لاهب نسناس الهوى نبته ايميل

لاهب نسناس الهوى نبته ايميل

اسعد الله اوقاتكم بالخير
هذي ابيات كتبتها ايام الأمطار العام الماضي ونقول الله يجيب الربيع ان شاء الله

كريم يابرقاً سرى بأخر الليل=يم الديار اللي ذبحني غلاها
نسناسها شرقي وابسهولها سيل=لبى مراتعها ونسمة هواها
عسى الصحاري تبتهج عشب وأيضيل=نبتاً يرد اللي بوقته جفاها
وتشوف راع الذود من غيرها ايشيل=طاح الربيع وسلوة الروح جاها
لاهب نسناس الهوى نبته أيميل=خضراء ترد الروح والله كساها
تبري عليلاَ ذاق مر البهاذيل=يشقى ويسلى بالشقى من عناها
ماله جدا غير الشعر والمواوييل=وبنفسه لوازم عاجزاً ماقضاها
هذي هي الدنيا مقافي مقابيل=فيها كرم فيها بخل من عطاها
لاقلت جرحاً في فؤادي بدأ ايزيل=ردت علي نفساً تزايد بلاها
(( أم العيون الفاتنه والمضاليل=اللي مرضها يشتكي من دواها))
يانفس خليني طفح فيني الكيل=خلي خفوقاً راح واقفى وراها
اقفى واشوفه عاثراً بالمحابيل=مجروح يبكي هايماً في رجاها
(( ايوالله اني بالهواء طحت بالحيل=ونفسي صروف الوقت بين خفاها))

اخوكم هياف السبيعي

المصدر: الملتقى الجماهيري للشاعر محمد بن فطيس المري

هياف السبيعي صخ السانك مليون ولايسدون والله يجيب الربيع والله يغيث البلاد والعباد
تحيتي لك

كـريـم يابـرقـاً ســـرى بـأخــر الـلـيـل **يــم الـديــار الـلــي ذبـحـنـي غـلاهــا

صح لسانكـ

ابداااع في التصوير لابعد الحدوود

تقييم تاايم

الله يجيب المطر من عنده

صح لسانك يالسبيعي وبيض الله وجهك

ابدعت ابدعت الله لايضرك

ونعم ياهياف السبيعي ,,

حياك الله يالقرم هلا ومرحبا ,,

الشاعر هياف السبيعي والشاعر عبدالله بن نايف ,,

شعراء كل ماتابعت لهم قصيده سوا جديده او قديمه والله العظيم انها تحرك اشياء لايعلمها الا الله ,,

شاعرنا هياف صح الله لساانك وصح قلبك وكلك ولاهنت شاعر جزل وشهادتي فيك مجروحه والله يعلم ,,

كل تقديري وشكري لك وخالص تحياتي ومتابعتي لما تقدم يالمبدع ولك مني مجاراه في الابيات .

صح لسانك ياهياف هكذا الشعر الاصيل والشاعريه الحقيقيه




بيض الله وجهك وصح لسانك مدد بلا عدد . تقييمي واعجابي لك...

صح لسانك شاعر متميز
امتعتنا بقصيدتك الرائعه من حيث البدايه الى تسلسلها حتى الوصول الى النهايه


مع ملاحظات بسيطه اتمنى ان تكون في محلها واتمنى ان تتقبلها بصدر رحب



(وبنفـسـه لـــوازم عـاجــزاً ماقـضـاهـا )
اذا كان فيه خطأ املائي او ان فيه خلل في الوزن


لاقلـت جرحـاً فــي فــؤادي بــدأ ايـزيل
ردت عــلــي نـفـســاً تــزايـــد بــلاهـــا

كلمه (يزيل) اعتقد ان استخدمتها في غير مكانها
عارف انك تقصد ان الجرح بدا (يزول) بس القاف حداك عليها


تحياتي اخوك
عبدالله القحطاني

اقتباس:
المشاركة الأصلية كتبت بواسطة بدر الشدادي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
هياف السبيعي صخ السانك مليون ولايسدون والله يجيب الربيع والله يغيث البلاد والعباد
تحيتي لك



صح بدنك يالغالي والله لايهينك على مرورك شرف لي بحد ذاته

اشكرك

اقتباس:
المشاركة الأصلية كتبت بواسطة تراتيل السكون [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
كـريـم يابـرقـاً ســـرى بـأخــر الـلـيـل **يــم الـديــار الـلــي ذبـحـنـي غـلاهــا

صح لسانكـ

ابداااع في التصوير لابعد الحدوود

تقييم تاايم




صح بدنك والله لايهينك على تواجدك تشرفت به تحياتي لك

اقتباس:
المشاركة الأصلية كتبت بواسطة فزاع المرشدي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الله يجيب المطر من عنده

صح لسانك يالسبيعي وبيض الله وجهك

ابدعت ابدعت الله لايضرك



ووجهك ابيض يالمرشدي وصح بدنك والله لايهينك ويعطيك العافيه على تواجدك