ياوجودي لااقبل الليل وانزاح النهار

ياوجودي لااقبل الليل وانزاح النهار

بسم الله الرحمن الرحيم
السلام عليكم ورحمة الله وبركاته
شلونكم اعضاء منتداي الغالي
حبيت اشارك بقصيده قديمه نوعا ما
ارجوا ان تحوز وتنال على رضاكم


يقول:


ياوجودي لااقبل الليل وانزاح النهار===وجد من صوب خليله خطا ثم قتله

او كما وجد اللذي خايف (ن) يلحقه عار===وبالصدف شاف مرته عاريه ومهمله

من سبايب واحد (ن) شب وسط القلب نار===شب وسط القلب نار وعجز يهتم له

ان نطحته قلت هذا من خيار الحرار====وان دبرته قلت هذا الجمال باكمله

اكتمال الزين بالزين يعني باختصار===شي شفته بالعيون وعجزت امثله

المصيبه تكمن الان في اخذ القرار===ان نصيته مشكله وان تركته مشكله

مثل ماقال المثل بين نار وبين غار===ياكذا ولا كذا والدروب مسهله

ياهني الديره اللي غدت للزين دار===وياهني اللي مع الزين في نفس عمله

وياوجودي وجد شيبه كبير وله صغار===يوم جا في مجلس القوم محد (ن) جمله

كل ماناظرت زوله غدا فيّ انهيار===ولولا خوفي من الهي وسلمي رحت له

اشهد ان فراق الاحباب صدق ان قيل حار===واشهد ااني عقب فرقاه فارقت الدله

يالله يامنزل تبارك وسورة الانفطار===احفظه زول (ن) عشقته وذوقني الوله

المصدر: الملتقى الجماهيري للشاعر محمد بن فطيس المري