عز الله اخطأ من مسميك رجّال .!!!!

عز الله اخطأ من مسميك رجّال .!!!!

جاني يعايرنـي بقولـه: "فقيـره "
قلت الفقر ماهوب فـي قلـة المـال


الفقر هو نقـص العقـل والستيـره
واما بغيرة يـا"...." نستـر الحـال

قال: وعلى فقـرك وكنـك اميـره
تحكي بعز وتمشـي بفخـر تختـال

قلت: ايه وازيدك من البيـت غيـره
الله عطاني مـن عطايـاه مكيـاال

وش هو له امشي في حياتي كسيـره
مادامني من خير ربـي انـا اكتـال

مـادام مايسجـد جبينـي لغـيـره
أللي خلق ارض وسمـوات وجبـال

اللي حباني نـور عيـن وبصيـره
أميز يمين الخطـاوي مـن شمـال

مانـي قليلـة فهـم مثلـك غريـره
أمشي عدل واميـل للوقـت لامـال

ماغرني صوف الزمـان وحريـره
ومهما يضيق الوقت فيّه أبا احتـال

وكانك تعايرنـي بقولـة " فقيـره "
بقول شي(ن)صعب اشـوي ينقـال

صحيـح املاكـك عددهـا كثيـره
صحيح تلبس غتره وثـوب وعقـال

بقول لك كلمة ولـو هـي كبيـره:
عز الله اخطأ من مسميك رجّال .!!!!

المصدر: الملتقى الجماهيري للشاعر محمد بن فطيس المري

صح لساانك القصيدة قوية ووافية

الله لايهينك

الطرف الخجول

صح لسانك قصيده جزله

لاعدمنا جديدك الراقي

تحياتي

جاني يعايرنـي بقولـه: "فقيـره "
قلت الفقر ماهوب فـي قلـة المـال


الفقر هو نقـص العقـل والستيـره
واما بغيرة يـا"...." نستـر الحـال


عز الله انك المبدع ابيات رووعه بما تحمله الكلمه من معنى اشكرك عليهاا ونتظر البداع يامنبعه

تحياتي مررت

اقتباس المشاركة الأصلية كتبت بواسطة رائد العصيمي صح لساانك القصيدة قوية ووافية الله لايهينك

رائد العصيمي

تشكر على مرورك

اقتباس المشاركة الأصلية كتبت بواسطة البرنس السعودي الطرف الخجول صح لسانك قصيده جزله لاعدمنا جديدك الراقي تحياتي

البرنس السعودي

من القلب شكراً

اقتباس المشاركة الأصلية كتبت بواسطة مبارك الشمري جاني يعايرنـي بقولـه: "فقيـره " قلت الفقر ماهوب فـي قلـة المـال الفقر هو نقـص العقـل والستيـره واما بغيرة يـا"...." نستـر الحـال عز الله انك المبدع ابيات رووعه بما تحمله الكلمه من معنى اشكرك عليهاا ونتظر البداع يامنبعه تحياتي مررت

مبارك الشمري

لا هنت على المرور

الطرف الخجول