آراءكم ياشعراء المنتدى!!!

آراءكم ياشعراء المنتدى!!!

مساء/صباح الرضا والسعاده

هذي الأبيات آخر ماكتبت اتمنى تعجبكم
وأهم شي آراءكم....
الليل لا حل وغشى الكون الظلام
طرت لي أشياءن من العهد القديم

خلق الله تنامه وانا عفت المنام
ارقب طلوع الشمس لاهب النسيم

سلام ياخالي وعقب هذا السلام
عساك طيب والفرح وسطك مقيم

وابسألك ياخال كم قد مضى عام؟
على وصاااالٍ بيننا عوّد يتيم

هجرن وكره وحقد وقطاعة ارحام
حالك تبدل والسبب هرجة حريم

يابو فرج لاموك ما فاد الملام
فرّحت عدوانك واسعدت اللئيم

خالفت ربعك ثم تبعت ابن الحرام
وانا اخبرك رجال من رجلٍ عظيم

"غروك" يا خالي عساهم للعدام
عسى عظام اللي ينافق للجحيم

لكن على الله باكر يزول الغمام
ويجي الفرج من عند خلاقٍ كريم

تمت
وانا عن نفسي احس مافيها ترابط
انتم شرايكم؟؟

المصدر: الملتقى الجماهيري للشاعر محمد بن فطيس المري

التراابط في القصيده غير موجووود
طرت لي أشياءن من العهد القديم
(((فسر لي هالشطر)))
خلق الله تنامه وانا عفت المنام
تنامه....هل تقال بهذا المنطق
......رأيي في القصيدة بعد الرد

اسمعي يالغلا قصيدج زين وانتي زينه والى الامااااااااااام ولاتتوقفين الى ان تتمكنين
فديتج عسى الله يوفقج وقصيدتج ذكرتني بخالي الله يرحمه عساج ع القوووووووووووووووووه يبه

الفكره موجوده اختي مناوي

لكن كيفية صياغة الفكره هي اللي مفقوده

عندك فكره وعندك رساله تبين توصلينها

لكن خبرتك ما خدمتك في هالمجال

واختيارك للصور ما كان موجوده او كان قليل

والوزن بعد له دور لان القصيده لابد تكون موزونه

اولاً تستثمري الفكره ..

وفكرة القصيده على ما اضن انها بين العتاب وبين النصيحه والعنا

فهنا اسهل اغراض الشعر .. يعني في بدايتك الشعريه استمري في الكتابه على الاغراض السهله

وحاولي اول شي تتمكني من الوزن بمعرفت كيفية الوزن سواً بتلحين او بالقاااء ..

وهذي راح تزول مع الوقت

بالنسبه للصياغة الفكر شلون تتبدين وتتسلسلين وتنتهين

لازم يكون عندك في مخيلتك سلم ودرح تسيرين عليه

مثلا تبدين باسم الله وتحمدين ثم تتدرجين الى الوقت وما سواه وكلام الناس

ثم بعد كذاا تذكرين صاحبك وتعاتبينه ..

وتختمين القصيده مثلا بدعاء وتوجد لله سبحانه

واتمنى اني افدتك

وانا ترى ماني شاعر ولكن اخوض في الشعر ولي ذائقه شعريه ان شاء الله تستفيدين منهاا

اخجلتووووووووووني
شكرا لمروركم..
تسلم يا سلطان لاهنت
ضيف الله/تفسير الشطر~تذكرت اشياء صارت في وقت سابق
وتنامه/انطقها "اتنامه"
هات رايك!!

مبدعة واصلي سوف تكونين متميزة

اعارض الجميع انتي مبدعة واصلي واكتبي


ولايهمك النقد بل يفيدك ويخبرك عن الاخطاء



القصيدة ما بنقدها لأن الحس الشاعري موجود والفهم الحقيقي المرتقي الثاقف موجود


والدليل قولك احس القصيدة ماهي مترابطة؟


واصلي وانا متابع قصايدك لكن اسلوبها اسلوب شاعر

اتفق مع اخوي عبدالله

معنى القصيدة واضح وجميل لكن النقد في الوزن + الترابط

هذا يأتي مع الممارسة وقرائة الشعر

واتفق كذلك على ان الاسلوب اسلوب شاعر وليس شاعرة

وشكرا

مرحبا كلمات راقت لي وفكرتهاا حلوه

لك مستقبل واصلي والنقد لا شيلينه من باب انه يذمك لا بالعكس خذيه من باب التعلم

ونا اقول فكرته حلوه

تحياتي لك تقبلي مروري

عبدالله,مبارك,رايد
يسلم لي مروركم وصدقوني اني اتقبل جميع انتقاداتكم
لو باخذها على انها ذم كان ماطلبت رايكم
وبالنسبه لقولتكم اني شاعر يعني رجال
لا والله بهذي غلطانين انا بنت
ولا عاد تحطموني وتقولون ولد
وبسألكم/ليش قلتو انه اسلوب شاعر؟؟؟؟؟؟
اتمنى واحد منكم يرد....
تقبلو الود...

بسم الله الرحمن الرحيم

بعد ماحلفتي صدقتك..

وجواب على سؤلك

هنا مفردة تختلف عن المفردات اللتي فيها من الخشونه ولم نجد تلطف لأن

الموضوع عتاب وارسال ذلك على قريب .واسلوب الشاعرات يختلف لم نجد مثل ذلك

في القصايد اللتي يقولونها الشاعرات إلا إذا الشاعرة هي الوحيدة مع اخوانها ومتثرة بما ينظمون..


وخيراًهذي وجهة نظر وانا اسف على ذلك والله يوفقك واصلي وسوف نتابع ما يكون من قصايدك هنا..