هلا بالصايغ الي صاغ في معناه نياته,,

هلا بالصايغ الي صاغ في معناه نياته,,

سلام الله على اللي يشرق الابداع بابياته=يجيب المفردات اللي عليها القول محبوكه
ولامني نخيته بالكلام يفز ما فاته=يرد القاف نفس القاف باسلوبه وبسلوكه
يمد ومدته تغني الى من مد مداته=قصيد وشاعريدرك مرام الشعرودروكه
نعم خالد الى مني ذكرته جات حزاته=يزيد مع الكلام احساس فايض عالم ملوكه
وانا ودي اجي يمه ولااعرف وين وجهاته=ولااعرف باي ارض يكون ولاحوال مصكوكه
عبيريدي عتيبي والنعم في كل وقفاته=مطاليق النشاما لالفاها الضيف مبروكه

بسم الله الرحمن الرحيم,,

سلام عليكم ورحمة الله وبركاته ,,

صباحكم ومساكم كل خير ,,

ابيات لبو مشهور وانا اعتذر منه كان تاخرت في ردها ولاكنت ادري متى نزلها بالظبط لكن علها تكون عند الضن وفي ومكان الرد ,,

هلا بالصايغ الي صاغ في معناه نياته=على حرف المعاني جات محبوكه ومسلوكه
اثنيها بطيب ومعرفه لو جات كلماته=على الشكلين ممنوعه عقب ماماتت اشكوكه
ذكرني ماتناساني ولاني ناسي إوصاته=سبق مال النخاوي فالكلام الفعل مدروكه
بحيث انه جنوبي والكرم والعز لأسماته=حفيد اهل المكارم والشهامه تحسب بنوكه
انا شفق ٍ على شوف الخوي وابغى ملاقاته=ولو ان الزمان الشين مانسلم من اضنوكه
تقدم يارفيق الخير وأعرف كيف غاياته=على وضح النقى وأحبالنا بالجود مشبوكه

تحياتي وتقديري لكم ,, خالد العبيريد.

المصدر: الملتقى الجماهيري للشاعر محمد بن فطيس المري

الله اكبر الله اكبر الله اكبر الله اكبر ماشا ء الله تبارك الله ولا الاله الاالله
ابداعت وامتعت واجمعت في المعاني الجزله انااشهد انك كفيت ووفيت
بيض الله وجهك يالذيب

صح لسانك
مبدع دوماً

ماشاء الله ابدعت يابو مشهور ولا هو غريب محاكات الكبار اللي امثالك وامثال خالد منتوجها طيب

صح السنتكم والله لايهينكم

صح لسانك يابو سهيل ،،

أبيات جزله ، من شاعر جزل ،،

أنشهد أنك أنت وموسى ماقصرتوا

لاهنتوا لاهنتوا ،،
،

ما شاء الله .. بدع وردّ ووووولا أجمل

صح الله الألسن

مرحبا بالجميع حياكم الله ,,

صح الله قلوبكم وصحة ابدانكم ولاهنتم على الحضور المضئ بارك الله فيكم ,,

تحياتي وتقديري لكم .

الله الله

ابدعتوا وامتعتوا

لاهنتم على هالابيات الجزله

دائماً تمتعنا ياخالد وماقصر موسى ابو مشهور

دمتم بكل خير

مرحبا يابنت برقا حياك الله ,,

عاش من شافك وحمد لله على السلامه ,,

والله لايهينك على مرورك الطيب بارك الله فيك ,,

كل الشكر وكل التقدير لك.