مالي مسلي غير قرطاس ويراع ,,

مالي مسلي غير قرطاس ويراع ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله جميع اوقاتكم بكل خير وكل رضاء ,,

نضع لكم مشاركه غزليه لو ماني بحب الغزل بالحيل لكن هي من طراز الشعر القديم والقديم محبوب لدى الاغلب اتمنى ان تنال اعجابكم ,,

الـبارحه فزيت بالليل مرتاع=فزت صغير السن يبكي ومفطوم
يبغى لذيذ الديد من بعد ماجاع=يسكب دموع الحزن بالخد مرسوم
عمره ثمان شهور وابهم ووجاع=وامه توفت والعنى صار مقسوم
وحيد ماله من مسلي ورضاع=عزي لحاله شاف لوعـات وهموم
ابوه وسط السجن شايب بمركاع=اربع سنين وستت اشهور محكوم
مظلوم في سجنه ولاجاه فزاع=خذو عليه ديون والعود مظلوم
على الذي لهروج الانذال مطواع=بعده مغير اطيح ياسعود واقوم
اقفى ومن دونه سراب ٍ على قاع=اقفى وقلبي بعد ماراح ماسوم
ابـو جـبـيـنن كـنه الـبرق لامـاع=برق ٍ يلوح ولاحصل دونه غيوم
لوهو يغطي صافي الخد بقناع=ظني يشٌع بزود ماصار مكتوم
والعين عين الي على الصيد فراع=عين اشقر ٍ ماصار بالسبق محزوم
حر ٍ وحش ماله على الوكر ميقاع=ولاعلفه صقار ولاصار ملزوم
على اول الهدات بالعين شلاع=ذاير ولوحى حس يكفخ على الحوم
وجدايله مقدار شبرين وذراع=من سبته كني على الفرش مسموم
والعنق عنق الي على البيد قطاع=من هجن بن تيمور لاباهت القوم
اقفى ومن همي تشاكيل وانواع=ولاعاد لي بالزاد والشرب والنوم
كثرت بي السجات والناس هجاع=ونومي دقايق به هواجيس وحلوم
واخذ مع الافكار ياسعود مذواع=ولافقت عنيت القدم راس مزموم
ولالي مسلي غير قرطاس ويراع=واكتب من الخاطر تعابير منظوم
وارجي عسى بعد المفارق بالاجماع=ويطيب قلب ٍ بالهوا صار مسقوم

وسـلامـة نـواظركم ,, خـالـد الـعبيريد .

المصدر: الملتقى الجماهيري للشاعر محمد بن فطيس المري

عـلـى الــذي لـهــروج الانـــذال مـطــواعبـعــده مـغـيــر اطــيــح يـاسـعــود واقــــوم

اقفـى ومـن دونـه سـراب ٍ علـى قـاعاقــفــى وقـلـبــي بــعــد مـــــاراح مــاســـوم

ابـــــو جـبـيـنــن كــنـــه الــبـــرق لامـــــاعبــرق ٍ يـلـوح ولاحـصـل دونــه غـيـوم

لــوهــو يـغـطــي صــافــي الــخــد بـقـنــاعظــنــي يــشٌــع بــــزود مــاصــار مـكـتــوم

الله الله صح الله لسانك وبدنك اخويي خالد ولاهنت على هذه القصيده التي انطربت في قرآأتها وكررتها اكثر من مره لجمال ابياتها

حياك الله يامحمد الشريف ,,

صح الله بدنك وصح قلبك وكلك ولاهنت ياغالي على حضورك المضئ وتعليقك العذب ,,

كل الشكر لك وكل التقدير ووافر الاحترام .

خالد العبيريد انت جزل في جميع الطواريق
والغزل كما تفضلت له متابعين والحقيقه انا
من متابعين والمعجبين بحرفك الجزل في جميع المجالات
صح لسانك. اخوي دائماً وابدا تحياتي واتقديري
ولاهنت ياملك

حياك الله يابو محمد ,,

انت مرورك يعني لي شي كبير والله يعلم ورايك يهمني وابد ماعليك زود يالغالي ولاهنت ,,

صح الله بدنك وصح قلبك وكلك ولاهنت واشكرك على حضورك المضئ ,,

خالص تحيااتي ووافر احترامي لك .

صح السانك اخوي خالد مدد بلاا عدد

وش اقول وش اخلي شاعر بمعنى الكلمه لله درك

يعجبني اسلوبك وتفننك ترسمها رسم وانا اخوك ما شاء الله


تحياتي وتقديري

اقتباس المشاركة الأصلية كتبت بواسطة فهد ثامر البقمي صح السانك اخوي خالد مدد بلاا عدد وش اقول وش اخلي شاعر بمعنى الكلمه لله درك يعجبني اسلوبك وتفننك ترسمها رسم وانا اخوك ما شاء الله تحياتي وتقديري

ابو ثـامر حيـااك الله ,,

صح الله بدنك وصح كلك ولاهنت ياغالي على حضورك وعذب اطراءك وجزالة الشعر نستمده منك ,,

احترامي لتحياتك وتقديرك ولك مني وافر الاحترام وكل الاخلاص .

صح لسآانك خــآالد
مبدع وربي الله يحفظك يآارب

اقتباس المشاركة الأصلية كتبت بواسطة الماسـه صح لسآانك خــآالد مبدع وربي الله يحفظك يآارب

الماسه حيااك الله ,,

صح الله بدنك وصح كلك والابداع حضورك وحضور الجميع ,,

اشكرك على حضورك المضئ واطراءك الجميل ,,

خالص تحياتي وتقديري لك .

صح السانك .. وصح كلك ي الروقي
على هذا الابداع والجمال .. معزوفه رائعه وجزله
دام حرفك ايها النقي .. ولله درك
كل التقدير والاحترام