مات الشعر من ضيقة الخلق مقتول - الملتقى الجماهيري للشاعر محمد بن فطيس المري

#1 05-25-2010, 03:41 PM

(مات الشعر من ضيقة الخلق مقتول)

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تبي الجديد ولأدري والله وش آقول

مامن جديد إلا على منت خابر

من خبرك الإحساس مقفي ومقفول

ونفسي مقفلها على كل دابر

تشغلني الذكرى إلياقلت مشغول

مأتقول وين الناس يابن الأكابر

ماللهوى في طابع الفكر محصول

وأهل الخواطر يشتكون المجابر

مات الشعر من ضيقة الخلق مقتول

وخد الورق جفف دموع المحابر

لاتسأل المنهار من كان مسئول

ومنهو ملا ديوان شعري مقابر

وصف الحزن في قايس العرض والطول

شبه الكويت بدفنة الشيخ جابر

صار الفكر في صاحب الفكر مشلول

مثل السجين اللي بسيب العنابر

لو الوصل واصتل معانا على طول

ماكان فكري فوق الأوطان عابر

لاتقول مومعقول كل شي معقول

حتى مزاجي من قسى الوقت غابر

كنت أحسب إنه ضيقة أيام وتزول

وعفيه على قلبي لهالحين صابر

أهوى الهوى لو الهوى شي مجهول

مأتشوف شوفك هو حياة المنابر

محبتك تكبر على داير الحول

تكبر وأنا ماني عليها متكابر

وإن قيل عن شكلي ترى غير مقبول

المرجله ماهي مناظر مخابر

منقووووول

المصدر: الملتقى الجماهيري للشاعر محمد بن فطيس المري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)