تعا ليل.. ليل ..

صراحه قصة عجيبه حييييييييل
وعجبتني مرهـ كأنها قصة خيالية
لكن بجد رجعتنا للزمن الجميل الرائع
اللي فقدناهـ من زماااان

بجد تسلم على هالتعليلة
وتستحق عليها التقييم
وهذا اقل القليل

جنائن من الورد لروحك

نسيت اشكر صاحب الموضوع
الله يرجعه لنا بالسلامه
ويتابع معنا هالموضوع الشيق

واحب اشكر رمق
لمتابعتها لهالموضوع الزين
لا خلا ولا عدم ان شاء الله

واحلى تقييم لكم اخواني
جنائن من الورد لارواحكم

الزمن تغير مثـل الدركســون
ياوجودي على الناس الاولية

يعطيك العافية يافهد وبالفعل
رجعتنا لزمن جميل جدا رغم مرارته

الله يرحم امواتنا جميع

شكرا لصاحب الفكرة

تحيتي

قصص ممتعه ورائعه

كل التحيه لصاحب السبق

وكل الشكر لجميع المشاركين انتم رائعون

شكرا لصاحب الفكره اخونا قاصد كريم

ويرجع سالم غانم باذن الله

وقرأت قصتين لرمق , فهد

استمتعت بهما اي استمتاع

شكرا لقاصد ولاهانو رمق و فهد

اسعدتم جميعا


وتسلموووووون

رااااااااااااااااااااااااااااااااااائع

الله يرحم موتنا وأموات المسلمين أجمعين ،

قصه عجيبه و رائعه ، فيها من الحكم الكثير ،،

ولبها ،، من يصنع المعروف مّ يضيع أن شاء الله ،،


أمتعتنا يّ الهباش الله يجعل حياتك متاع ان شاء الله


الله يعطيك العافيه رمق ع تجديد الموضوع ،

قبل يوميــن تعللنا .. عند القحطآني فهــد الهبآش

وأكرمنــا .. وماقصــر ..

الليله موعديــن نتعلل عند القحطآنــي سعيـــد

انا متأكده بتكون سهــرهـ مميزهـ


هم اهل الضيافه والكرم

كونوآ ع الموعد ..

بسم الله الرحمن الرحيم

أحبتي الكرام السلام علبكم ورحمة الله وبركاته

مساكم الله بالخير جميع اول شي اقدم شكر وفايق تقديري

الى الاخت العزيزه رمق مشرفة قسم. الكمبيوتر والبرامج

واقول مساكِ. رد اختي رمق ومشكوره على دعوتك

ويشرفني تلبيتها وانا سعيدٍ بذالك واتمنى ان اقدم ماينال

إعجابك واعجاب المتابعين وآمل ان اكون عند حسن ظنك

وأظن الجميع واتمنى كذالك ان اكون ضيفْ خفيف الظل




أحبائي الكرام الحقيقه ورطني اخوي فهد الهباش

في طول قصته واجادته لا السرد على كل حال اليله

اتعلل وياكم مع قصه قصيره

وافصيده وبطل القصه شاعر من شعراء الخليج

شاعر من افضل وأجزل شعراء المنطقه وهو الشاعر

الراحل مرشد البذالي رحمه الله



[مرشد البذال شاعر معروف وبارز توفي تقريبا قبل 35 سنه كانت

له قصه واورد فيها قصيده طويله .كان مرشد نازل في مدينه وهو

كان بدوي ومتعلق بالبداوه ويدور الفرص علشان يطلع للبر

ويتذكر حياة البداوه بماتحمله من صفاء النفوس وترابط ومعزه

وكان كل ماطاح الربيع يطلع للبر ويتمشى ويسير على البدو

ويسولف معهم فالباديه معدنهم اصيل ويرحبون بالطرقي

ولايسالونه عن حاجته ويكرمونه .المهم طلع مرشد في وقت

ربيع وكان يلقط الزبيدي لحاله ولاحوله احد

متشطر عن قطين بدوا حوله يوم درى لاهاك البنت مع غنمها

خجلت البنت واستحت وفي ذلك الوقت كان العفاف والاصاله

قويه في قلوب الناسلايمكن ان حتى يفكر مجرد تفكير بمايمس
الحياء نشدها مرشد من اي العرب هي

وعن اهلها ويقول كانت من شدة حياءها مطمنه راسها
وتفرقع اصبعها اذا ناظرت ,

درت ان مرشد طرقي ولاهو من اهل الديره وسالته عن حاجته قالها

جاي اتمشى والقط زبيدي شافت البنت الزبيدي اللي مع مرشد قليل

وعطته البنت بعض الزبيدي اللي معها وقالت حنا قريب من الديره

واي وقت نبغى الزبيدي نحصله اما انت جاي من بعيد ومتكلف المهم

اخذ مرشد الزبيدي سالها مرشد قال انتم مبطين هنيا

قالت لنا حول خمس سنوات راحت البنت من عند مرشد وتعلق قلبه بها


قعد مرشد في البر يومين ورجع للديره وقص قصته على واحد من اخوياه


ووصف مرشد حياء البنت وعفتها وحسن منطقها وكلامها نقد علاه رفيقه

وقال انت فاضي للعلوم هاذي لا تلقيها بال البنات واجد

والعشق واجد تلقى غيرها ملايين .

رجع مرشد بعد حوالي ستة شهور لنفس محله ونوى يخطب البنت من اهلها

واخذ كسوه وقهوه وغيرها وراح يم اهل هاك البنت يوم جاء لمحلهم اليا هم

شادين ولا يدري مرشد وين ديارهم وزود على كذا انه بعد ماعرف اسم اهل البنت

قعد مرشد والندم يقطعه ومر على مكان لقاءه بالبنت وتذكر جميع ماجرى بينهم من كلام

ولم ينم تلك الليله واللي زاد في حزنه اصوات الذيب اللي تشعر بالوحده والغربه

اصبحه الصبح وماطاب عينه نوم وتمثل بقصيده طويله منها هذه الابيات :

ألقصيده



البارحه جاوبت لي حس عاوي ***ذيبا عوى جاوبت بالصوت واياه

ذيبا يجر الصوت كانه خلاوي ***وياقلبي اللي جاوب الذيب بعواه

والصبح بانت في ضميري اهاوي**جريت صوتا ليت خلي توحاه

يادار ماشفتي ضبّي المطاوي ***اتلا علامي به غشنك رعاياه

وانا على شوف الحبّيب شفاوي **كانه هنيا خبريني بمسساه

قالت لي الاوطان قلع ضحاوي ** اليوم راس الرجم هذا توطاه

امسى هنيا واصبح اليوم ناوي ** يتلي سلف بدوا بعيدا معشاه

كشف لهم برقا سديدا عشاوي *** يخيلونه يم خشم المسناه

يبون مرباعا بهاك الحراوي **** اليا زاف زملوقه وشبعت رعاياه

اخذ الخبر ماهوب خرص وهقاوي ** اعطيك علم صويحبك وين تلقاه

ادنى مرابيعه بخشم الصداوي ** وبيوت مقياضه بقريه مبناه

مير اطلب الله لو صوابك مخاوي ** كم واحدا قبلك عشيره تمناه

يالعين ماينفع كثير الشكاوي ** الا على اللي دبر الغيث وانشاه

ياونتي ونة وحيدا جلاوي **** اللي سبب دينه من ادنى دناياه

ولا خلافه من يحل الدعاوي ** لا صار ربعه منه تبا المثاراه

عليك ياللي لك بقلبي مكاوي ** ثلاث كويات هوادي وعرقاه

عقبه فقدت من المنام الحلاوي **وحتى متاعي قامت النفس تجفاه

يا لايمي لعل مالك عراوي **** بلاه ما ولعك بالحب حلياه

من لايعرف الحب عنده دعاوي ** يشره على راع الموده ويشناه

ويقول هذا في مماشيه غاوي ** وحنا ندل الدرب والحمدالله

يالله عسى مثله كثير الهزاوي ** يبلا ببلوى من لسانه تهزاه

حتى يعرف ان المحبه بلاوي ** ويشوف مثل اللي من الحب شفناه

عساه يبلا في محبة حياوي ** حب الهنوف اللي يحده على اقصاه

تفرى ضميره فريّ دلو الرواوي ** اليا صفقاها الجال من حد ملقاه

اليا لجلجته بالنظير السهاوي ** كلامها لبيه عن قولتن هاه

كلامها للقلب مثل المداوي **** اللي عرف علة مريضه وداواه

ياربي اني بالتفاتك رجاوي *** تلم شمل الولف من عقب فرقاه

لوتنفع الفزعات ولا النخاوي ** على المحبه كان كلا نخيناه

مار الرجاء والياس صار متساوي ** ياقلبي اصبر في تدابير الاله

لو مابقي في حالك الا شلاوي ** مادبر الوالي على العبد يرضاه
/color]

ياسلاااااااام ياسعيــد

قصه رآئعه .. أول مره أسمعــها
هالمقرود كآن سألها .. حظه أقشر

صرآحه انا توقعت بتجيب شي مميز ,,

وصدق توقعــي ..

يزين التعلل عندكم يالقحآطيــن