(......)في نقطه تحــــــــول .

رد: (......)في نقطه تحــــــــول .

يسلموو..الهوى والله نقاط التحول كثيره كل جانب من حياتنا نلاحظ انه يتحوووول بسبب معين.. نقطة تحولي ((وفــــاة جـــدتـــي)) المهم بقولها.. لكم وأتواقع لــو أحد مكاني راح يحصله مثلي بقولها لكم قصه بعيشكم نفس المشهد معايه لعلها تكون كمان نقاط تحول بحياتكم.. كانت جدتي بالمستسفى بالعنايه رحت أنا المستشفى مع الوالده الله يحفظها وكانت معانا الشله الكريمه.. أنا وخالتي نسوي فيها قايدات على نياتنا ماأحنا داريات.. المهم قلت للحارس حق العنايه نبغى ندخل شوووووفو..الغباء الضاهر حزن علينا ودخلنا لانه يدري بالموضوع ..وإلا فيه شله هالثكر تدخل العنايه..؟؟ دخلنا ماحصلنا جدتي قلنا أكيد مخرجينها لغرفه ثانيه على بال جدي راح يسأل عنها قلت لخالتي خذي مجموعه ولفي ع قسم وأنا بلف على قسم.. المهم لفينا المستشفى كله ماحصلناها ومن حسن حضي ماكانت فيه تغطيه للجوال حاولت بكل طريقه أكلم خالتي اللي معاها ماقدرت خرجت برا أحاول أتصل كانت أمي ومجموعتي معايه فجأه طالعت وشفت خالي وكانت جدتي حاطين عليها الغطاء الأبيض((سؤال للكل إيش راح تسوي لو حصلك هالموقف))...؟؟؟ أنا كل تفكيري صار بأمي سحبت خالتي بقوه جنبي عشان أمي ماتشوف خالي قلت يلا جدي يكلمنا لحد ماطلعتهم عن هذا المكان وقتها أنشل تفكيري ماعاد معاي تفكير إذا بكيت انتبهو..إذا سكت راحو يدورو..عليها حاولت أضغط على نفسي لحد ماجاء جدي الحمدلله تصرف وهو.ساكت خرجنا من المستشفى جينا بيت خالتي عرفنا إنها متوفيه عسى الجنه فراش وغطى لها يااااارب نقطة التحول هي إني تخيلت المتوفيه أمي الله لايقدر.. إيـــش سويت لها بالدنيا..وهل أنا كنت باره فيها وإلا لأ.. إيش اللي تطلبه أمي مني وكم مــره قلتلها لأ..وكم مـــره قلت لها إيوا والحمدلله من وقت وفاة جدتي زاد اهتمامي بأمي لـــو تبغى تذبحني والله إني كلي لها الله يحفظها ويحميها لنا ياااارب دعواتكم لــجــده بالرحمه ولـــمـــامــــا الله يحفظها ولاتصيروو.بخيلين أنا كمان أدعو.لي إن ربي يحفظ ليا مـــامـــا وبـــابـــا ويزيدني بــــر فيهم

المصدر: الملتقى الجماهيري للشاعر محمد بن فطيس المري