لو سمحتي

لو سمحتي

يا ظالمة والوصل يشره على البين

من يوم عن دار الموده نزحتي

ما خفتي الله في قلوب المحبين

ما كنت أظنك تجرحين .. وجرحتي ..!

سرحت فأحلام المحبة من سنين

وأنتي عن أحلام المحبة سرحتي

من عقب كنتي في غيابي تحاتين

البارحة ليلة فراقي فرحتي

إلاَّ خسرتيني بكل الموازين

ومدري عقب خسارتي وش ربحتي ؟!

قبل ما أشوفك من عيوني تطيحين

شفتك من عيون الأحاسيس طحتي

عشاني .. وعشان كنَّا حبيبين

أبسألك .. يا ظالمة .. لو سمحتي :

وشلون رحتي ؟ وأنتي اللي تحبين

لو كنتي تحبين ما كان رحتي ..!

المصدر: الملتقى الجماهيري للشاعر محمد بن فطيس المري

عبد العزيز حياك وحيا ذوقك
الرفيع اختيار جميل وراق لي
لاهنت

محمد
كل الشكر لك على مروووورك
تحياااااااااااااتي