ترانيم المطر & سحابة الطائف

محاورة مميزه بين شاعرة المنتدى ترانيم المطر وسحابة الطائف

ترانيم المطر


يا صبـاح الخيـر يـا مزنـه تعلـت طايفيـه ,,,,,,شبهوها في ترانيمي وزادو فـي عنـادي

يـا سحابـه عجلـي بالحـال حلـي للقضيـه ,,,,,,,,دام رجلي بالوطا ماهمني هرج المعادي

سحابة


ياهلا بيك ياترانيم المطر والعنجهيه,,,,,,,,,,,,,,,جيتك عندي بياض ولايخالطها سوادي

ليه عندك شك فيني والا مالي مقدريه,,,,,,,,,بالشعر روضت غيرك لين صاروا كالجيادي


ترانيم المطر

شاعره بالحيل بـس الوقـت يبغـا لـه مطيـه ,,,,,,,لا تشـديـن الحـبـال ولا تـهـزيـن الـشــدادي
المهلي مـا يولـي وابـك مـا عنـدك خطـيـه ,,,,,,,,منك انا اللـي بستفيـد ولا تطيعيـن المنـادي


سحابة


ياترانيم المساء والشعريأغلى هديه,,,,,من لقيتك عندنا وشلون مايزيد إجتهادي

كان ودي شوفتك ياعنود الجاهليه,,,,,,,مادريت إنك وراي ماكله شربي وزادي


ترانيم المطر


المساء في شوفتـي يـورد حياضـك للمنيـه ,,,,,,,والمزارع مات زرعه ما نثر فيه السمادي

والعـنـود الـيـا لفتـكـم مــا تـلـفـت للنـصـيـه ,,,,,,,ما كلينا العشبه اللي فوقها كيس الرمـادي

سحابة


مادريت إنك في ذي الليله صغيرة ياضحيه,,,,,,,دام جيتك صوتك الخافت سمع في كل وادي

لوتنوحي ولو تصيحي من يفكك من يديه,,,,,,,,شاعرة لكن تخالف شعركم حسب إعتقادي


ترانيم المطر

صغر سني ما يعيبنـي وانـا بنـت اجوديـه ,,,,,,,عزتي فوق الجميع ومشيتي فيها ركادي

مــا يكبـرنـي كبـيـر ولا تصغـرنـي هفـيـه,,,,,,,الكبـر لله وانـا بـنـت عـبـد مــن العـبـادي


التنسيق هدييه مني لشاعرة المنتدى ولكل من شرفنا لاهنتوا ولاعدمنا هذا الحضور

صحت السنتكم محاوره رائعه
وفعلا فيه شبه كبيرجدا بينكم
فكرتكم 2في1 ههههههه

استمتعت فيها كثير تحيه لأرواحكم العذبه

ياسلام وربي ابدعتوا ماشالله عليكم شاعرات المنتدى
معنى وفكرة رائعه مثل ماقالت اختي عاليه

تسلموووووووووووووووووووووووون ولا هنتم على جميل مرورك
لقد أسعدني تواجدكم المميز
دمتم ودام الحضور الراقي
شكرا من القلب سحابة الإبداع والتميز لبى قلبك يا قلبي تسلمين على التنسيق الجميل يا عسل
تحياتي وتقديري ودمتِ بود
أختك ترانيم المطر

يا سحابه عجلي بالحال حلي للقضيـه=دام رجلي بالوطا ماهمني هرج المعادي

هالله هالله بيت جميل جدا ً وتوظيف اجمل ولاهوب غريب من شاعرنا ترانيم المطر,,

لوتنوحي ولو تصيحي من يفكك من يديه=شاعرة لكن تخالف شعركم حسب إعتقادي
بيت يسمو بقمة الجزاله ونبرة الفكر الرائع فعلا ً شاعرة محاوره وقد المعاني الثقيله وتخلصتي من بحر عميق جدا ,,

صح الله لساانك ترانيم وصح قلبك وكلك ولاهنتي ,,
وصح الله لساانك وقلبك وكلك ولاهنتي ياسحابة الطائف,,
كل الشكر والتقدير لكم واتمنى نرااكم في طاروق ثاني والله يعلم .

شكرا أخوي خالد شهاده أعتز فيها من شاعر كبير
وشكرا لكل من تواجد في هذا المتصفح
شكرا لتشريفكم وحضوركم لاهنتوا ولاهان هذا الملتقى الراااااقي

يعني أنتم هالحين تبون تقولون لنااا

أن تراانيم هي نفسهاااا سحااابه

وسحااابه هي نفسهااا تراانيم >> هع هع

.. موووش مسدأ ..

.. لاتصدقووووووون أمززززززززززززح

حي الله أخوي خالد وأخوي عزام نور المتصفح بوجودكم
تقبلوا تحياتي وتقديري
ودمتم بود