,,ورده وجوري ونعناع ,,

,,ورده وجوري ونعناع ,,

مع التحيه والتقدير لكل العابرين

من عادتي ما احب تعكير الاسماع=ابني على صوت الصراحه صراحه
روحي تحرّك خافقي خلف الاضلاع=وتعطي لتفكيري براحه براحه
زرع الوفا ورده وجوري ونعناع=والري يدفع من قراحه قراحه
وانا علىطبعي وازاحم با الاطباع=والطير ما يخذل جناحه جناحه
قالو لي ابدع قلت ياكثر الابداع=غطّا الوفا الواسع مساحه مساحه
ماهمني كثر الدعايه والاطماع=والحس ما يحرق صباحه صباحه
الوضع عادي والمبادي با الاوضاع=والحرف يرسم من نجاحه نجاحه
على الشموخ اكتب رصيدي والايداع=واصرف على شيك السماحه سماحه
اعطي سمو النفس مدهل ومرباع=والنفس يكبح من جماحه جماحه
والحظ واقف ما شراني ولا باع=موج البحر يروي ملاحه ملاحه
ويكفي هجوسي وصّلت حد الاشباع=للذوق ويساند كفاحه كفاحه
من عادتي ما احب تعكير الاسماع=ابني على صوت الصراحه صراحه

المصدر: الملتقى الجماهيري للشاعر محمد بن فطيس المري

صح لسسسانك اخوي مرزوق

شاعر لا تعجزه القيفان صخرت لناا اعذب الابيات واجزلها

لا حرمنا نبض حرفك وسموووه

تقبل ودي وتقديري لشخصك الكريم

اخوك
ابو مشااري

صح لسانك يالرمالي ولا هنت

شاعر كبير ولا يشق له غباااااااااااااار

دمت متألق

الله الله عليك وصح الله السانك قصيده رائعه كروعتك
ودي وتقديري

مرزوق الرمالي صح لسانك حتى ترضى

على الرغم من طول غيابك اتيت بما يشفع لك

اني اقف امام نص شامخ كشموخ راعيه

تقبل تحياتي وخالص تقديري

الله الله اكبر من طول الغيبات جاب الغنايم

والله قصيده روعه تشكر عليهاا يا يا يا بعدي


ننتظر المزيد منك يالغالي هع