وترا من لا يحب الخير ما ظني يشوف الخير

وترا من لا يحب الخير ما ظني يشوف الخير

السلام عليكم ورحمة الله وبركاته

اسعد الله جميع اوقاتكم بين يديكم وعسى ان تقبلها عقولكم

على كثر الغرام اللي حدآني يمك من شهور

...................................... وعلى كثر الاماني والسهر واللوع والتصبير

وعلى كثر الشعور اللي تملك فلبي المكسور

................................. محبة قلب واحساس الغرام وحشمه وتقدير

لكني ما عرفت ان وقتنا التالي على دستور

............................... على دستور تمشي بالصراحه ماتشوف الخير

الا ياليت ربي ما كتب لي كشفة المستور

.............................. ولا شلت الغطاء خليت علم البير وسط البير

تبين لي علومِ كان مخفيها علي صدور

........................ صدورِ تفتخر يالكذب والتزييف والتزوير

خسرت اصحاب كانوا في حياتي كتلةِ من نور

................................. وانا لي مدةِ وانا اقبل الاعذآر والتبرير

الا يا صاحبي والله ما ظنيت فيك قصور

................................. لكن الحين شفت الظلم والعدوان والتقصير

تجاملني بطيبك والقسى تصدق معي مشكور

........................... هويتك ما احسبك من شلة التعتيم والتمرير

انا عندي كلام من صميم القلب للجمهور

........................ تعدونه نصيحه او مجرد رأي أوتحذير

ترا بعض الزهور الي نشاهدها ماهي بزهور

......................... تغر اللي يشاهدها ولكن في الحقيقه غير

وترا ما كل جرح تنجرح به ينفعه دكتور

.......................... ولا ينفع معه حقنه ولا أشعه ولا تخدير

يضيمك وانت صدرك من لوادم عاملِ له سور

.......................... يحاكونك ولا يدرون بالصدمات والتأثير

وترا ما كل كسرِ تنفعه تجبيرة المكسور

........................... وترا من لا يحب الخير ما ظني يشوف الخير

ودي لكم

المصدر: الملتقى الجماهيري للشاعر محمد بن فطيس المري