قصة غلا لكنها بدون خلان !!

قصة غلا لكنها بدون خلان !!

السلام عليكم

متواضعه ترتقي بكم ,,,,,,,,,,,,

وهي من الارشيف أحببت المشاركة فيها لعلها تسعدكم ..

ياشين لا حبيت من قلبك إنسان=وهو بلا يمك ولا بأنت حوله
لا دارين عنك ولا فيك هيمان=وعليه قلبك باين ٍ في ميوله
المشكلة ! هي بالحقيقة ياأخوان=مدري بصراحة ! كيف ودي اقوله
قلبي هوا (نسرين طافش) بكتمان=من شفتها والقلب تجري سيوله
يضخ قلبي له من الشوق أطنان=لو سال عالصمان تعشب سهوله
ممثلة شامية ٍ شوفها جنان=واهني من مبسم ثغرها يطوله
اليوم بمسلسل صبايا لها شان=عشيقة ٍ بين الصبايا خجوله
تبغا تحب وأنا بهم حيل ولهان=ياليت بالتلفاز باب ٍ واطوله
واخذه من يده وأضمه بالأحضان=وأبدا أبوسه لين ياضح ذبوله
نبدا مسيرة حب بأنغام وألحان=وضحكات داعبها الغلا في وصوله
نصعد معاً نحو الثريا الأثنان=وكل الفضا وياه أبدا اجوله
قصة غلا !! لكنها بدون خلان=عاشت يتيمة دون دور البطوله
شفتوا شلون الحب ساطي وسلطان=بالله قولوا كيف عشقي انوله !!
لو أضمنه ياتي على قلب شفقان=لسوق له ذود ٍ وراعي برحوله
ولشري لجل عينيه فلة بلوزان=ومصيافها لا رادت بأي دوله
طال الحكي يا اخوك والراس عمسان=لا هنت يا غانم حفيد الرجوله
عطني فناجيلك من دلال رسلان=كيف الرجال اللي بصفرا امعموله
ولا دام تو الصبح يا اخوك ما بان=والجو كن الخير بادي بهطوله
زانت لنا السجة على (سطوح بركان)=فيها اسلي خافقي عن ميوله
أنعم بجو ٍ هادي ٍ ما به إنسان=وأطلق خيالي لجل اصفي ذهوله
وإذا رجعنا عقب تصفية الأذهان=إن راده ألله الدش بقطع اذيوله
وش لي بحب ٍ ما درا بقلب هيمان !!=لا دارين عنه ولا هو بحوله ؟؟

علي العطوي

المصدر: الملتقى الجماهيري للشاعر محمد بن فطيس المري

عساها تدري عنك وعسى الله يعينك

بس القصيدة عجبتني والله وشكلك مبدع في السرد القصصي في القصيد
وهذا اسلوب يحسب لك

اهنيك وانتظر جديدك وماتكفينا هذي بس

تقبل طلتي

رائد

صح لسانك اخوي عيد

نص جميل يالقرم

ونبي من جديدك الطازج


لا حرمنا هذا الجمال

اخوك

ابو مشاري

انت شاعر متمكن من ادواتك الشعريه في تشريح
المعاني باسلوب راقي خوي عيد والا فشهادتي
فيك مجروحه ومع ذلك ابرعت وابهرت بيض
الله وجهك لا وتقول من قديمك اجل اشلون
الجديد حقيقه مدهش مدهش تقبل مروري
اخوك موسى ابومكشهور

صــح لسانك على
ماشاء الله عليك
الله يحفظك يارب

صصصح لسسآنك
لاعدمنآ أبدآعك
وآآصل
ننتظر جديدك .,

صح السانك

وعساك على القوة

ابيات جميلة راقت لي بصراااااحة


ننتظر جديدك

هع هع ياسلام عليك يالعطوي سراحه استمتعت في قراتهاا

ابك نسرين طافش يالبى ماتخبى

ابيات قمه في قمه لك ودي وحترامي وتقديري لي سموك

وانتظر جديدك بشغف

مررت

حروف فياضه
بجمال وروعه الانتقاء
فسلم ربي هكذا بهاء
واطلاله نقيه
ولاحرمنا القادم
تقديري والود...