بووح مشاعركم / ترسُمــهُ أقلامكم !!

لاتحسب اني حبيبي جـــاهله فيك
معلوم اعرفك حبيبي لاتوصيني

انته عيوني وشفها اليوم تدعيك
خلك مثل مانت ياشوفي ومحييني

بقلمي

من يوم شفت بارقك بالسماء بان

حسيت في طعم الحياه وفرحها

جيتك طفل ضامي من الحب تعبان

ضمن على صدرك ابا انسى تعبها

بقلمي

على شجر بستان شعري صاريختال الحمام = والراعبيه جاوبت باللحن والعاشق ترا
في داخله شوقن قديمن و اشهد انه ما يلام =هو يحسب انه واصلن حد الثريا والثرا
الجرح زاده صوت غناه الهواوي بإنسجام = بالهمس ردده الضمير اللي مع الفرقا سرا
صوته جريح ودمعته تكسر مجاديف الكلام = عايش ويكتب من قوافي شعرما تستر عرا
كلمات ترانيم المطر =

	[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] تدرون منهو عاشق الشمس والغيم=شعرن عسفته من معانـي فريـده لامـن كتبتـه قـال لبـا ترانيـم=والبي احساسه وانا بـه سعيـده واسقيه من هتان نزفه كما الديـم=واكتب من حروفه معاني قصيـده كلمات ترانيم المطر =

الا ليت الوصال يـعود يوما=واخبره بما فعل التجافي
حزين ٍ علتي تزداد دوما=وروحي والهناء على اختلافي
بليت بوصلكم حين القدوما=وزاد الداء حين الانحرافي

يسقيكـ يـــاديرتن يســـكنـكـ خـــلاني
جعل السحاب اللي فيه الخير يرويكـ

بقلمي

يا صاحبي طوّل غيابك عليه = وأنا من العام اتحرا رجوعك
انا على عهدك ولا فيه نيه = اترك غرامك واتريّا نفوعك
الجو برد وليلتي سرمديه = ولا يدفي جونا الا طلوعك
كلماتي : ترانيم=

أشكر أخوي عساف على هالموضوع الاكثر من رائع ...
والمشاركه كنت راجع من الجامعه وتهيَضت ((دوام مسائي طبعاً))
البارحه سيّر على القلب هوجاس ... وطلبت عيني ما يجي الخد ماها
بكيت في صدري لأجل نظرة الناس ... ومن شان عدواني يطوّل ضماها
إن كان قيمة دمعة الرجل بألماس ... قيمة دموعي من عيوني عماها

يحن قلبي لجل وقتن طويناه
وقتن رحل مع ماضيات السنينا

فيها أتذكر كل شي عملناه
وعنها مع الايام لا ماسلينا

وتهل عييني لجل بيتن بنيناه
الله يامامحلا بيوتن بنينا

فيها الوفاء والطيب فيها وجدناه
فيها يدين بالعطآ مكرمينا

هلت دموع العين ساعة ذكرناه
ياروحي أنا طآلبك لاتذكرينا

والله مانسى كل يومن فقدناه
وأنا على ذيك الليالي حزينا


ريمآ . الجهني .

آصعب أحساس يعيش في قلب مخلوق

وكن الجفأ فآلصدر تدمي سيـوفـه

لاصرت تعشق شخص ثم زارك الشوق

لحظه؟ ولاكن مانت قـآدر تشـوفـه

(مآجد المسآعد)