ياسلمان سلم لي على حمود بن فراج

ياسلمان سلم لي على حمود بن فراج

بسم الله الرحمن الرحيم

السلام عليكم ورحمة الله وبركاته أحبتي الكرام يسعدني ان اقدم لكم هذاه الأبيات

المتواضعه امل ان تحوز على رضاكم وهي لها قصه كان الشاعر حمود فراج بن

محيلب السبيعي من اعز الاصدقاء عندي وهو من الرجال اللي يضربهم المثل

بالصداقه اول وتالي ولكن انقطع مني حمود فتره طويله بدون اسباب وانا من

عادتي لا ابحث ورى الأسباب طالما اني واثق من نفسي اني لم اقصر في واجب

صديقي يوم من الايام جاني واحد من ربعه يدعى سلمان وقال والله واجهت حمود بن
فراج وعلمته اني معزومٍ عندك وقال أنا والله يشرفني المسيار لبو محمد لكن لدي

التزامات بس وداعتك بلغه سلامي راح سلمان وقعدت افكر وش بلا حمود

طالعت في الساعه ولاعقاربها

تشير الى ثنين من منتصف الليل ورسلت الى سلمان البيتين التأليه



حدتني هجوسي وازعجتني وصرت زعاج
..................... حدتني على دز المراسيل ذا الحزه

لقيت القصيد ل ضايقين الصدور علاج
......................... لاصار بين العين وانعاسها دزه

ي سلمان سلم لي على حمود بن فراج
...................... سلامن يعم سبيع الاعلين والعزه

وقله ترى مانيب راجي ولا محتاج
....................... لكني فقدت الخوه اللي لها مزه

ليا قلطو عندي معزه وضحك حجاج
...................... واذا عرضو خليت بني على قزه

أكيد العوارف تبخص العلم مايحتاج
....................... ولقينا عليهم ثغرةٍ مثل اهل غزه

ولالي بعلم يلحق الطيبين حراج
.........................ولكن ملازيم العرب صابها هزه

اكب السوالف لا نحنى خطها وانعاج
......................وغلطان ياللي تركز السلك وترزه

وخفايا السرائر دونها القفل والمزلاج
........................ على شان ماينزه بها كل متنزه

المصدر: الملتقى الجماهيري للشاعر محمد بن فطيس المري

صح لسآنك يآسعيد
رآئعه كما عودتنآا
تسلم خيوو . قصائد مميزه دائما

كلا موصح يالماسه انتي اول المدعوين
وانتي راعية محل قبل ذا وذاك ولكن حرصنا على دعوتك
من قدرك وتفاجينا بردودك اللي ماتعودنا عليه
الوكاد انك تمونين وشرفني حضورك ولاهنتي

اقتباس المشاركة الأصلية كتبت بواسطة سعيد محمد القحطاني كلا موصح يالماسه انتي اول المدعوين وانتي راعية محل قبل ذا وذاك ولكن حرصنا على دعوتك من قدرك وتفاجينا بردودك اللي ماتعودنا عليه الوكاد انك تمونين وشرفني حضورك ولاهنتي

مو . صح ههههههه
ع راسي والله ياسعيد
بس الظاهر انا رديت قبل الدعوه
تراني اتريق والله لجي بدونهآا دامهآا لك

أحب المثل هذا صاحبتي اقوله كذا دايم بس نمزح

اقتباس أكيد العوارف تبخص العلم مايحتاج ....................... ولقينا عليهم ثغرةٍ مثل اهل غزه

صح لسانكــ واعتلا شأنك

ابيات جزله وغير مستغرب عليك

هالابداع ,,,,,


دمت والابداع

شكرا سعيد على هذه القصيدة الرائعه
والتي ليست مستغربه من شاعر المنتدى
راق لي هذا البيت
وخفايا السرائر دونها القفل والمزلاج,,,........................ على شان ماينزه بها كل متنزه
صح لسانك وسلمت أناملك ذائقه شعريه فريده من نوعها
حضور مميز وشعر راقي وأبيات هادفه

ياااا سلااااام أبيااات جزله ونزيهه جدَّاً

.. والوضوووح أطيب من الغمووض ..


صح لساانك ياسعيد لاخلا ولا عدم ..

ابد مايهمك اختي الماسه لك حق تزعل
ثم لك حق نرضيك
ماقوى زعل محبوب قلبي وعيني

لاهنت وصح لسانك على الابيات
وودنا نشوف رد خويك كان ارسل الرد

العبقري ياهلا وغلا شرفني حضورك
وكلامك الطيب تحياتي لك وصادق ودي