يقول من عذب القصيد اللساني....

يقول من عذب القصـيد اللســاني
.....الي على الهــزلات ماضرانـــــي
الي تخيـــر عذبــها بلــــحــــون
....الـي يتــقاهــا من المرحــانـــــي
البــارحه يــوم (ن)كلــن نـاايـم
....هاجوسي الي جـاني اوصحـانــي
قـال احتــزم بلكـايده واخــترها
.....ونا علــي الرتــب القيفـــانــــي
عطني من الي في ضمـيرك كله
....والخيل ما يسرج بدون أعنانـــي
قلت السوالف والقـصائد واجد
.....مدامــك الليلـه تبــي مـن دانـــي
هاك القلــم ياً هاجسي ثم سجل
.....افلان ولـد افـلان ولد افـلانـــي
كان المبـدى والمخــــير عنـدي
.....لاكنــه اليـــوم مـن الـرديـانـــي
وكتب بعد ياهاجسي من فكري
....وانا بقول القــول من برهــانـــي
الأيا اعتزيت وقلت انا أخو جوزاء
....ماني سوات أمسح الريضـانــي
أقدم على الطـيب وأحب الطـيب
....واحط قدره مــثل قدر اخـوانــــي
وهاذي ترا ماهوب من مـنـطوقي
....معروفتن من ماضــي الأزمانـــي
حظيتها مـــثل الثريا عـــندي
.....وأصبحت أخايلها على نيشانـــي
وابوي وصـاني وقال أحفظها
....وصــيتن ما غيرهـــا وصانــــي
قال انتبه من دنيــنك واحذرها
.....واحسب حساب اللاولي والثانــي
اطيــب عنـوان المراجل لنــه
....ورثـي ورث العـود من جدانــي....؟

قصيده جزله ولا يستغرب منك القصائد الجزله
شاعر وانعم فيك وفي أبوك وقبيلتك عامه ..
وأستمنعنا بقصيدتك ..

أختك /الشقيه

اقتباس المشاركة الأصلية كتبت بواسطة رائد العصيمي صح لسانك غبت ورجعت وجبت الجزل ياجزل نص جميل جدآ واعجبني طريقتك في نظمة اهنيك يابطل

صح بدنك يالخوي
وجعلك سالم
لاهنت ونورت الصفحه

اقتباس المشاركة الأصلية كتبت بواسطة الماسـه ماشاء الله عليك محمد صح لسانك وربي انها ابداااااااااااع قريتها كذا مرهـ من جد رووووووووعه الله يحفظك يارب

وياك حظورك اخت الماس
ينور الصفحه ويزيدها
تالق لاهنتي

اقتباس المشاركة الأصلية كتبت بواسطة مشاري بن فالح أقدم على الطـيب وأحب الطـيب ............واحط قدره مثل قدر اخـوانـــــــي كفوووووووووووو نص جميل جدا جزله من راس جزل صح الله لسانك على هذه المترفه شكرا لك

صح بدنك اخوي الغالي
وحظورك انت يشرفني
ووسام على صدري لك احلا تحيه
وحبة خشم لاهنت ع الحظور

اقتباس المشاركة الأصلية كتبت بواسطة عاليـه ماشاء الله ابداااع شاعر وصح لسانك جزل وقصيده رائعه من جد استمتعت فيها غبت وجبت الغنائم ربي يحفظك يارب تستحق التقيم وبقوه

تسلمين اختي الغاليه
عاليه نورتي الصفحه بحظورك
الراقي تسلمين وربي يسعدك

اقتباس المشاركة الأصلية كتبت بواسطة حسين كرعل الوايلي وابوي وصاني وقال أحفظها ..........وصــيتن ما غيرهـــا وصانــــــي قال انتبه من دنينك واحذرها ...........واحسب حساب اللاولي والدانــي ونعم بك وبوالدك وصح الله السانك وافي ومن وافين دمت بخير

جعلك تسلم ولاهنت ع الحظور
والطيب من وفيك
نورت الصفحه

محمد جزل ولا فيك حكي

صح الله اللسانك واعتلا شانك

أقدم على الطـيب وأحب الطـيب
............واحط قدره مثل قدر اخـوانـــــــي
.....................
صح لسانك اخوي محمد

اقتباس المشاركة الأصلية كتبت بواسطة ناصر الشريف الاخ العزيز محمد الوريكي صح لسانك كان المبـدى والخــــبر عنـدي .............لاكنــه اليـوم مـن الـرديـانــــــــي والله يجزاك خير ويسامحك على هذا البيت وما بعده وشايبك اشهد انه وصى ولكن فيه خلل في الوزن كان المبدا والخبر من عندي=== لكنه من اليوم فالردياني او السفهاني تحياتي لك ويسلم بوحك اخي العزيز

اخوي الغالي ناصر الشريف الخطى مهوب بالقصيده
الخطى بالاملاء كتبتها على عجل ولا راجعتها
ونبهتني جعلك سالم غانم
وابشرك عدلت الاخطاء الاملائيه ورح شفها لاهنت
وبيض الله وجهك وعساك ذخر
نورت وحظورك وساااام عى صدري
نورت الصفحه ومشكور اخوي الغالي

قصيده جزله ولا يستغرب منك القصائد الجزله
شاعر وانعم فيك وفي أبوك وقبيلتك عامه ..
وأستمنعنا بقصيدتك ..

أختك /الشقيه

[/quote]




والنعم فيكي وحظورك نور على نور
تسلمين اختي شقيه الشقيه
تسلمين