ياوجودي ياهلي

ياوجودي ياهلي

مما راق لي واتمنى تنال اعجاب الجميع
للشاعر/هادي الرزقي

ياوجودي ياهلي والله ان قد لـي سنـه
عايشٍ في غير وقتي وفي غيـر بلـدي
وياوجودي وجد من طاول السقم بدنـه
يرتجيني كل ليله وانـا وش فـي يـدي
الزمان الشين والبعـد حادينـي عنـه
في مغيب اسهيل عني وانا عنـه جـدي
وياوجودي وجد من عاش في غير وطنه
والدهر والفقر والديـن حادينـه حـدي
عاش بين القوم والوقت حـدّه وشطنـه
والعرب مايرحمونه وهـو حظـه ردي
وياوجودي وجد من جاه علـمٍ واذهنـه
قالو افزع والحق اخـوك قـدّام يغـدي
يـوم جاهـم ينقلونـه ودمّـه بكفنـه
قال ياوجـدي وويلـي وياقـل اجهـدي
كن نحيبه يوم صـلاّ صلاتـه وادفنـه
شعف ليلٍ يقشع الحيد والعـرق النـدي
صادني ماصاد قلبه وضامـه واغبنـه
من سبب قلّي وذلّي وضيمـي ووحـدي
واحدٍ مالـه مـلاذٍ ليـا ضـاق ازبنـه
في شمات اعداه ذمّـه وللذمّـه فـدي
ولليالـي والسبـاع المويقـات اعدنـه
بالهموم ايقيـم وبقـل توفيـق ايعـدي
في رجالله ثم رجا الجاذي اللي له سنه
والاّ انـا لاذا زمانـي ولا ذا ببـلـدي

المصدر: الملتقى الجماهيري للشاعر محمد بن فطيس المري

عليكم السلام ورحمه الله وبركاته
فيصل
لاهنت ولاهان شاعرها
تحياتي لك

ماشآء الله
آبيآات رآئعه تسلم فيصل
هذآ يدل على ذوقك الرآقي
الله يحفظك يآارب . .