قصيدة الكوكـب لـ البدر

قصيدة الكوكـب لـ البدر

.



حبيبي من هو غيرك قد عشق فكره
طيف وخيال ونحولٍ يكسر الخاطر

.

ما حذرك عاذلك من غيه وسحره
ما قال قلبه خراب وموسمه باير

.

لا بر في دفتره لا شهد في حبره
لا ضي في غربته متبعثر وحاير

.

كني سمعتك وكل العين منتثره
دمعٍ صرختي ما بين السيف والحافر

.

لا تذبحونه ألم وأن طال به عمره
فاق بخياله جمال الماضي والحاضر

.

اللى طعنتوه خلوا شبر في صدره
يلقى به العشق وقت يقيم ويسافر

.

الكوكب اللي تقول الناس ياصغره
من كثر ما هو بعيد وشوفهم قاصر

.

لا تحسدونه خذا من خبزكم كسره
للجوع وأعطي شباب القلب والناظر

.

اللي قليله قليل ٍ فاض من كثره
واللي كثيره قليل الجوهر النادر

.

اصابعه وان حسبتوا كلها عشره
اصابعه وان حسبتوا مالها آخر

.

في كل ارضٍ حفروديناها ظفره
وفي كل صخر بياض عظامها نافر
.

كل ما انجرح شع نزفه واشتعل فكره
وكل ما بكى كل دمعه تولد بشاعر


.
الامير الشاعر

بدر بن عبدالـمـحـسـن
.

المصدر: الملتقى الجماهيري للشاعر محمد بن فطيس المري

يا سلا م على الانتقاااء الجميل صح السان الشاعر الامير
وتسلم ايدك يا رشيد

اقتباس المشاركة الأصلية كتبت بواسطة عامر صالح ال شنيف يا سلا م على الانتقاااء الجميل صح السان الشاعر الامير وتسلم ايدك يا رشيد

اشكركم جزيل الشكر

صح لسان شاعرها ولاهنتم أحبتي

مشكور على هذا الاختيار