قوي الطواريق

قوي الطواريق

ياصاحبي وينك ترا نشف بي الريق =وانا ادورلك واجوب الفيافي
لا والذي يرزق جميع المخاليق = اني بدونك اشرب الهم صافي
للضيقتي كل العــــواذل سوابيق = والضيق جيش للغزو به شغافي
اكتب على شانك قوي الطواريق = وارسم مسيرك فالطواريق حافي
وانته تمشى بالغنج فالمعاليق = تشرب من عدود المحبه عوافي
الله يجيرك من عيونن سواريق= ولايعــرف السرق الا الهوافي
انته تعرف أني ماعرف تفاريق =بين الحبايب لاحصل إختلأفي
الله ولا حظ غدا فالشواهيق = يشوفه اللي للشـواهيق عافي
واللي اتهمني بالردا والتلافــيق = ابتركه للي يشوف الخوافي
ماهمني هرج الخبول المطافيق = مادام قلبي في المحبه سنافي
العشق مايرحــم قلـــوب العواشـــــيق = ولا يحن اهل القلوب الشفافي
تلــــــعب بنا الدنيا وحنا مشـــافيق = نشفق على قطع الجفا بالتـــصافي
عساك في دنياك تلقى التوافــــــــيق = اهديك ياعمري جديد القـــوافي

المصدر: الملتقى الجماهيري للشاعر محمد بن فطيس المري