$$$ ومـــــيض الــــقـــــوآفــي $$$

احترت في وضعك ولا ادري ويش تاليها معاك



يوماً تجيني شوق واياماً تطول صدتك



مدري علامك تترك الي باع روحه واشتراك



يومك تكثر بالغياب والمجافى مدتــك



لكن من دافع معزتك ومحبتك وغلاك



اقول جاك من الظروف الكايدات وحدتك



صحيح متعود على غيبتك وادري وش وراك



بس المصيبه مادريت ان ذا قساك وشدتك



خبري بك الي يحتويني وانت في بعدك دفاك



وخبري بك الي لو تغيب احيان عجله ردتك



يا قصر ياللي شيد من الحب بِنًاي بناك



اثاثك الاخلاص واحلام اليالي عدتــــك



خايف عليك من العواصف لا تقلل من قواك



واخاف صلفات الهبايب لا تعجل هدتك



ويا وقت ياللي كل مابينت للعاشق صفاك


وشفيك تغريه بصفاك وتقتفــيه بحـــدتك



ويا حظ ياللي كل ما دارت على الدنيا رحاك



ليه اليالي كل ما شافت حلاتك ضدتك



ويا صاحبي ماعاد باقي الا انت وقف وش بلاك



قلي وش الي عن مسيرتك القديمه لدتك



وكانك معزم تبتعد تراي عرضه للهلاك



قلبي معك اما جبه والا فعجل رتدك







بوحي