كتب

كتب

كتبت الشعر مو لجلك و لكن فاض بي بركان


و اما أنتي فلا تسوين قصيده في نظر عيني

حلفتي لي تصونيني إذا صار الزمن خوان


و أول ما عثر حظي على دربك خذلتينـي

كسر رمح الزمن صدري و جيتك اشتكي حيران


نزعتي الرمح من صدري وفي ظهري طعنتينـي

خساره كيف حبيتك؟! نعم و الله ندمان


غبي أدري نعم ادري ما دام انك سكنتينـي

سنه من عمري و أنا فـي لعبتك غرقان


أشيل الشوك من دربك وجرحي كان يدميني

و كنت أبكي إذا تبكي و أكون لبسمتك فرحان


و كنت اقرب من رموشك لعينك يوم تبغيني

عرفتك للآسف صحراء وحولتك إلى بستان


و شلتيني غصن أخضر وفي صخرك زرعتينـي

حفرتك داخلي وظني تصوني عشرتي أزمـان


و كنت أحفر قبر موتي على ساحل شرايني


على كف الشقا نامت جروحي و الألـم سهران


يحطمني .. يبعثرني .. وفي صحراك يرميني

و لكن عزتي تفرض أكون بدنيتـي سلطان


و إن ظنك أجي أركع لـرجلـك... ما عرفتيني


أنا مو عادتي اشحذ من أمثالك رضا وإحسـان


أموت بعزتي ارحم و لا ذلك يغطيني


وما دام الوفا عندك يدور له على عنوان


بدور لي على قلب يصون الحب وسنينـي



و لو قلبي رجع حَبك بولع فيه بالنيران



وبكسرها أنا رجلي إذا صوبك توديني



و لو دار الزمن ضدك وجيتـي تطلبي الغفران



وجبتي الشمس فـي كفك لعندي .. ما بتلقينـي


تقول الناس في وصفك جميله مثل عود البان



وإنك أجمل وأحلى بشر مخلوق من طيني




وإنك غاليه وأثمن من الياقـوت والمرجان




تقوم أكوان مـن أجلـك وتقعـد لـك بلاديني


حسافه غر هم شكلك ويا ما تخدع الألوان



عموماً .. بقت كلمه أخيره لك على قلبي وسمعيني


إذا كنتي بنظر غيري (( ملاك )) على هيئـة إنسـان






قسم بالله ما تسوين شعره من رمـش عينـي

مــمــا رااق لــي ..~

اتمناا ان تناال اعجابكم
تحيااتي للجميع...

المصدر: الملتقى الجماهيري للشاعر محمد بن فطيس المري

ونا راقت لي كثير ياسلام اختيار والا احلى

اشكرك عليه بس لو نزلتيهاا في قسم نبض القوافي

يكمل حلاهاا ذوق

تحياتي مررت

وانا راقت لي
تحياتى لكي وسلمتي

منوررررين المتصفح