لـِ حِينْ إشعَــاارْ آخرْ ..!!

يالله ياللي تجيب الخيييير وتعمـه=ياكافل الرزق لعباده ومغنيهـم
تآمر على الغيم وبروقه وهتّانـه=ياللي عطاياك مانلحق نجازيهـم
الأرض جدبآ وقفرا ..! لاتخلينـا=ماغيرك اللي يواريهم ويسقيهـم
تآمر جروم الغيوم تهل ماطرهـا=وتوّنس الخلق والميتآت تحييهـم
نبيه لقفت صلاة الصبح وأصبحنا=والناس قامت تدابك في مساعيهم
يبدا رشاش ويزيد بفضل منشيها=حتى يعم العباد وجل اراضيهـم
تسقي به رماح والفيضة وغيلانه=أديار ربعي تجملهـم وتعطيهـم
والحاير الحااير العز وضواحيهـا=شعبانها ! خدها واللي حواليهـم
نبيه خمسة عشر يـومٍ يواصلنـا=تنبت به الارض وتعزز مفاليهـم
ياربي انت الكريم وعالـم النيّـة=محدن ليا غابت كفوفك بيرويهم

لـ محمد

ماطحت من عين منهو يسكن القمه=ولاطحت من عييين نفسي يامعذبهآ
الدآب أشوفه ! ولاني وجلْ من سمه=بعض المواقف جفـآ صدي ينآسبها
ماجييت مخطي ولكن جييت والذمه=محدن ترا فوق معبودي يحاسبهآ
افكآر رآسك عليك الييوم ملتمّه=من سبـةْ علوم مدري وش مذاهبها
واليوم ياصآحبي ...! كلن على يمـه=وتعددت غاية الخلق .../ ومطآلبهآ
ناسٍ على العز والنومآس مهتمه=تشوم عن لعبة الوقت وخرايبهآ
وناسٍ تصدر دجل وتورد مغمـّه=وفي كل حالاتها ..! سودٍ جلايبها
ياما على شان خاطر عآلي الهمه=وطيت درب الهموم ودست غاربها
لا خير في رجل يزعل من بني عمه=حتى ولو شـان وضعـه لايخربها
يسكت عن المشكله ويفرّج الغمه=ويسكت عن اعراض ربعه مايغايبهـآ
من دون هالناس أنت الراس والعمّـه=وانت الذي لجله الدنيــآ بحآربهـآ
هذا شعوري وإذا في خاطرك ضمه=واعرف مدى ضيقتي واول سبايبهـآ
ثم سَمْنِيْ في نظرك وماتبي : سمّـه=أنا بفــضل الولي روحي مهذبهـآ

لـ محمد

يقول اللي يفيض المر جوفه=من الدنيا ومن سبة ظروفه
يدور فالبشر شخصٍ يواسي=يواسي خاطره لاهب خوفه
يضيق ولاتضايق ضاق صدره=ويقصر عن مدى الامآل شوفه
توّسم في [ بحر جدة ] ولكن=تعب ! ماقدّر الشاطي وقوفه
على الله يامعاليقي على الله=جروح العين والنفس مخلوفه

لـ محمد

الصبح طل ! وطلّة الصبح تغري=والنور يشرح خاطر اللي يشوفه
يانور يَاحلوك ليآ جيت بدري=تشفي عنا صدر المعنّآ وخوفه

لـ محمد

الفقد أكبرُ من أن يوضعْ بينَ خطُوطْ ومساحاتْ تعبيرية .،
ولو كانَ الفقدُ رجلاً لـ قتلتهْ ..!

أيُ نعي وأي عزاء ! وأي كلماتْ تُكتبْ لحظآت الفقدْ .!
إستحالة / أغتيال أمل .. تبلّد شعور ..!
حروف باردةْ .. أجواء ساكنة / ثواني قاتلة .
لهُ في قلوبنا مساحة نكابر عنها ونعرف أنها مملوكة للفقد ..،
نتحداه والضعف يملأ صدورنَا .!

:
م ح م د

!

كبيره يَالجروح اللي تكآبر=تقول الدم ذا .. ماهو بدمي

!

ذروّة المأساة أن تكونَ غيرَ قَادِر علَى فهم وجهتك .
ذروَة المأسَاة أن تفتقد بوصَلة اتِجَاهك في صحرَاء التِيه .،
ذروةُ المأسَاة ان تكون جهَاتك كلها ضدك .!

ويلوُح برَاق في عينك من بعييييد , لكن تُعرض عنه
فعلتَهَا .. إلا أن تكون هُنَاك ؟!

" مأسَاة أخرَى "

فـ المجَال مـاعَاد يتسعُ لـ اكثـرُ من ذلك .!
نظرَه سرِيعَه للـ الورَاء وتُتَمتِم

" هو يمديني اررررجـععع .! "


م ح م د

!

يقولون البدو : مايتبع المقفين فالح رآي=وانا اقول البدو لاهبلو بك خلك اعرابي

!

كبير يَ نايف صقر

البارحة مسرآي ضيق وكئآبة=وأنفاس صدري كنها تحترق حرق
ماغير أسلي خآطري بالكتآبة=بين وبين الوْسْع ياصاحبي فرق
ان شفت جوي ممتلي به سحابة=أقول ياربي عسى وبلها شرق
وأثره جنون الحب وضيقة غيابه=ولافالسما نوٍ .. ولافالسما برق

لـ محمد

!

في ذمتك ماتهزك وَحشة الفرقَا=ولا أشوفك تحاتي وصلي وفراقي
يانجم طَالبْك حول لِي وأنا برقآ=بين النجوم المطلّة بنثر اشواقي
محتاج للغيم .. والا ليلة ٍ برقَآ=محتآج أسولف عن اللي داخل أعماقي

!


لـ محمد