خلها علي الله

خلها علي الله

خلها على الله ماهي أول خساره
وياقلبي إصبر يمكن تكون خيره

إن كان ماوده يجي بإختياره
اللي خلقه الله خلق ناس غيره

ليته عرف هالبعد وشلون ناره
ماكان عندي يبعد ويروح ديره

الشوق بعثرني وطال إنتظاره
يعني خلاص الحب هذا مصيره

فواز عطني من باكيتك زقاره
وخدر لي الشاهي وخليه شيره

بجر صوت ماجلبته الحضاره
ميراث شايب ماختلف في مسيره

بعض الشعر يقثع عليك المراره
وبعضه يداوي كل نفس كسيره

وانا لعبت القاف وأربكت كاره
لكن عفته يوم حاسوا مريره

من صاروا الشعار نوره وساره
وسيمون اسمر هو يقود المسيره

بكره يصير الشعر رهن استعاره
يعني تقبل لو تهيجن شكيره

النفس طابت يوم كشف الستاره
يوم الكبيره تستوي بالصغيره

وادركت مافال جو ياكود فاره
استتبع الماخوذ ثم صار زيره

ودام انها ساحة لوي واستداره
بشوم عنها وياعساها سفيره

بطران لا والله شيخ البطاره
واعز نفسي عن نفوس حقيره

وعزاي بالعطار ورثه عطاره
واللي خدم مهما وصل تبع اميره

بنهي انا الموضوع وش لي بعاره
وارد للي ماتأنب ضميره

خل ظلمني ماعدلني بقراره
هو سبت احزاني وقلبي اسيره

اقفى ولادري وين صارت دياره
والمشكله ماعاد لي معه سيره

قامت تعذر جيته والزياره
وانا جروحي من بعاده خطيره

اومى بكفه وابتسملي بحقاره
وعرفت ريح المسك من نفخ كيره

هو يحسب ان الغدر فن وشطاره
بس مادرى ماطار بالحب طيره

فواز وينك ماتمد الزقاره
لي حروة الساعه ابيلي تعميره

يمكن مع الدخان تطخ الحراره
خص اذا شاهيك ياخوك شيره

وخلها علي الله ماهي اول خساره
واللي خلقه الله خلق ناس غيره

المصدر: الملتقى الجماهيري للشاعر محمد بن فطيس المري

ليته عرف هالبعد وشلون ناره
ماكان عندي يبعد ويروح ديره

الشوق بعثرني وطال إنتظاره
يعني خلاص الحب هذا مصيره
{سلمت يمناك على الإختيار الموفق}
------------------
بطران لا والله شيخ البطاره

واعز نفسي عن نفوس حقيره
اي والله انك شيخ البطارة يا فيصل العدواني
صح لسانه وعلا شانه

اقتباس المشاركة الأصلية كتبت بواسطة ~{سوافي~الريح}~ ليته عرف هالبعد وشلون ناره ماكان عندي يبعد ويروح ديره الشوق بعثرني وطال إنتظاره يعني خلاص الحب هذا مصيره {سلمت يمناك على الإختيار الموفق} ------------------ بطران لا والله شيخ البطاره واعز نفسي عن نفوس حقيره اي والله انك شيخ البطارة يا فيصل العدواني صح لسانه وعلا شانه

الريح
اسعدني مروورج بصفحتي
تحياتي

عبدالعزيز

صح ذوقك ولاهنت على النقل

انا دائما اعجب في اقتنائك المميز لاني اعتقد انك تقراء الابيات مرات عديده قبل ان تنقلها الينا وهذا ما جعل اختيارك اميز من غيرك

لك مني كل التقدير والاحترام وانتظر اقتنائك القادم

تحيااااااااااااااااتي

اقتباس المشاركة الأصلية كتبت بواسطة البرنس السعودي عبدالعزيز صح ذوقك ولاهنت على النقل انا دائما اعجب في اقتنائك المميز لاني اعتقد انك تقراء الابيات مرات عديده قبل ان تنقلها الينا وهذا ما جعل اختيارك اميز من غيرك لك مني كل التقدير والاحترام وانتظر اقتنائك القادم تحيااااااااااااااااتي

البرنس
لاهنت ياخوي على تواجدك الدائم في صفحتي لك تقديري

خلها على الله ماهي اول خساااره !!



وتسسلم ع الذوق الراقي

والله يعطيك العافيه

وخلها علي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]ماهي اول خساره
واللي خلقه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]خلق ناس غيره

يعطيك العافيه على القصيده الرائعه .. دائما مميز بطرحك . لاهنت




يعني تقبل لو تهيجن شكيره>>


تحيااااتي .

اقتباس المشاركة الأصلية كتبت بواسطة الهــــــــوى وخلها علي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]ماهي اول خساره واللي خلقه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]خلق ناس غيره يعطيك العافيه على القصيده الرائعه .. دائما مميز بطرحك . لاهنت يعني تقبل لو تهيجن شكيره>> تحيااااتي .

الــهــوووووى
اشكرررج على تواااااجدج
في
صفحتي
لج منى تحيه

صح لسان قايلها ... قصيدة طيبه ... مشكور ع نقلها ... واصل ابداعك ... تقبل مروري

اقتباس المشاركة الأصلية كتبت بواسطة احساس صح لسان قايلها ... قصيدة طيبه ... مشكور ع نقلها ... واصل ابداعك ... تقبل مروري

احسااااااس
يسلمووووووووووو
عالمرووووووووووور
تحياتي