يا هــــل الذيدان في حــــفل المزاين

يا هــــل الذيدان في حــــفل المزاين

بسم الله الرحمن الرحيم

السلام عليكم ورحمة الله وبركاته

طلب من اخي العزيز الشاعر المبدع خالد بن سهيل العبيريد
الاخ الذي عرفته عن قرب نعم الصديق الوفي ونعم
الرجل الذي قل ان نجد مثله لا اقولها مجامله ولكن مهما
قلت في ابو سهيل ما اوفيته حقه ولو كتبت قصيده
وحاولت ابدع فيها والله ما تكفي لو اكتب واكتب
فهنيئاً للمنتدى بهذا الرجل والشاعر المبدع

قصيده قلتها في مالك الابل المعروف
الشيخ / محمد بن سفر الجليدي المرزوقي البقمي
اخ مالك الابل المعروف
الشيخ / مبلش بن سفر المرزوقي البقمي رحمه الله

ياهل الذيدان في حفــل المزاين
................. يا طروش البدو في كل القفور
يا مدورت الزيان امن الحساين
................. النياق الوضح عكشات الوبور
ذود ابو ناصر ترى ماهوب هاين
................. نقوته من حد فكر وطيب شور
من يشوف الـــــذود لابده يعاين
................. تَلفت الانظـــــار لا مرت عبور
كل ناقـــــه من نياقــــه لا تباين
................. في تهاياها تشـــــــدك بالبهور
ما عرضت بالسوم في سوق الزباين
.................ولا جلبها من رعايا الهمل عور
الفحل اعقـــــاب ممدوح البطاين
................. من عمايق اصل وانتاجه درور
جعــل ربي يجيرها من كل شاين
................. الحسود اللي بهم غــل الصدور
مكرمه ربي على عـــــز وعلاين
.................بين كل الناس له صيت وحضور
المراجـــــل والظفـــر كله قراين
................والكرم والجود في شخصه سطور
الجليدي مروين قـــوم الضغاين
................. من ســـلايل مجد وافين الشبور
من سلايل لابتن يوم الكــــواين
................. عزوتن تعطى البشــاير ما تبور
عزوتن نوماسها قضب العناين
.................لا احتمى الموقف لنا باعن ودور
من مرازيق الوفاء والفعل باين
................كاسبين الطيب من ماض العصور
سموها سمو البقوم اهل الطعاين
................ يوم دقـــــــلات الركايب والمهور
كرنفال الحـــــفل يهني بالهناين
................. كــــل راعي ذود يطمح بالصدور
اسم غالي بالظمـــاير والكناين
................. جايزة عبدالعزيز اشــرف ظهور
جايزة من وحــــد اديار ومداين
................. لين خلا المملكه خير وســــرور
سجــــل التاريخ في كل الدواين
...............في ذرى اللي للعلاء مجنى الصقور


فهد ثامر المرزوقي

المصدر: الملتقى الجماهيري للشاعر محمد بن فطيس المري

وعليكم السلام ورحمة الله وبركاته ,,

اهلا ً وسهلا ً بك شاعرنا ابو ثامر ,,

ماعليك زود يالغالي واطراءك العذب على رااسي وانت تستاهل العلم الغاانم والفعل الطيب بيض الله وجهك ,,

اخوي فهد أعلم اني طلبت منك القصيده مالي شان فيها مرفوعه لـ رجل يستاهلها ونعم فيك وفيه وفي البقوم كافه ورحم الله مبلش واموات المسسلمين لكن من الاعجاب بها طلبتها منك لكي اقراءها امامي وانت وافي وفيت فيها يالغالي وجبتها بيض الله وجهك يرااعي الوجه الابيض ,,

وصح الله لساانك وصح قلبك وكلك ولاهنت قصيده شامخه لرجل يستاهل المدح والثناء بل كسب المدح وكلمة نعم في كل مجال ,,

اشكرك اخي فهد جززيل الشكر ولك مني وافر الاحتراام وكل التقدير .

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وعليكم السلام ورحمة الله وبركاته ,,

اهلا ً وسهلا ً بك شاعرنا ابو ثامر ,,

ماعليك زود يالغالي واطراءك العذب على رااسي وانت تستاهل العلم الغاانم والفعل الطيب بيض الله وجهك ,,

اخوي فهد أعلم اني طلبت منك القصيده مالي شان فيها مرفوعه لـ رجل يستاهلها ونعم فيك وفيه وفي البقوم كافه ورحم الله مبلش واموات المسسلمين لكن من الاعجاب بها طلبتها منك لكي اقراءها امامي وانت وافي وفيت فيها يالغالي وجبتها بيض الله وجهك يرااعي الوجه الابيض ,,

وصح الله لساانك وصح قلبك وكلك ولاهنت قصيده شامخه لرجل يستاهل المدح والثناء بل كسب المدح وكلمة نعم في كل مجال ,,

اشكرك اخي فهد جززيل الشكر ولك مني وافر الاحتراام وكل التقدير .



مرحبابك انت يا بو سهيل
وصح بدنك وكلك ووجهك ابيض
لو تطلب اللي تطلبه يجيك
والقصيده كنت ناوي انزلها لكن اللي عجلها انت يالنشمي
دمت بحفظ الرحمن

الجزل يا شاعرنا ما يجيب الا جزل
صح لسانك حتى ترضى
سبك وحبك ويستاهل خالد اللي يلبي مطالبه وانت كريم
تقبل تحيتي وتقديري ووتقييمي
ترانيم المطر

اقتباس:
المشاركة الأصلية كتبت بواسطة ترانيم المطر [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الجزل يا شاعرنا ما يجيب الا جزل
صح لسانك حتى ترضى
سبك وحبك ويستاهل خالد اللي يلبي مطالبه وانت كريم
تقبل تحيتي وتقديري ووتقييمي
ترانيم المطر



يا هلا ويا مرحبا بشاعرتنا ترانيم المطر
صح بدنك حتى ترضين
الجزل مرورك الكريم والعذب
دمتي بحفظ الرحمن

كلكم رائعون وقروم ومطاليق ولافض فوك خوي فهد

اقتباس:
المشاركة الأصلية كتبت بواسطة موسى ابومشهور [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
كلكم رائعون وقروم ومطاليق ولافض فوك خوي فهد


يا هلا ويا مرحبا بالشاعر المبدع موسى ال مشهور
معليك زود يالنشمي
الاروع مرورك الكريم والجميل
دمت بحفظ الرحمن

ابو ثااامر
ارحب تراااحيب المطر
وصح الله السانك على هالقصيدة الشاامخة ويستاهل ممدوحها
عزالله انها قصيدة تملي الكيف
ويستاهل ابو سهيل الأطراء في المقدمة وانا اشهد انه رجل بمعنى الكلمة
ابو ثامر تقبل مروري المتوااااضع
ولا هنت

اقتباس:
المشاركة الأصلية كتبت بواسطة عامر صالح ال شنيف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ابو ثااامر
ارحب تراااحيب المطر
وصح الله السانك على هالقصيدة الشاامخة ويستاهل ممدوحها
عزالله انها قصيدة تملي الكيف
ويستاهل ابو سهيل الأطراء في المقدمة وانا اشهد انه رجل بمعنى الكلمة
ابو ثامر تقبل مروري المتوااااضع
ولا هنت



يا مرحبابك انت يابو صالح
وصح بدنك يالغالي
مرورك ليس تواضعاً بارك الله فيك
اسعدتني وشرفتني
ولا تهون
دمت بحفظ الرحمن

يا مدورت الزيان امن الحساين
................. النياق الوضح عكشات الوبور

لاهنت وصح لسانك القصيده جزله ووافيه وزادها جمال انها بالوضح