قصائد وصور الفنان الكبير خالد عبدالرحمن ملك الفن مخاوي الليل ابو نايف ملك الاحساس ملك التواضع

قصائد وصور الفنان الكبير خالد عبدالرحمن ملك الفن مخاوي الليل ابو نايف ملك الاحساس ملك التواضع

سلامي للكل,,,
اسعدتــــمـ صباحا ومسائا بكـــل الخير والحب والمسرات
حبيت اجمع لكــمـ هذا الكم من كلمات قصائد الفنان الكبير خالد عبدالرحمن
واهديها من قلبي الى جميع محبين وعاشقين هذا الفنان الكبير ورقي فنه والكل يعرفه
وانا من محبين وعاشقين ومجنون مشجعي هذا الفنان الكبير ملك الفن خالد عبدالرحمن واتمنى من الكل التفاعل


=======================
ضويتي
ضويتي بخاطري شمعة نسيت إني بوسط الناس
عيونك هلت الدمعة دلايل رهفة الإحساس
صمتك حديث عيونك همس الحكي بشفاتك
شفت الحيا من دونك مخلوق في همساتك
عيني على ما تنظره ومنك اشغلتني نظرتك
شوقي ترى ما أقدره ساقني في طاعتك
وقتٍ مضى لا يهمك انتهى مع ناسه
واللي جذبني يمّك يصعب علي قياسه
تذكّري بكرة وبعد للقا وش ننتظر
ننتظر حلو الوعد وبسعادة نستمر


=====================
الله أقوى
الله أقوى لين خانتني الظروف ماهقيت الليل ما يوفي الوعد
ماتت الفرحة وأنا بعيني أشوف حارت أقداري وقلبي في جلد
لي وأنا في ظلمة الليل وقوف القمر شاهد ولا غيره أحد
وقتنا قاسي وفينا ما يرووف تسأله عيني وعينه ما ترد
لهفته لي مثل قلبي له شغوف له عنيت وأوفيت أنا له بالوعد
سلهمة عيني بها رجوى وخوف ليلنا جانا بعكس اللي نود
منوة الظامي منها الرشوف يا بخت من شافه ووافاه السعد
يا سراب ولو مسكتك بالكفوف لو شربت أظما وهي تظما بعد

]العروس

خـويـة درب عـمــري مـاخـذانـي دونـهــا النـسـيـان
وأنـا يـا أهل الملامة مـا رغبـت العيـش وحـدانـي

أبي لـي مهـره ماعسـفـت صغـيـره وبـنـت حـصـان
أبوها الـلــي يـفــك المشكلة ويـزبــن الـجـانــي

وأخوها لا تـعـزوى باسمـهـا فــزوا لـهـا العـربـان
يـحـق لـهـا الفـخـر فـــي قـولــة آل فـــلان جـدانــي

أبـيـهـا فـــي بـحــر عـشـريــن لا زود ولا نـقـصــان
أبيهـا اقصـر طويلـة والوصـوف أشكال والـوانـي

أبي الجبهة كما الصبح وكما القوس اسود الحجان
وأبيها نـاعـسـات ونرجـسـيـه ســــود الاعـيـانــي

أبي رمــش كـمـا ريــش يغـطـي الثـلـج فـالاوجــان
وأبي جـفـن يشـيـل الـرمــش طـربــان وكـسـلانـي

أبي خـــد كـمــا ورد تـنّـمـى فـــي طـــرف بـسـتـان
وأبي خـشـم صغـيـر ومـثـل حــد السـيـف شامـانـي

أبي البسمة كمـا البـرق وثناياهـا كـمـا المـرجـان
شـفـاهــا جـمـرتـيـن وفـمــهــا خــاتـــم سـلـيـمـانـي

أبي شـعـر مـثـل ذيــل الـفـرس لا طـبّـت الـمـيـدان
أو الـشــلال لأمن بـــات لـيـلــه بــيــن الامـتـانــي

أبي جـيـد ســـوات ابـريــق فـضــه نـاتــق مـلـيـان
وصــــدر كــنــه مــرايــه عـلـيـهـا طــلــع رمــانــي

أبي ظهـر كمـا الـجـدول وقــدّ مـثـل غـصـن الـبـان
وخـصـر مـثـل مـجـدول الاعــلان وجـسـم رويـانــي

أبيها نـابـيــة ردف وبــطـــن ضامر جــوعـــان
أبيها مـدمــج ســـاق وقـدمـهـا لــســان ثـعـبـانـي

أبيها بـنــت عـــز مـــن رغـدهــا يـنـعـم الفـسـتـان
أبي الرقة وأبي الدقة لـهـا بأطرافها شـانــي

أبي المشية كما اللـي طالـع مـن المعركة كسبـان
وأبيها تــرش مـــع خطـواتـهـا مـســك وريـحـانـي

أبي صــوت الــى مـنـي سمعـتـه كــن فـيـه الـحـان
يـدغـدغ مسمـعـي ويثـيـر كــل السـحـر فـاشـجـانـي

أبيها حـب وإخلاص وهواجيـس وفــرح وأحزان
أبيها مـثـل مــا دكـتـور أهالي العـشـق وصـانــي

أبيها لــوحــة مــــا صـورتـهــا ريــشــة الـفـنــان
أبيها جـوهــره مـــا جـابـهــا قــاصــي ولا دانــــي

أبيها تنتـصـر لــي مـــن زمـــان حـطـنـي نـيـشـان
وتبـشـر بـالـغـلا الـلــي مـالـفـى بـــه واحـــد ثـانــي

مـهـرهـا قـلــب وشـعــر يـهــز الـقـلـب والـوجــدان
وألبـسـهـا القـصـيـد وتـصـبـح أوزاني وقـيـفـانـي

أبي اللي فات واللي فات صعب ومن لقـى العنـوان
يــرد الـعـلـم ولا أفضل أبقى أعيش وحـدانــي

يا حبنيلك

يـا حبّنيـلك دون كــل المخـاليــق
ياللي تسـاوي كل شيء بحياتــي
لا شفت زولك ينجلي عني الضيق
وإن غبت عن عيني تزيد عبراتـي
دايم عيـونـي من فراقك غواريـق
وطلعتك ترسم بسمتي في شفاتي
الـحـب مفتـاح القفـول المغاليــق
وحبك دواي وفرحتـي يا غناتــي
أغليك وإللي بل أشافيك بالريق
يا منوتـي دايم محقــق مناتــي
غـلاك ساقـه رامعي في المعـاليـق
ولـولاه عينـي ما تعدت وطاتــي

فزولها

فـزوا لـهـا لين أقبلت فـزوا لـهـا
حبيبتـي فـي حسنها من مثلها
ليـن أقبلت ريم الفـلا
ومن وجهها شاع الحـلى
فـزوا لـهـا حبيبتـي
ومع فـزّكـم قولوا هلا
غنوا لـهـا يا أهل الطرب غنوا لـهـا
خلوا السهر يا أهل السهريحـلى لـهـا
خلوا الشعر ليـن انتثـر يرجع لـهـا
حبيبتـي كل الطرب غني لـهـا
لين اوقفت حبيبتـي قولـوا لها
بوصـولـهـا تم الفرح بوصولـهـا
واهدوا لها سلام وعشق اهدوا لـهـا
من روض نجدٍ والهوى ومعشـوقـهـا

النور

لا تـحسب إن النـور يـا زيــن منّـي
وجهي ترى يعكـس لك النـور منّــك
مثـل القمـر والشمس كنّك وكنّـي
أعكس شعاعــك وأسهـر الليـل عنّــك
مدامعـي تشهـد غرامـك سكـنّــي
والقـلـب قـبل الروح والعيـن حـنّــك
أنا أعتـرف لك كـل ما بـك فـتـنّـي
لو تطلب عيوني حبيبـي يـجـيـنّــك
قـصـيـدتـي توج بها القلب فنّـي
نظرتك مع ضحكتك اهم تاج فنّـك
وعسى الوفى بالحـب ظنّـك وظنّـي
وأعيش طـول العمـر في حسن ظنّــك

قرب الرحيل
قرب الرحيل وخاطري منك ما طـاب
يا واحدٍ عنـدك حياتـي رهـانــــه
تـدري بعلـه واحـدٍ منـك منصــــاب
اللي بقلبه لك يقوله لسـانــــه
بك طيب لو ما حط بك زين الأطيـاب
يا غصـن بان ناعــمٍ بـه ليـانـــــه
يا ليتـهم سمّـوك يـا زيـن معـطـاب
حيث ان حبك بالضماير مكانـــه
كلٍ عذلني فيــك عــدوان وأصحــاب
وأقــول خلونـي وكـلٍ وشانـــــه
وان قيـل وإلا بـدّل أحبـاب بأحبـــاب
قلـت آه لكن من يسد بمكانـــه

ودي تشوف الهم

ودي تشوف الهم وشلون سوى بحال من حبك على غير مصلوح
جرحتني جرح جديد تلوى على خفوق منك بالحيل مجروح
سويت فيني شئ ما ينتسوى وأقول يا سيد المماليح مسموح
ليتك بزلاتك عليا تروى يوم أن حبي لك من الروح للروح
أن كان حبل وصالنا ما تقوى فالله يعين عيون " سامر" على النوح
لا يا بعد من جابوا آدم وحواء خطاك مهما صار منسي ومدموح

يا مهاجره

يا مهاجرة باحساس .. أغلى من الروح ..
ودعتها ذكراك .. على أمل لقياك..
وعشقتها ديرة .. ديرة .. يوم وطتها خطاك
وجدي على نظرة .. يا مهاجرة باحساس ..
أشري بها عمري .. وأنسى حديث الناس
يوم إنك أقفيتي .. من في الهوى لايم .. أقدر أطيع أمره
مني رسالة حرف .. شوقي لها معنى ..
دنياي أنا صورة .. وجهك ملامحها
ولازلت أبحكي لك .. يا مبعدة عني ..
ومناي أنا أحكي لك .. يا مبعدة عني
بشوقي أسولف لك .. بشوقي أسولف لك ..
أدري حياتي هم .. تعبت أبا أوصل لك ..
وهمي تراه انتي .. يا مهاجرة باحساس
يا مهاجرة غبتي وأخذتيني رقيق احساس
والروح في وصفك لا ما تعرف اليأس
عشتك معاي أيام .. يا كل تفكيري
ليلة قمرها انتي .. ليلة قمرها انتي


حبيبتي

حبيبتي لامن غديتي لي سراج أتبعه
كني غديت من الظما أركض ويطردني السراب
لا تبخلين إذا شربتك ما شربتك من سعه
دامي من جروح الهموم الموجعه كلي صواب
اليوم مرتني السواني والفصول الأربعة
اليوم مرتني المواني والمباني والسحاب
يا بنت في خدك وهج سيل الشموس الساطعة
أحرق بداخل داخلي انسان ماهو للتراب
اليوم ما كني لقيتك مر صوتك ما أسمعه
اليوم ما كني فقدتك في سؤال ليل وجواب
واللي خلق ظلما الليالي في العيون الهاجعة
إني من الحرمان أتساءل وحرماني جواب
يوم الوداع تخيلي ما لي حبيب أوادعه
محروم أنا وتخيلي محروم حتى من العذاب
يا بنت لي قصة بطولك كلمتين موجعة
هي باختصار إني أنا أركض ويطردني السراب











هذا فناني المفضل انا مجنون بهذا الفنان الكبير
خالد عبدالرحمن ملك الفن احساس وشعور بفنه وبصوته والجميع يعرفه
وبقصائد وبتواضعه حبيت انقل لكم بعض من
قصائده وصوره الجميلة انشاء الله ان موضوعي
يعجب الجميع وشكرا لكم جميعا .....

مخاوي الدروب

المصدر: الملتقى الجماهيري للشاعر محمد بن فطيس المري

روعه يعطيك العافيه

رووووووووووعه فديتك عوووووووافي ابدااااااااع بربي