تعال يابن خميس

بيض الله وجهك يابن خميس

ولنا الشرف بالعب معك للمرة

الثانية شاعر جزل ولله درك ..

صحت السنتكم شعار مبدعين وبيض الله وجيهكم امتعتمونا

كيفك يالملتاع

بيض الله وجيهكم جميع

اشكر جميع الأخوان اللذين قاموا بالتعليق وخصوصاً القرني وأشكر أخي الشاعر مسافر
وأقول كفيت ووفيت وبيض الله وجهك شاعر ومن بيت شعر وأهل عرف لاأحد ينكر هذا
والمعذرة اذا لم نوفق في المجاراة كما ينبغي وللجميع احترامي

بيض الله وجيهكم

صحت ألسنتكم مبدعين
محاورة قويه وحضور مشرف

صح لسانك اتمنى لك التقد والرقي

ياسلام ياسلام شعار وربي عمالقه وانها من اقوى المحاورات الي قريتها
ياسلام عليكم لاهنتوا وصح الله اللسنتكم

مسافر العايضي
يامرحبا ياهلا يالله عسى ذا الليل مبروك ** في منتدى شاعر اهل الشعر بالشعر اشهدوله

ياسعيد ياسعيد لا تاطا برجلينك على الشوك ** سعيد يحتاج له مرشد فكر حتى يعوله

ابن خميس الفهمي
دام البقى و النشامى ما لحقهم ريب وشكوك "" والليل تظهر به الاسرار بعد ارخى سدوله

مير استرح والمواقف ما عليها حصر و صكوك "" يبديلها واحد (ن) فعله يجي قدام قوله


=مسافر العايضي
;يمكن نقدر ظروفك حر كيف الحر مشبوك ** يوم الشياهين قدامك خذت في الجو جوله

اكبرخطأ يوم تحسب حاجتك في مخزن البوك ** ماتدري ان الزمن يحتاج له دفعت عموله
ابن خميس الفهمي
يا صحابنا لا تقولون ان باب الرزق مصكوك "" واللي يسج القدم لو طال مقصودة يطوله

وانا على الوعد ما هونت و المطرود مدروك "" ان كان مريتهم علم بها ذوله وذوله

مسافر العايضي
ماحد قفل باب رزقك لا تقول الربع غروك ** لكن رأسك يصادم رأس عيا لايطوله

انا على الدين والمذهب ولايلحقني اشكوك** ماظن يلحقني عيبا في الكلام اللي تقوله



ابن خميس الفهمي حث الهمم يالمسافر وازهم اخوانك وانا اخوك "" وان كان من يمنا هفوه تحزم للبطوله

ما جاك من يمنا زله لعل الربع دفوك "" الادمي لو يميل الوقت ما يعصى ميوله

مسافر العايضي
ياسعيد ماني بضدك وانت تدري جدي ابوك ** لكن ياسعيد تحزني قراراتك عجوله

لوكان سميت شعرك فذ غيري ويش سموك ** لي بان نور القمر مابان نور النجم حوله


ابن خميس الفهمي
الشاذلية تبخر ريحها و الهيل مدكوك "" مدري متى تستوي للكيف وتكب الخموله

اسمي سعيد الفتيني ما كسيت الرأس باروك "" كسيت رأسي فخر شجعان و امثل حموله


مسافر العايضي
وش يمنع انا نزورك مير خل الضيم متروك ** امشي في دربي ولا نقبل من العالم عدوله

وانا مسافر ولد عمك ولاني عبد مملوك ** ربعي شيوخ العرب ياسعيد ماهي بمجهوله


ابن خميس الفهمي
ياصاحبي ماتحرا واحد(ن) مجهد ومنهوك===اذا حداه الضماء يبتل ريقه من حثوله
ماقلت يامسقط الهامه ولاياخشم مفروك===أقول بعض المراجل ماتحصل بالسهوله[

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]