ياشينها اذا طاح الرجال من عيني

ياشينها اذا طاح الرجال من عيني

ياشينها اذا طاح الرجال من عيني شيء طبيعي تختلف صفات رجال عن رجال وايضا الاحترام فيه فرق كبير وياكثر مايخونو ويجرحون راح اخاطبك انت ياللي اسمك رجال ليش تخون ...؟ سؤال جاوبني عليه تكلم من ورا زوجتك وتغازل وهات من هنا كلام حب وهيام بس لانها مسكينه وحبتك وماحبت تراقبك تخونها وبعض النساء جاهلات عن هالاشياء يعني يحرمها من اشياء واهي جدا عاديه عمرك قلت لها الله لايحرمنا منك يالغاليه بعد ماتجهز لكم الغدا صدقني لو قلت لها هالكلمه بس راحت فرح من كل قلبها ويزول تعبها كله تعبها من الصباح الى الليل مابين البيت والاطفال واهتمامك بس مااحرم نفسه من الخيانه يمشي ويتمخطر على هواه هذا جزاها اللي حبتك من كل قلبها هذا جزاها اللي حفطت لك بيتك واولادك تطلع من البيت وترجع اخر النهار ماتعطي اهتمام لها ولا لاطفالك صارت عاده عندك ترجع تاكل تنوم تجلس على النت وغيره وتطلع بس انت فكرت في زوجتك و اطفالك اللي محتاجين تجلس معهم تسمع كلام كثير جوات قلبهم ومترددين يقولون لك تعرف ليش يخافون منك ..؟ ويترددون يقولون لك لانك ماحسستهم باهتمامك ماحسستهم بحنانك وعطفك عليهم ولو قال كلمه قلت له خلاص اسكت او قلت اي كلمه تسكته لا هذا اكبر خطاء والكثير يجهلون هذا الشي اذا سألك طفلك عن شيء وحب يستفسر اسمعه للاخر وقوله كلش فهمه وبكذا الطفل راح تكون عنده الشجاعه في كلامه ومايتردد ابدا اتمنى منك يارجل لاتطيح من عين زوجتك واطفالك كتبت هالموضوع لاني شفت وسمعت بهالاشياء شيء محزن بصراحه لما وحده من البنات بالجامعه حكت لي طريقه تعامل زوجها لها نفس هالاسلوب وحبيت انبهم واتمنى توصل لك اب ودي للجميع : بنت برقا

المصدر: الملتقى الجماهيري للشاعر محمد بن فطيس المري

ياقلبي انتي
بنت برقا موضووووعك خطير ومفيد كمان


شووووفي حياتي انا معاك ومعاها كمان
فيه ناس مثل هذا الغبي
ياكل ويشرب ويخرج
ماكانووو عنده زوجه واطفال وبيت
وهذا بوجهة نظري مريض نفسيا بدووون شك
مافي رجال عاقل يسوووي هـ الحركات
زوجتك تبغى تجلس معاها ومع اطفالك
سولف معاها اديهم حنانك حسسهم إنك رجال
انا لو مكانك بنت الروقه وربي ماأسميه رجال
لانووو الرجال تنطبق على اللي يحمل صفات الرجوله
مووو هذا لارجال ولاحرمه متبرين منووو كلنا


وياقلبي فيه العكس
فيه بعضهم والله لو اكبر سكرجي
إذا تزوووج خلاص ينسى ايام العزوبيه
وسبحان الله تتغير حياتووو
وهذا اشوووفه شي جميل منووو
يعني هذا اللي تنطبق عليه صفات الرجووووله
يهتم بدينه وزوجته واهله هذا الرجال
مو المريض التاني

فديتك والله

تسلمين يالغاليه وانا اقصد هالشي
اسعدني جدا تواجدك وردك الاروع
الله لايحرمني من هالطله

اشكرك كل الشكر والحمدلله ماسويته ونا شاب
عزابي بسويها لاتزوجت ..............................
اتوقع اني الذي يعمل كل ماذكرتي انه يواجه نقص منكي انت ياحواء
فانظري الى النقص وعدليه وسوف ترين النتيجه
الغلط يشمل الاثنين انتي ياحواء لماذا تكلمين واحد متزوج
ماتاخافين ان يحصلك مثل ماحصل لزوجة من تكلمين وانت لاماذا تكلم فتاه متزوجه
تضيعيون مستقبلكم ومستقبل اولادكم وتشتتون عائلات باكملها مجرد مكلمه
لماذا تضعين نفسك ياحواء في هاذا المكان تذكري عذاب القبر
الكلام الذي ذكر لايشمل الرجل فقط بل يشمل الاثنين معن

اسف اذا طولت بالكلام
لكي الاحترام والتقدير

كلام جميل وكبير جدا يا بنت برقا


لكل جنس من الجنسين اخطاء كبيره كانت او صغيره والشيطان حريص على الاغواء

فا الشخص اي كان جنسه بعد الزوااج يحرص كل الحرص على الاهتمام بشريكه في الحياه

لانه الدايم معه ويحاول يتجنب المغريات لان ابن ادم ضعييف الا من رحم ربي


شكرا بنت برقا بس ترا الحريم بعد مشاركين الرجال في نفس الخطاء الفادح



ودي

تسلم استاذي محمد
وبالعكس احترم وجهت نظرك حيل
لاكن انا ياحواء ماقصرت عنه اهتم فيه
وببيته واولاده من فتره تغير عليها
كله يسهر بالاستراحات وحياته دوم نت
مايهتم باطفاله ولايسمع منهم
وراح يكون الخطاء موجه له في هالحاله
صعب انو فقط حواء تقوم بتربيه اطفالها دون آدم

تسلم استاذي محمد المري
وانا كمان احترم نقدك ووجهت نظرك
واهو بالفعل الجنسين اهم سبب الخطاء
لاكن لو ماعلجو هذا الخطاء راح
يصعب عليهم تربيه اطفالهم وراح يضيع مستقبلهم

تمام....................
كلامك سليم بس انتي اهتميتي بالبيت صح والعيال
والطبخ وكل شي على احسن حال
بس نسيتي حقوقه من الرومنسيه والكلام الحلو
يعني الى اهتمام بالي حوله ومجاهلته لا وبعد تمنن
انا اربي عيالك واهتم فيهم اجل هم عياله لوحده عيالك انت بعد
طيب هوليش يطلع من بدري ويعمل مع متقلبات الحياه
مو عشانك انتي وعيالك
ياحواء راجعي نفسك وسوف ترين ان الخطى اوله واخره انتي السبب فيه
وشكراً

اقتباس المشاركة الأصلية كتبت بواسطة محمد الوريكي اشكرك كل الشكر والحمدلله ماسويته ونا شاب عزابي بسويها لاتزوجت .............................. اتوقع اني الذي يعمل كل ماذكرتي انه يواجه نقص منكي انت ياحواء فانظري الى النقص وعدليه وسوف ترين النتيجه الغلط يشمل الاثنين انتي ياحواء لماذا تكلمين واحد متزوج ماتاخافين ان يحصلك مثل ماحصل لزوجة من تكلمين وانت لاماذا تكلم فتاه متزوجه تضيعيون مستقبلكم ومستقبل اولادكم وتشتتون عائلات باكملها مجرد مكلمه لماذا تضعين نفسك ياحواء في هاذا المكان تذكري عذاب القبر الكلام الذي ذكر لايشمل الرجل فقط بل يشمل الاثنين معن اسف اذا طولت بالكلام لكي الاحترام والتقدير

نتفق ياادم هع
لا والله صراحه انا تفق معاااااااك
بنقطة إنوو الغلط يشمل الاتنين

والله ذكرتني ي محمد
اوجه رساله سوا متزوجه وإلا مومتزوجه
بالله وين المخافه من الله
ماتخافي يوووم ربي ينتقم منك ذنب المسكينه
اللي ماخذها ولاهو معبرها بالبيت عندووو

لكن يامحمد الغلط مو كلووو علينا
صح فيه بنات والله لو كنت مكان الرجل
لـ تزوج عليها<<<<<يقهرها هع هع
بس فيه بعضهم لا والله تقدم له كل ماتملك
وهو ماكانووو إنسان بالبيت
يارب تشفيه بس اللي كذا


أنا ماأبري الاتنين بس المراه
يملكها الرجل لو بكلمه منوو حلوووهـ

واسفه محمد بس بمسكم كلكم بالدووور للصباح هع

اقتباس المشاركة الأصلية كتبت بواسطة محمد المري كلام جميل وكبير جدا يا بنت برقا لكل جنس من الجنسين اخطاء كبيره كانت او صغيره والشيطان حريص على الاغواء فا الشخص اي كان جنسه بعد الزوااج يحرص كل الحرص على الاهتمام بشريكه في الحياه لانه الدايم معه ويحاول يتجنب المغريات لان ابن ادم ضعييف الا من رحم ربي شكرا بنت برقا بس ترا الحريم بعد مشاركين الرجال في نفس الخطاء الفادح ودي

جميل كلامك يا محمد
إيوا صح مشاركين اتنينهم
صايرهـ محاميه الليله هع هع


بجلس هنا والي يمر يتم القبض عليه
ههههههه