـا ضـاع عرفـه

متفتـقٍ فهـمـه وعلـمـه تفـتـاق

يجي له المعنى هلـى حسـب وصفـه

مايخدعـه كثـر الحكـي والتـمـلاق

ختـم ودادك وحفظـه وسـط زرفـه

وسط الحشاء عن كل سـارق وبـواق

يامن عرف فـي نحـو وده وصرفـه

وعراب معنى الشوق في وسط الاعماق

وخطه مع أمـلآه. وسطـره وحرفـه

يا استاذ في مهجة غـلا ود لـك راق

لا تمنحه فسحة .هجر خـوف طرفـه

لاهل دمعـه يغـرق العالـم اغـراق

والقلب من شوقـه لـك يزيـد نزفـه

مابين برد الشتا والوقت وسكاتك ..
ذابت شموع السهر والليل يحرقها ..

أجاملك بالسهر واعد نظراتك ..
وانطر متى كلمتك يالعذب تنطقها ..

وتروح عني وتترك ضيقة شتاتك ..
وضلوع صدري هبوب الليل تصفقها ..

وإن جيتني قلت تدري أمس وش فاتك ..
من كثر ماقلتها ودي أصدقها ..

ماطاح قدرك ولا نزلت من ذاتك ..
ولا انزلت صورتك عندي معلقها ..

حبيبي روح لاتقعد عشاني لابغيت تروح == اذا ماعاد لك حاجه بوجودي لاتجاملني

عشاني لاعشان الملح والعشرة ياروح الروح == اذا دمي ثقيل اصبح بعينك ماتحملني

تخير بالدروب وكل دربٍ يعجبك مفتوح == وانا لاغبت عن عيني ابلقا من يوصلني

تعذر لابلاش انك تعذر وابتعد مسموح == تراضيني سنين البعد كان البعد يزعلني*

علي لاينشغل بالك ولو كلي غديت جروح == تهملني ربع واحباب والله ما يهملني

ترى اصعب شي بالدنيا اذا صار الغلا مذبوح == بقلب اللي تحبه وعاملك باللي تعاملني

احبك شي وشي ثاني خطاك ان قلت لك مدموح ==تجاهلني وتبي ادمح خطاك انك تجاهلني

احبك لو على قلبي دلالك ترتكي وتفوح == هذاك اول زمان فات قبل انك تبدلني

بحب اللي تحبه صرت تنطر شوفته مشفوح == انا ادري من عيونك تفضحك لوك تضللني

اشوفه في عيونك يا عيوني في سماك يلوح == اخذ نفس المكان اللي لجل يوصله نزلني

حبيبي روح لاتقعد عشاني لا بغيت تروح == انا ادري منت في حاجه وجودي لا تجاملني

ثامر شبيب

ولــــكم تحياتي