سجل حضورك ببيت شعر او صوره للصقور

يا طير ياللي ما تحدد طلوعه..........لا عتني الفجعه على ضيعته لوع
اخذت عنه وتل سبقه بفوعه..........على خريش ناحرت ليسر القوع
تنحرت مبدى سهيل بطلوعه............وغدتلي الحره عن الطرد زاموع
في قلبها قد عقب الطير روعه...........ومن خلقتي ما شفت لطيارها نوع
وقفت بالدربيل اخصص سنوعه...........واخفيت زوله يصعد الجو بطلوع

الحر لاجاع مايوقع عالرمات

يبقى في الجو عالي له مهمات

سلام لك من ولك مني تحيه وتقدير .. يالفلوه الي نادره فالمعاني

ونقل الحـرار وهدهـا بالاطانيـف
امـا ضحـى ولا وروك الظهـاري
وليا كفخ حل العصيـر الطهيريـف
ربداً مطيرهـا الرفيـق المبـاري
اوقف وتبعهـن طويـل الاطاريـف
حراً على بعـد المطاليـب ضـاري
الصافي اللي حاز حلو التواصيـف
لّحـاق عـزّام الحبـاري اجبـاري
واليا انزعج ظاقتبهـن المحاريـف
وتزبنن قـوع الشجـر والمـذاري
ومن عقب ماهن للعزامة مواليـف
قاموا عليهـن يظربـون البـواري




الشاعر عبدالله بن عون

ياطير لك منزلً بالقلب ياطير ** ولك ذكرياتن من قديم الزمان

لاهنت خيى ....فالح بن مسلط ال ضحيان ماعليك زووود تسلم

حي الكتاب اعداد وبـل المخيلـه
وميه هلا من خاطـرٍ مجرهـدي

من خاطرٍ صافـي ودادك يشيلـه
يالفيصلي ضيمك لقلبي يضـدي

ياشيخ يـاراع الفعـول الجميلـه
يا منتهى شكواي وان باح سدي

يا درعي الضافي الياشفت ميلـه
محكم حلق ضافي بالاردان قـدي

يا سيفي الصمصام عـز القبيلـه
يا للوذعي يالنـادر المستهـدي

يالليث شيـال الحمـول الثقيلـه
شبرك على شبر العيال متعـدي

أصبر بصبري عن ذياب وحصيله
والصبر يا سلطان ما عنه بـدي

ذيـاب قبلـه ضيّـع الله دليلـه
اللي على الفرقـا تحـدا تحـدي

مالي جدا الابس بالعيـن أخيلـه
لين ارتفع فوق السحاب المسدي

أنشهـد ان الطيـر غـادٍ دليلـه
ينحاش لو تنعـم عليـه وتكـدي

أشلاح منه الصيد يكثـر جفيلـه
نادر وفـارق نـادرٍ لـه يـودي

طير السعد يا حيف خلا عميلـه
على الوفا ما لـه قريـن يقـدي

ما يذكر انك فوق كفـك تشيلـه
وعز الله انه صار منه التـردي