[ طعنه .. وَ عيديّـه ]

[ طعنه .. وَ عيديّـه ]

في عيدك الخامس معايه والأخير
........ عيديّتك .. كانت خيانه فانيه !!
صبرْت عن مرّه ، ولكن ما يصير
....... أعطيك فرصة حبّ ، مرّه ثانيه

أنسيني .. وْ أنسي الغلا واسْنيني
... ما عادت احْلامي معك ورديّه !!

ولا عادت انْسام الصبحْ تعنيني
... ولا عادت ابْياتي عليك اشْويّه ،

لـ الليل صرت وْ صارت اتْودّيني
... طعناتك اللي كانت العيديّه !!

كنتي تقولين الشعر باكيني ؟
... وانا محسّب كلمتك عفويّه ،،

ألين صارت .. بيني وْ مابيني
...خيانتك .. ما كانت إلا ليّه !!

عزّي جروحي بالطعون وْ هيني
... غلاي .. مادام الخيانه حيّه ،،

ومادامة اوْراقك ، بلا تعويني
... وش لك مع احْروفي ووش لك فيّه

الله يخلّي لك ، ولا ايْخليني !!
... ان كان خلّيتك .. تجيني جيّه !

مدري وش اللي فيه ماهو فيني ؟
...حتى الزعل ما جبْت لك طاريّه

لا تنطقين اسْمي .. ولااتْناديني !
... تكرم حروف اسْمي على اللي زيّه


أسنيني انْسي .. والغلا وانسيني
... طعناتك اغْلى شيّ بالعيديّه !

ما كان ودّي ينكسر خاطرها !!
ماعرْف بانْها رح .. تعيد الكرّه


كنت احْسب انّي بالغلا فاطرها
وانْها على ادْروب الهوا منجرّه

يمكن أكون اللي قبل أآسرها !
لكن أكيد الحين صارت حرّه


أعرْف ذنبي ، غلطتي واخبرها
أنّي سمحْت الْها بطعنة مرّه !

نص ل محمد القعايده

المصدر: الملتقى الجماهيري للشاعر محمد بن فطيس المري