انا جيت من طوعي ولا في يدي قيود

انا جيت من طوعي ولا في يدي قيود

أنا جيت من طوعي ولافي يدي قيـــــود
.......... أنا جيت في مركب ضميري وتأنيبــــــــي

أنا بعد عشريني كشف خافقي الموجود
..........وعقلي ورا الموجود يطمح ويسري بــــي

ألا يا ألاه الكون يا الخالق المعبـــــــــــود
..........أنا جيت لك والجهل والذنب يزري بـــــــي

أسافر مع أفكاري ورا العالم المفقـــــود
..........وكثر الندم والحزن والخوف يجري بـــــــي

على نور رضوانك ذهاباُ ولا به عـــــــــود
...............ولا همني بين المخاليق ترتيبـــــــــــي

إذا ناظرت عيني مكاني ببيت الــــــــدود
..........وإذا اطلقت تفكيري وراء العالم الغيبـــي

أشوف الحياة أزهد من الغايب المزهـــود
.......... ولا كنني أدري ولا الناس تدري بــــــــي

أنافس على الجنه مع قلة المجهـــــــود
..........ولكن على عفوك رجائي وتجنيبــــــــي

عيوني تناظر للسما ما يجيها رقـــــــــود
..........عسى الله يعافيني ولا ذوق تعذيبــــي

درست الحياه وجل ما في الحياه سدود
.......... سوى ما سعى في كف نفسي تأديبي

وبا ارحل من الدنيا ورا العالم المشهـــود
..........وغاية طموحي رد نفسي وتهذيبـــــــي

المصدر: الملتقى الجماهيري للشاعر محمد بن فطيس المري

ماشاء الله
صح لسانك حسين
رووعه القصيده
الله يحفظك يارب

صح لسانك يالحارثي مدد بلا عدد .. نص جزل وله وقع في النفوس .. الله يغفر لك ويغفر لنا ويدخلنا الجنه من اوسع ابوابه .. تقبل تحياتي واعذر قصوري

صح الله لســآنك
ولـآهـآن رآسك
ولك تقييمي

صح لسآنك يالحارثي
جزل وانا اخوك ،،
لاتحرمنا هالابدآع
وتاكد اني متلهف لجديدك
تحياتي لك

يالحارثي صح السانك مدد بلا عدد

ابيات روعه تشكر عليهاا يا يا يابعدي

انتظر جديدك ووفقك الله *

تحياي وشكري

صح لسانك مبدع واطربتنا بالأبيات الجميله
التي كانت ولازالت قريبه لنبض قلوبنا
لك شكري وتقيييمي

صح لساااااااااااانك