عزة النفس

عزة النفس

بديت باسم العزيز الخالق الوالي


امسيّر الكون خالقها وواليها


سبحانه اللي خلق الوان واشكالي


رازق جميع البشر يعرف خوافيها


وما بين نار الحروف وجمره الصالي


لقيت جمله مفيده في معانيها


حللتها في ههجوس القلب ولحالي


ودارت رحاها واخذت الجزل صافيها


ناس تعرف السنع والطيب والفالي


والمرجله والشكاله من مباديها


وناس تحب القشر لو بالخلا الخالي


فيها شحيح العطا والكذب لاويها


وناس لها في سنام المجد منزالي


وطبع الكرم والوفا ينبت باراضيها


وناس غثاها كثير وزيف واهبالي


تمشي على ماش ترميها وتخطيها


ونفسي عزيزه واعرف المر والحالي


وغيري شرب مرها ما ذاق حاليها


والكلمه اللي تنومس راس للمالي


والكلمه الناقصه ما نعترف فيها


وعيشه كريمه تعز النفس تهنالي


والعيشه اللي تذل النفس ما بيها


ماني من اللي يحب القيل والقالي


ودرب النميمه اجنب عن مماشيها


المرجله دربنا وللعز مدهالي


احفظ سلوم العرب وابخص هقاويها


وهرجة ردى ما تجي دايم على بالي


اعرف ضررها والاصعب في تواليها


ارد على العد واشرب عذب وازلالي


واختار جزل الهروج اللي ابديها


دنيا عجيبه بحرها يضرب الجالي


وسهوم بقعا تطاير من شواطيها


الله حسيب البشر رب السما العالي


سبحانه اللي حمانا من بلاويها


وصلاة ربي عدد ماهل همالي


على شفيع البشر نختم قوافيها



محمد مرزوق السميري

المصدر: الملتقى الجماهيري للشاعر محمد بن فطيس المري

ونفسي عزيزه واعرف المر والحالي


وغيري شرب مرها ما ذاق حاليها


صح الله لسان الشاعر

يعطيك العافية أختي ع الإختيار الرائع

تسلميييين يــ غلاي
ربي يسعدك
اختياااار رااااائع وربي
لاعدمت الذوووووق

ولا عدمت هالطله

اسعدني جداً تواجدكم العذب